6 ನೇ ಕ್ಲಾಸ್​ ವಿದ್ಯಾರ್ಥಿನಿಗೆ ಕಿರುಕುಳ ಆರೋಪ: ಮಿಲಿಟರಿ ಶಾಲಾ ಶಿಕ್ಷಕನ ಬಂಧನ

ಸೈನಿಕ ಶಾಲೆಯ 6 ನೇ ತರಗತಿ ವಿದ್ಯಾರ್ಥಿನಿಗೆ ಕಿರುಕುಳ ಆರೋಪ. ಶಾಲಾ ಶಿಕ್ಷಕನ ಬಂಧನ. ಪ್ರಕರಣ ದಾಖಲು

ನಾಶಿಕ್​ (ಮಹಾರಾಷ್ಟ್ರ): ಇಲ್ಲಿನ ಭೋನ್ಸಲಾ ಬಾಲಕಿಯರ ಸೈನಿಕ ಶಾಲೆಯ 6 ನೇ ತರಗತಿ ವಿದ್ಯಾರ್ಥಿನಿಯೊಬ್ಬಳಿಗೆ ಕಿರುಕುಳ ನೀಡಿರುವ ಆರೋಪದ ಮೇಲೆ ಶಿಕ್ಷಕನನ್ನು ಬಂಧಿಸಲಾಗಿದೆ.

ಶಾಲಾ ಆವರಣದೊಳಗೇ ವಿದ್ಯಾರ್ಥಿನಿಗೆ ಆತ ಕಿರುಕುಳ ನೀಡಿದ್ದಾನೆ. ಅಲ್ಲದೇ ಇದೇ ಶಿಕ್ಷಕ ಈ ಹಿಂದೆಯೇ ಮತ್ತಿಬ್ಬರು ಬಾಲಕಿಯರಿಗೂ ಕಿರುಕುಳ ನೀಡಿರುವುದು ತನಿಖೆ ವೇಳೆ ಬೆಳಕಿಗೆ ಬಂದಿದೆ ಎಂದು ಪೊಲೀಸರು ತಿಳಿಸಿದ್ದಾರೆ.

ಘಟನೆ ಸಂಬಂಧ ಆರೋಪಿಯನ್ನು ಬಂಧಿಸಲಾಗಿದ್ದು, ಪ್ರಕರಣ ದಾಖಲಾಗಿದೆ.