ಬೆಂಗಳೂರು: ದಂಪತಿ ತಾವು ತಂಗಿದ್ದ ಹೋಟೆಲ್ನ ರೂಮ್ನಲ್ಲಿಯೇ 50 ಗ್ರಾಂ ಚಿನ್ನದ ಸರ ಬಿಚ್ಚಿಟ್ಟು ಭೋಜನಕ್ಕೆ ವೇಳೆ ಕಳ್ಳರು ಸರವನ್ನು ಮಂಗಮಾಯ ಮಾಡಿದ್ದಾರೆ.
ಕುಶಾಗ್ರ ಶರ್ಮಾ ಹಾಗೂ ಅವರ ಪತ್ನಿ ಕುಮಾರಕೃಪ ಬಳಿಯಿರುವ ಸ್ಟಾರ್ ಹೋಟೆಲ್ನಲ್ಲಿ ತಂಗಿದ್ದರು. 3 ಲಕ್ಷ ರೂಪಾಯಿ ಬೆಲೆಬಾಳುವ ಸರವನ್ನು ಪತ್ನಿ, ಬೆಡ್ ಸಮೀಪವಿಟ್ಟು ಭೋಜನಕ್ಕೆ ಹೋಗಿದ್ದರು ಎನ್ನಲಾಗ್ತಿದೆ.
ಊಟ ಮಾಡುತ್ತಿದ್ದ ಸಂದರ್ಭದಲ್ಲಿ ಪತ್ನಿ ಕತ್ತಲ್ಲಿ ಚಿನ್ನದ ಸರ ಇಲ್ಲದಿರುವುದನ್ನ ಕಂಡು ಪತಿ ಕೇಳಿದಾಗ, ಈ ವಿಷಯ ತಿಳಿಸಿದ್ದಾಳೆ. ಊಟ ಮುಗಿದ ಬಳಿಕ ರೂಮ್ಗೆ ಬಂದು ನೋಡಿದಾಗ ಸರ ಇರಲಿಲ್ಲ. ತಕ್ಷಣ ಈ ಬಗ್ಗೆ ಹೋಟೆಲ್ ಮ್ಯಾನೇಜ್ಮೆಂಟ್ಗೆ ತಿಳಿಸಿದರು.
ಅಲ್ಲಿನ ಕೆಲಸದವರೇ ಕಳ್ಳತನ ಮಾಡಿರಬಹುದೆಂಬ ಅನುಮಾನದ ಹಿನ್ನೆಲೆ ದಂಪತಿ ಶೇಷಾದ್ರಿಪುರಂ ಪೊಲೀಸ್ ಠಾಣೆಗೆ ದೂರು ನೀಡಿದ್ದಾರೆ.