ಹೈದರಾಬಾದ್:ಕಷ್ಟಪಟ್ಟು ಬೆವರು ಸುರಿಸಿ ದುಡಿದ ಹಣದಿಂದ ಸ್ವಂತ ಮನೆ ಕಟ್ಟಿದ. ಆದರೆ ಗೃಹ ಪ್ರವೇಶದಂದೇ ಆತ ಹೆಣವಾದ. ಆತನ ಬಾಳಿನಲ್ಲಿ ವಿಧಿ ಒಂದು ಆಟವಾಡಿತು.
ನಿರ್ಮಲ್ ಪಟ್ಟಣದ ದ್ಯಾಗವಾಡ ಕಾಲೋನಿ ನಿವಾಸಿ ಹರೀಶ್ ಕುಮಾರ್ (38) ಮತ್ತು ಸೌಜನ್ಯ ದಂಪತಿಗೆ ಇಬ್ಬರು ಮಕ್ಕಳು. ಹರೀಶ್ ಕಂಪನಿಯೊಂದರಲ್ಲಿ ಕೆಲಸ ಮಾಡುತ್ತಿದ್ದು, ಹೈದರಾಬಾದ್ನ ಚಿಂತಲ್ನಲ್ಲಿ ವಾಸಿಸುತ್ತಿದ್ದಾರೆ. ಹರೀಶ್ ಇಲ್ಲಿನ ಕೆವಿ ರೆಡ್ಡಿನಗರದಲ್ಲಿ ಮನೆಯೊಂದನ್ನು ಕಟ್ಟಿಸಿದ್ದಾರೆ. ಇದೇ ತಿಂಗಳು 29 ಸೋಮವಾರದಂದು ಗೃಹಪ್ರವೇಶ ಕಾರ್ಯಕ್ರಮ ಹಮ್ಮಿಕೊಂಡಿದ್ದರು.
ಇನ್ನು ಗೃಹ ಪ್ರವೇಶಕ್ಕೆ ಹಿರಿಯ ಸಹೋದರ ಚಂದ್ರಶೇಖರ್ ಕುಟಂಬ ಬಂದಿದೆ. ಹೊಸ ಮನೆ ಕೆಲಸ ನೋಡಲು ಹರೀಶ್ ತನ್ನ ಸಹೋದರನ ಮಗ ಸಿದ್ಧಾರ್ಥ್ (14) ಜೊತೆ ಬೈಕ್ ಮೇಲೆ ತೆರಳಿದ್ದಾರೆ. ಎದುರುಗಡೆಯಿಂದ ಬಂದ ಲಾರಿ ಇವರನ್ನು ಡಿಕ್ಕಿ ಹೊಡೆದಿದೆ. ಹರೀಶ್ ಸ್ಥಳದಲ್ಲೇ ಸಾವನ್ನಪ್ಪಿದ್ದಾರೆ. ಇನ್ನು ಸಿದ್ಧಾರ್ಥ್ನ್ನು ಆಸ್ಪತ್ರೆಗೆ ಸಾಗಿಸುವ ಮಾರ್ಗ ಮಧ್ಯೆ ಮೃತಪಟ್ಟಿದ್ದಾರೆ.
ಗೃಹ ಪ್ರವೇಶ ಇರುವುದರಿಂದ ಸಂತೋಷದಿಂದ ಕೂಡಿದ ಮನೆಯಲ್ಲಿ ಈಗ ಮೌನ ಆವರಿಸಿದೆ. ಕಿರಿಯ ಸಹೋದರ ಮತ್ತು ಮಗ ಸಿದ್ಧಾರ್ಥ್ನನ್ನು ಕಳೆದುಕೊಂಡ ಚಂದ್ರಶೇಖರ್ ಕುಟುಂಬ ಶೋಕಸಾಗರದಲ್ಲಿ ಮುಳುಗಿದೆ. ಈ ಘಟನೆ ಕುರಿತು ಷೆಟ್ಬಷಿರಾಬಾದ್ ಪೊಲೀಸ್ ಠಾಣೆಯಲ್ಲಿ ಪ್ರಕರಣ ದಾಖಲಾಗಿದ್ದು, ಪೊಲೀಸರು ಮುಂದಿನ ಕ್ರಮ ಕೈಗೊಂಡಿದ್ದಾರೆ.
