ಅಮೆರಿಕಕ್ಕೆ 'ವಿಕಿಲೀಕ್ಸ್​' ಅಸಾಂಜ್ ಹಸ್ತಾಂತರಿಸಲು ಯುಕೆ ಸರ್ಕಾರ ಒಪ್ಪಿಗೆ

ಯುನೈಟೆಡ್ ಕಿಂಗ್‌ಡಂ ಗೃಹ ಇಲಾಖೆ ಕಾರ್ಯದರ್ಶಿ ಪ್ರೀತಿ ಪಟೇಲ್ ಅವರು ಶುಕ್ರವಾರ ಅಸಾಂಜ್ ಹಸ್ತಾಂತರಕ್ಕೆ ಅನುಮತಿ ನೀಡಿದ್ದಾರೆ. ಅಮೆರಿಕಕ್ಕೆ ತಮ್ಮನ್ನು ಹಸ್ತಾಂತರಗೊಳಿಸುವುದರ ವಿರುದ್ಧ ಅಸಾಂಜ್ ಹಲವಾರು ಹಂತಗಳಲ್ಲಿ ನ್ಯಾಯಾಂಗ ಹೋರಾಟ ಮಾಡಿದರೂ ಸಫಲರಾಗಲಿಲ್ಲ. ಇಷ್ಟಾದರೂ ಅಸಾಂಜ್ ಮುಂದೆ ಮೇಲ್ಮನವಿಯ ಇನ್ನೂ ಕೆಲ ಆಯ್ಕೆಗಳು ಬಾಕಿ ಇವೆ.

ವಿಕಿಲೀಕ್ಸ್ ಸಂಸ್ಥಾಪಕ ಜೂಲಿಯನ್ ಅಸಾಂಜ್ ಅವರನ್ನು ಅಮೆರಿಕಕ್ಕೆ ಹಸ್ತಾಂತರಿಸಲು ಯುನೈಟೆಡ್ ಕಿಂಗ್‌ಡಂ ಸರ್ಕಾರ ಒಪ್ಪಿಗೆ ನೀಡಿದೆ. ಗುಪ್ತ ಮಿಲಿಟರಿ ದಾಖಲೆಗಳು ಹಾಗೂ ರಾಜತಾಂತ್ರಿಕ ದಾಖಲೆಗಳನ್ನು ಸೋರಿಕೆ ಮಾಡಿದ ಆರೋಪಿಯಾಗಿರುವ ಅಸಾಂಜ್ ಅಮೆರಿಕಕ್ಕೆ ಬೇಕಾಗಿದ್ದಾರೆ.

ಯುನೈಟೆಡ್ ಕಿಂಗ್‌ಡಂ ಗೃಹ ಇಲಾಖೆ ಕಾರ್ಯದರ್ಶಿ ಪ್ರೀತಿ ಪಟೇಲ್ ಅವರು ಶುಕ್ರವಾರ ಅಸಾಂಜ್ ಹಸ್ತಾಂತರಕ್ಕೆ ಅನುಮತಿ ನೀಡಿದ್ದಾರೆ. ಅಮೆರಿಕಕ್ಕೆ ತಮ್ಮನ್ನು ಹಸ್ತಾಂತರಗೊಳಿಸುವುದರ ವಿರುದ್ಧ ಅಸಾಂಜ್ ಹಲವಾರು ಹಂತಗಳಲ್ಲಿ ನ್ಯಾಯಾಂಗ ಹೋರಾಟ ಮಾಡಿದರೂ ಸಫಲರಾಗಲಿಲ್ಲ. ಇಷ್ಟಾದರೂ ಅಸಾಂಜ್ ಮುಂದೆ ಮೇಲ್ಮನವಿಯ ಇನ್ನೂ ಕೆಲ ಆಯ್ಕೆಗಳು ಬಾಕಿ ಇವೆ. ಬರುವ 14 ದಿನಗಳ ಒಳಗೆ ಅವರು ಮತ್ತೊಮ್ಮೆ ಹಸ್ತಾಂತರ ಆದೇಶದ ವಿರುದ್ಧ ಮೇಲ್ಮನವಿ ಸಲ್ಲಿಸಬಹುದು.

2010ರಲ್ಲಿ ಅಮೆರಿಕ ಸರ್ಕಾರದ ಹಲವಾರು ಗುಪ್ತ ದಾಖಲೆಗಳನ್ನು ಬಹಿರಂಗ ಮಾಡಿದ ಪ್ರಕರಣದಲ್ಲಿ ದೇಶದ ವಿರುದ್ಧ ಗೂಢಚಾರಿಕೆ ಸೇರಿದಂತೆ ಒಟ್ಟು 18 ಪ್ರಕರಣಗಳಲ್ಲಿ ಅಸಾಂಜ್ ಅಮೆರಿಕಕ್ಕೆ ಬೇಕಾದ ಆರೋಪಿಯಾಗಿದ್ದಾರೆ.

"ಮ್ಯಾಜಿಸ್ಟ್ರೇಟ್ ಕೋರ್ಟ್ ಹಾಗೂ ಹೈಕೋರ್ಟ್​ಗಳ ಆದೇಶಗಳನ್ನು ಪರಿಗಣಿಸಿ ಜೂನ್ 17 ರಂದು ಅಸಾಂಜ್ ಅವರ ಹಸ್ತಾಂತರಕ್ಕೆ ಆದೇಶ ಮಾಡಲಾಗಿದೆ. ಆದರೆ ಅವರು ಸಹಜವಾಗಿಯೇ ಸಿಗುವ 14 ದಿನಗಳ ಮೇಲ್ಮನವಿ ಅವಕಾಶವನ್ನು ಹೊಂದಿರುತ್ತಾರೆ" ಎಂದು ಯುನೈಟೆಡ್ ಕಿಂಗಡಂ ಗೃಹ ಇಲಾಖೆಯ ವಕ್ತಾರರು ಹೇಳಿದ್ದಾರೆ.