ಮಾನವ ಕಳ್ಳಸಾಗಣೆ: ಅಪ್ರಾಪ್ತೆಯರು ಸೇರಿ 30 ಯುವತಿಯರ ರಕ್ಷಣೆ

ಜಾರ್ಖಂಡ್‌ನಿಂದ ಕರೆದೊಯ್ಯಲಾಗುತ್ತಿದ್ದ ಆರು ಬಾಲಕಿಯರು ಸೇರಿದಂತೆ 30 ಯುವತಿಯರನ್ನು ಸೂರತ್​ ಪೊಲೀಸರು ರಕ್ಷಿಸಿದ್ದಾರೆ.

ಸೂರತ್‌: ಗುಜರಾತ್​ನ ಸೂರತ್​ ಪೊಲೀಸರ ಭರ್ಜರಿ ಕಾರ್ಯಾಚರಣೆಯಿಂದಾಗಿ ಮಾನವ ಕಳ್ಳಸಾಗಣೆಯ ದೊಡ್ಡ ಜಾಲವೊಂದು ಬಯಲಾಗಿದೆ.

ಜಾರ್ಖಂಡ್‌ನಿಂದ ಕರೆದೊಯ್ಯಲಾಗುತ್ತಿದ್ದ ಆರು ಬಾಲಕಿಯರು ಸೇರಿದಂತೆ 30 ಯುವತಿಯರನ್ನು ಸೂರತ್​ ಪೊಲೀಸರು ರಕ್ಷಿಸಿದ್ದಾರೆ. ಸಂತ್ರಸ್ತ ಯುವತಿಯರನ್ನು ಮಹಿಳಾ ಸಾಂತ್ವನ ಕೇಂದ್ರಕ್ಕೆ ಕಳುಹಿಸಲಾಗಿದೆ.

ಯುವತಿಯರನ್ನು ಜಾರ್ಖಂಡ್‌ನಿಂದ ಕರೆತಂದ ಮಹಿಳೆಯೋರ್ವಳನ್ನು ಪೊಲೀಸರು ಬಂಧಿಸಿದ್ದು, ಈ ಸಂಬಂಧ ಪ್ರಕರಣ ದಾಖಲಿಸಿಕೊಂಡಿದ್ದಾರೆ.