60 ಸೆಕೆಂಡ್, ಅಷ್ಟೇ! ಕೋಟಿಗಟ್ಟಲೆ​ ಮೌಲ್ಯದ 6 ಐಷಾರಾಮಿ ಕಾರುಗಳ ಕಳ್ಳತನ-ವಿಡಿಯೋ

ಏರಿಯಲ್ ಆಟಮ್ ರೇಸಿಂಗ್ ಕಾರು, ಮರ್ಸಿಡೆಸ್​ ಬೆೆಂಜ್​ ಎ45 ಎಎಂಜಿ 4ಮ್ಯಾಟಿಕ್​, ಪೋರ್ಷೆ ಕೇಯೆನ್ನೆ, ಪೋರ್ಷೆ 911 ಕ್ಯಾರೆರಾ, ಮರ್ಸಿಡಿಸ್ ಮೇಬ್ಯಾಕ್ ಕಾರುಗಳನ್ನು ಕಳ್ಳರು ಮಿಂಚಿನ ವೇಗದಲ್ಲಿ ಕದ್ದೊಯ್ದಿದ್ದಾರೆ.

ಯುನೈಟೆಡ್ ಕಿಂಗ್‌ಡಮ್(ಯುಕೆ)​: ಯುಕೆಯ ಎಸೆಕ್ಸ್‌ನಲ್ಲಿರುವ ಬುಲ್ಫಾನ್ ಕೈಗಾರಿಕಾ ಎಸ್ಟೇಟ್‌ನಿಂದ ಪೋರ್ಷೆಸ್ ಮತ್ತು ಏರಿಯಲ್ ಆಟಮ್ ಸೇರಿದಂತೆ 700,000 ಪೌಂಡ್ಸ್​ ಮೌಲ್ಯದ (ಭಾರತೀಯ ರೂಪಾಯಿ ದರದಲ್ಲಿ ಕೋಟಿಗಟ್ಟಲೆ) ಐದು ಐಷಾರಾಮಿ ಮತ್ತು ಅಪರೂಪದ ಕಾರುಗಳು ನವೆಂಬರ್‌ 11 ರಂದು ಕಳ್ಳತನವಾಗಿವೆ. ದರೋಡೆಕೋರರು ಕಾರುಗಳನ್ನು ಅತ್ಯಂತ ಸುಲಭವಾಗಿ ಕಳ್ಳತನ ಮಾಡಿರುವ ಸಂಪೂರ್ಣ ದೃಶ್ಯಗಳು ಸಿಸಿಟಿವಿ ಕ್ಯಾಮೆರಾಗಳಲ್ಲಿ ಸೆರೆಯಾಗಿವೆ. ಈ ವಿಡಿಯೋವನ್ನು ಎಸೆಕ್ಸ್​ ಪೊಲೀಸ್​ ತಮ್ಮ ಟ್ವಿಟರ್​ ಖಾತೆಯಲ್ಲಿ ಹಂಚಿಕೊಂಡಿದ್ದಾರೆ.

ಒಂದೂವರೆ ನಿಮಿಷವಿರುವ ವಿಡಿಯೋದಲ್ಲಿ ಕಳ್ಳರು ಕೇವಲ 60 ಸೆಕೆಂಡ್​ಗಳಿಗಿಂತಲೂ ಕಡಿಮೆ ಅವಧಿಯಲ್ಲಿ ದುಬಾರಿ ಕಾರುಗಳನ್ನು ಕದ್ದೊಯ್ದಿದ್ದಾರೆ. ಕಾರು ಕದ್ದೊಯ್ಯುವಾಗ ಇಬ್ಬರು ವ್ಯಕ್ತಿಗಳು ಗೇಟ್​ ತೆರೆಯುತ್ತಿರುವುದನ್ನೂ ವಿಡಿಯೋದಲ್ಲಿ ನೋಡಬಹುದು. 'ನ.11 ರಂದು ಬಲ್ಫಾನ್‌ನ ಬ್ರೆಂಟ್‌ವುಡ್ ರಸ್ತೆಯಲ್ಲಿರುವ ಘಟಕದಿಂದ ಬಹು ಐಷಾರಾಮಿ ಕಾರುಗಳನ್ನು ಕಳವು ಮಾಡಿದ ಘಟನೆಯ ಕುರಿತು ನಾವು ತನಿಖೆ ನಡೆಸುತ್ತಿದ್ದೇವೆ' ಎಂಬ ಶೀರ್ಷಿಕೆಯೊಂದಿಗೆ ಪೊಲೀಸರು ವಿಡಿಯೋ ಪೋಸ್ಟ್‌ ಮಾಡಿದ್ದಾರೆ.

ಏರಿಯಲ್ ಆಟಮ್ ರೇಸಿಂಗ್ ಕಾರು, ಮರ್ಸಿಡೆಸ್​ ಬೆಂಜ್​ ಎ45 ಎಎಂಜಿ 4ಮ್ಯಾಟಿಕ್​, ಪೋರ್ಷೆ ಕೇಯೆನ್ನೆ, ಪೋರ್ಷೆ 911 ಕ್ಯಾರೆರಾ, ಮರ್ಸಿಡಿಸ್ ಮೇಬ್ಯಾಕ್ ಕಾರುಗಳು ನಾಪತ್ತೆಯಾಗಿವೆ. ಘಟನೆ ನಡೆದ ನಂತರ ಬೆಳಗ್ಗೆ ಸ್ಥಳಕ್ಕೆ ಪೊಲೀಸರು ಆಗಮಿಸಿದ್ದರು. ಅಪರಾಧಿಗಳ ಶೋಧ ಕಾರ್ಯದಲ್ಲಿರುವ ಪೊಲೀಸರು, ಘಟನೆಯ ಕುರಿತು ಯಾರಾದರೂ ಸಿಸಿಟಿವಿ ದೃಶ್ಯಗಳನ್ನು ಹೊಂದಿದ್ದರೆ ಸಹಕರಿಸುವಂತೆ ವಿನಂತಿಸಿದ್ದಾರೆ.

ಇದನ್ನೂ ಓದಿ:ಬೆಂಗಳೂರಿನಲ್ಲಿ ಕಾರು ಕಳ್ಳತನ ಜಾಲ ಪತ್ತೆ: ಇಬ್ಬರು ಆರೋಪಿಗಳ ಬಂಧನ