ಬೀದರ್: ಗಾಂಜಾ ಸಾಗಿಸುತ್ತಿದ್ದ ಮೂವರ ಬಂಧನ, 35 ಕೆ.ಜಿ. ಗಾಂಜಾ ವಶ

ಔರಾದ್ ತಾಲೂಕಿನ ಚಿಂತಾಕಿ- ಕಂಗಟಿ ರಸ್ತೆಯಲ್ಲಿ 35 ಕೆ.ಜಿ ಗಾಂಜಾ ಇರಿಸಿಕೊಂಡು ಪ್ರಯಾಣಿಕರ ಸೋಗಿನಲ್ಲಿ ಬಸ್ಸಿಗಾಗಿ ಕಾಯುತ್ತಾ ಕುಳಿತಿದ್ದ ತೆಲಂಗಾಣ ಮೂಲದ ಪರಶುರಾಮ್ ಜಾಧವ್, ಅಶೋಕ್ ರಾಠೋಡ್ ಹಾಗೂ ನಾಮದೇವ್ ಜಾಧವ್ ಎಂಬುವವರನ್ನು ಬಂಧಿಸಲಾಗಿದೆ.

ಬೀದರ್: ರಾಜ್ಯದ ಗಡಿ ಮೂಲಕ ಮಹಾರಾಷ್ಟ್ರಕ್ಕೆ ಗಾಂಜಾ ಸಾಗಾಟ ಮಾಡುತ್ತಿದ್ದ ತೆಲಂಗಾಣ ಮೂಲದ ಜಾಲವೊಂದನ್ನು ಭೇದಿಸಿರುವ ಪೊಲೀಸರು, ಮೂವರು ಆರೋಪಿಗಳನ್ನು ಬಂಧಿಸಿದ್ದಾರೆ.

ಬಂಧಿತ ಆರೋಪಿಗಳಿಂದ 4.25 ಲಕ್ಷ ರೂ. ಮೌಲ್ಯದ ಗಾಂಜಾ ಜಪ್ತಿ ಮಾಡಿಕೊಳ್ಳಲಾಗಿದೆ. ಔರಾದ್ ತಾಲೂಕಿನ ಚಿಂತಾಕಿ- ಕಂಗಟಿ ರಸ್ತೆಯಲ್ಲಿ 35 ಕೆ.ಜಿ ಗಾಂಜಾ ಇರಿಸಿಕೊಂಡು ಪ್ರಯಾಣಿಕರ ಸೋಗಿನಲ್ಲಿ ಬಸ್ಸಿಗಾಗಿ ಕಾಯುತ್ತಾ ಕುಳಿತಿದ್ದ ತೆಲಂಗಾಣ ಮೂಲದ ಪರಶುರಾಮ್ ಜಾಧವ್, ಅಶೋಕ್ ರಾಠೋಡ್ ಹಾಗೂ ನಾಮದೇವ್ ಜಾಧವ್ ಎಂಬುವವರನ್ನು ಬಂಧಿಸಲಾಗಿದೆ.

ಜಿಲ್ಲಾ ಪೊಲೀಸ್ ವರಿಷ್ಠಾಧಿಕಾರಿ ಡಿಎಲ್​ ನಾಗೇಶ್ ಹಾಗೂ ಹೆಚ್ಚುವರಿ ಪೊಲೀಸ್ ವರಿಷ್ಠಾಧಿಕಾರಿ ಗೋಪಾಲ್ ಬ್ಯಾಕೋಡ್ ಮಾರ್ಗದರ್ಶನದಲ್ಲಿ ಭಾಲ್ಕಿ ಡಿವೈಎಸ್ ಪಿ ಡಾ. ಬಿ ದೇವರಾಜ್ ನೇತೃತ್ವದಲ್ಲಿ ಪಿಎಸ್​​ಐಗಳಾದ ಪ್ರಭಾಕರ ಪಾಟೀಲ್ ಹಾಗೂ ಸುವರ್ಣ ಅವರಿದ್ದ ತಂಡ ದಾಳಿ ನಡೆಸಿದೆ. ಸಂತಪೂರ್ ಪೊಲೀಸ್ ಠಾಣೆಯಲ್ಲಿ ಪ್ರಕರಣ ದಾಖಲಾಗಿದೆ.