ಅತ್ಯಾಚಾರ ಪ್ರಕರಣ: ಆರೋಪಿ ದಾತಿ ಮಹಾರಾಜ್​ ವಿರುದ್ಧ ಚಾರ್ಜ್​ಶೀಟ್​ ಸಲ್ಲಿಸಿದ ಸಿಬಿಐ

2018ರ ಅತ್ಯಾಚಾರ ಪ್ರಕರಣದ ಆರೋಪಿಗಳಾಗಿರುವ ಸ್ವಘೋಷಿತ ದೇವಮಾನವ ದಾತಿ ಮಹಾರಾಜ್ ಮತ್ತು ಅವರ ಸಹೋದರರ ವಿರುದ್ಧ ಸಿಬಿಐ ದೆಹಲಿಯ ಸಾಕೇತ್ ನ್ಯಾಯಾಲಯದಲ್ಲಿ ದೋಷಾರೋಪ ಪಟ್ಟಿ ಸಲ್ಲಿಸಿದೆ.

ನವದೆಹಲಿ: ಸ್ವಘೋಷಿತ ದೇವಮಾನವ ದಾತಿ ಮಹಾರಾಜ್ ಮತ್ತು ಅವರ ಸಹೋದರರ ವಿರುದ್ಧ ಕೇಂದ್ರೀಯ ತನಿಖಾ ದಳ (ಸಿಬಿಐ) ಪೂರಕ ದೋಷಾರೋಪ ಪಟ್ಟಿ ಸಲ್ಲಿಸಿದೆ.

ದೆಹಲಿಯ ಸಾಕೇತ್ ನ್ಯಾಯಾಲಯದಲ್ಲಿ ದಾತಿ ಮಹಾರಾಜ್ ಮತ್ತು ಅವರ ಸಹೋದರರಾದ ಅಶೋಕ್​, ಅರ್ಜುನ್ ಹಾಗೂ ಅನಿಲ್​​ ವಿರುದ್ಧ ಸಿಬಿಐ ಪೂರಕ ದೋಷಾರೋಪ ಪಟ್ಟಿ ಸಲ್ಲಿಸಿತ್ತು. ಇದೀಗ ಈ ಪಟ್ಟಿಯಿಂದ ಅನಿಲ್ ಹೆಸರನ್ನು ಸಿಬಿಐ ತೆಗೆದು ಹಾಕಿದೆ. ಸೆ.24 ರಂದು ಹೆಚ್ಚುವರಿ ಸೆಷನ್ಸ್ ನ್ಯಾಯಾಧೀಶೆ ವಿನಿತಾ ಗೋಯಲ್ ಸಿಬಿಐ ಚಾರ್ಜ್​ಶೀಟ್​ನ ಪರಿಶೀಲನೆ ನಡೆಸಲಿದ್ದಾರೆ.

2018ರಲ್ಲಿ ಮಹಿಳೆಯೊಬ್ಬರು ತನ್ನ ಮೇಲೆ ಅತ್ಯಾಚಾರ ನಡೆದಿದೆ ಎಂದು ಆರೋಪಿಸಿ ದಾತಿ ಮಹಾರಾಜ್ ಮತ್ತು ಅವರ ಸಹೋದರರ ವಿರುದ್ಧ ಪ್ರಕರಣ ದಾಖಲಿಸಿದ್ದರು. ದೆಹಲಿ ಪೊಲೀಸರ ತನಿಖೆಯಿಂದ ಅಸಮಾಧಾನಗೊಂಡಿದ್ದ ದೆಹಲಿ ಹೈಕೋರ್ಟ್, ಪ್ರಕರಣದ ತನಿಖೆಯನ್ನು ಸಿಬಿಗೆ ವಹಿಸಿತ್ತು.