ಭುವನೇಶ್ವರ: ಒಡಿಶಾದ ಭುವನೇಶ್ವರದ ಹೊರವಲಯದಲ್ಲಿ 50 ಲಕ್ಷ ರೂ. ಮೌಲ್ಯದ ಬರೋಬ್ಬರಿ 700 ಕೆಜಿ ಗಾಂಜಾವನ್ನು ಮಾದಕ ವಸ್ತು ನಿಯಂತ್ರಣ ದಳ (ಎನ್ಸಿಬಿ) ವಶಪಡಿಸಿಕೊಂಡಿದೆ.
50 ಲಕ್ಷ ರೂ. ಮೌಲ್ಯದ 700 ಕೆಜಿ ಗಾಂಜಾ ವಶಕ್ಕೆ ಪಡೆದ ಎನ್ಸಿಬಿ - ಮಾದಕ ವಸ್ತು ನಿಯಂತ್ರಣ ದಳ (ಎನ್ಸಿಬಿ)
ಆಂಧ್ರ ಪ್ರದೇಶದಿಂದ ಒಡಿಶಾಗೆ ಬರುತ್ತಿದ್ದ ಲಾರಿಯಲ್ಲಿದ್ದ ಬರೋಬ್ಬರಿ 700 ಕೆಜಿ ಗಾಂಜಾವನ್ನು ಎನ್ಸಿಬಿ ವಶಪಡಿಸಿಕೊಂಡು ಓರ್ವ ಆರೋಪಿಯನ್ನು ಬಂಧಿಸಿದೆ.
ಗಾಂಜಾ ವಶಕ್ಕೆ
ಆಂಧ್ರ ಪ್ರದೇಶದಿಂದ ಒಡಿಶಾಗೆ ಬರುತ್ತಿದ್ದ ಲಾರಿಯೊಂದನ್ನು ಭುವನೇಶ್ವರದ ಗೋಡಿಪಾಡ ಟೋಲ್ ಗೇಟ್ ಬಳಿ ತಡೆದ ಎನ್ಸಿಬಿ ಅಧಿಕಾರಿಗಳು, ಅದರಲ್ಲಿದ್ದ ಗಾಂಜಾ ವಶಪಡಿಸಿಕೊಂಡಿದ್ದಾರೆ.
ಈ ಸಂಬಂಧ ಓರ್ವ ಆರೋಪಿಯನ್ನು ಬಂಧಿಸಿರುವ ಎನ್ಸಿಬಿ ಅಧಿಕಾರಿಗಳು, ಲಾರಿಯನ್ನು ವಶಕ್ಕೆ ಪಡೆದು ತನಿಖೆ ಮುಂದುವರೆಸಿದ್ದಾರೆ.