ಎಣ್ಣೆ ಏಟಲ್ಲಿ ಎಸ್ಪಿ ಕಚೇರಿ ಮುಂದೆಯೇ ಪೊಲೀಸರ ಮೇಲೆ ಹಲ್ಲೆಗೆ ಯತ್ನ!

ವ್ಯಕ್ತಿಯೊಬ್ಬ ಕಂಠಪೂರ್ತಿ ಕುಡಿದು ಮತ್ತಿನಲ್ಲಿ ಇಬ್ಬರು ಪೊಲೀಸರ ಮೇಲೆ ಹಲ್ಲೆಗೆ ಯತ್ನಿಸುವ ಜೊತೆಗೆ ಅವಾಚ್ಚ್ಯ ಶಬ್ಧಗಳಿಂದ ನಿಂದಿಸಿದ ಘಟನೆ ನಡೆದಿದೆ.

ರಾಮನಗರ: ವ್ಯಕ್ತಿಯೊಬ್ಬ ಕಂಠಪೂರ್ತಿ ಕುಡಿದು ಇಬ್ಬರು ಪೊಲೀಸರ ಮೇಲೆ ಹಲ್ಲೆಗೆ ಯತ್ನಿಸುವ ಜೊತೆಗೆ ಅವಾಚ್ಯ ಶಬ್ದಗಳಿಂದ ನಿಂದಿಸಿದ ಘಟನೆ ನಿನ್ನೆ ರಾತ್ರಿ ನಡೆದಿದೆ.

ಗಿರೀಶ್ ಕಂಠ ಪೂರ್ತಿ ಕುಡಿದು ಹಲ್ಲೆಗೆ ಯತ್ನಿಸಿದ ಆರೋಪಿ. ಬಿಡದಿಯಿಂದ ಟಾಟಾ ಏಸ್ ಗಾಡಿಯಲ್ಲಿ ಮನಬಂದಂತೆ ಡ್ರೈವಿಂಗ್ ಮಾಡಿಕೊಂಡು ರಾಮನಗರದ ಕಡೆ ಬಂದಿದ್ದಾನೆ. ಜೊತೆಗೆ ನಡು ರಸ್ತೆಯಲ್ಲೇ ಬಿಯರ್ ಚೆಲ್ಲಾಡುತ್ತಾ‌ ಕೂಗಾಡಿದ್ದಾನೆ. ಈ ವೇಳೆ ಸಾರ್ವಜನಿಕರೊಬ್ಬರನ್ನು ಅಡ್ಡಗಟ್ಟಿ ಕ್ಲಾಸ್ ತೆಗೆದುಕೊಂಡಿದ್ದಾನೆ. ಜೊತೆಗೆ ಅಮಲಿನಲ್ಲಿದ್ದ ಗಿರೀಶ್ ಸಾರ್ವಜನಿಕರ ಮೇಲೆ ಹರಿಹಾಯ್ದಿದ್ದಾನೆ. ದುರಾದೃಷ್ಟ ಅಂದ್ರೆ ಎಸ್​ಪಿ ಕಚೇರಿಯ ಮುಂಭಾಗ ಘಟನೆ ನಡೆದಿದೆ.

ಇನ್ನು ಗಲಾಟೆ ಬಿಡಿಸಲು ‌ಹೋದ ಟ್ರಾಫಿಕ್ ಪೊಲೀಸರೊಬ್ಬರ ಮೇಲೆಯೇ ಕುಡುಕ ಮಹಾಶಯ ಹಲ್ಲೆಗೆ‌ ಮುಂದಾಗಿದ್ದ. ಜೊತೆಗೆ ಟೌನ್ ಸ್ಟೇಷನ್ ಪೇದೆ ಮೇಲೆಯೂ ಹಲ್ಲೆ ನಡೆಸಿದ್ದಾನೆ.‌ ಈತನ ರಂಪಾಟ ಕಂಡ ಪೊಲೀಸರು ಕ್ಷಣ ಕಾಲ ತಬ್ಬಿಬ್ಬಾದರು. ಪೊಲೀಸ್ ಠಾಣೆಯಲ್ಲಿರುವ ಕೆಲ ಪಿಠೋಪಕರಣವನ್ನು ಧ್ವಂಸ ಮಾಡಿದ್ದಾನೆ. ಅಮಲಿನಲ್ಲಿದ್ದ ಗಿರೀಶ್​ನನ್ನು ಆಂಬ್ಯುಲೆನ್ಸ್ ಹತ್ತಿಸುವಷ್ಟರಲ್ಲಿ ಪೊಲೀಸರು ಹೈರಾಣಾದರು.