ಸುಡಾನ್​ನಲ್ಲಿ ಬುಡಕಟ್ಟು ಜನಾಂಗದವರ ನಡುವೆ ಘರ್ಷಣೆ: 48 ಜನ ಸಾವು

ಕಳೆದ ಕೆಲವು ವಾರಗಳಿಂದ ಸುಡಾನ್‌ನ ಡಾರ್ಫುರ್ ಪ್ರದೇಶದಲ್ಲಿ ಬುಡಕಟ್ಟು ಜನಾಂಗದವರ ನಡುವೆ ನಡೆಯುತ್ತಿರುವ ಘರ್ಷಣೆ ತೀವ್ರ ಸ್ವರೂಪ ಪಡೆಯುತ್ತಿದೆ.

ಖಾರ್ಟೌಮ್:ಸುಡಾನ್​ನ ಡಾರ್ಫುರ್​ ಪ್ರದೇಶದಲ್ಲಿ ಕಳೆದ ಕೆಲವು ವಾರಗಳಿಂದ ನಡೆಯುತ್ತಿರುವ ಬುಡಕಟ್ಟು ಜನಾಂಗದವರ ಘರ್ಷಣೆಯಲ್ಲಿ ಸುಮಾರು 48 ಜನರು ಮೃತಪಟ್ಟಿದ್ದಾರೆ ಎಂದು ಅಧಿಕಾರಿಯೊಬ್ಬರು ತಿಳಿಸಿದ್ದಾರೆ. ಕಳೆದ ಆಗಸ್ಟ್‌ನಲ್ಲಿ ದಾರ್ಫುರ್‌ನಲ್ಲಿ ಮೊದಲ ದೊಡ್ಡ ಪ್ರಮಾಣದ ಬುಡಕಟ್ಟು ಹಿಂಸಾಚಾರ ನಡೆದಿತ್ತು. ಕೆಲವು ತಿಂಗಳುಗಳಿಂದ ದೇಶದ ದಕ್ಷಿಣ ಬ್ಲೂ ನೈಲ್​ ಪ್ರಾಂತ್ಯದಲ್ಲಿ ನಡೆಯುತ್ತಿರುವ ಘರ್ಷಣೆಯಲ್ಲಿ, ಇಲ್ಲಿಯತನಕ ಸುಮಾರು 350 ಜನ ಸಾವಿಗೀಡಾಗಿದ್ದಾರೆ ಎಂಬ ಮಾಹಿತಿ ಇದೆ.

ಇದನ್ನೂ ಓದಿ:ಭಾರತಕ್ಕೆ ಜಿ20 ಅಧ್ಯಕ್ಷ ಸ್ಥಾನ ಹಸ್ತಾಂತರಿಸಿದ ಇಂಡೋನೇಷ್ಯಾ: ಒಂದೇ ಭೂಮಿ, ಕುಟುಂಬ, ಭವಿಷ್ಯದ ಪರಿಕಲ್ಪನೆ ನೀಡಿದ ಮೋದಿ

ಶಸ್ತ್ರಾಸ್ತ್ರ ದರೋಡೆ ಮಾಡಿದ ಆರೋಪದ ಮೇಲೆ ಕಳೆದ ಬುಧವಾರ ಕೇಂದ್ರ ಡಾರ್ಫೂರ್‌ನ ಜುಗುಮಾ ಗ್ರಾಮದ ಬಳಿ ಮಿಸೇರಿಯಾ ಮತ್ತು ರೆಜಿಗಾಟ್ ಬುಡಕಟ್ಟು ಜನಾಂಗದವರ ನಡುವೆ ಹೊಡೆದಾಟ ಶುರುವಾಗಿತ್ತು ಎಂದು ವಿಶ್ವಸಂಸ್ಥೆ​ ಹೇಳಿದೆ. ಈ ಸಂಘರ್ಷ ತಡೆಯಲು ಪ್ರಯತ್ನಿಸುತ್ತಿರುವ ಜನರ ಮೇಲೆ ಅಪರಿಚಿತ ಬಂದೂಕುಧಾರಿಗಳು ಗುಂಡು ಹಾರಿಸಿದ್ದು ಶನಿವಾರ ಸುಮಾರು 24 ಜನ ಮೃತಪಟ್ಟರು ಎಂದು ಗೊತ್ತಾಗಿದೆ.