ಬರ್ಮಿಂಗ್ಹ್ಯಾಮ್ (ಇಂಗ್ಲೆಂಡ್): ಪ್ರಪಂಚ ಆರ್ಥಿಕವಾಗಿ, ಆಧುನಿಕವಾಗಿ ಅಭಿವೃದ್ದಿಯನ್ನು ಸಾಧಿಸಿದ್ದರು ಸಹ ಕೆಲವು ಸಮಸ್ಯೆಗಳಿಂದ ಸಂಪೂರ್ಣವಾಗಿ ಹೊರಬಂದಿಲ್ಲ. ಸದ್ಯ ವಿಶ್ವದಾದ್ಯಂತ ಸುಮಾರು 2.8 ಬಿಲಿಯನ್ ಜನರಿಗೆ ನೈರ್ಮಲ್ಯದ ಕೊರತೆ ಇನ್ನೂ ಇದೆ. ವಿಶ್ವದ ಜನಸಂಖ್ಯೆಯ ಮೂರನೇ ಒಂದು ಭಾಗದಷ್ಟು ಜನರು ಶೌಚಾಲಯದ ವ್ಯವಸ್ಥೆಯನ್ನು ಹೊಂದಿಲ್ಲ. ಈ ಅಂತಾರಾಷ್ಟ್ರೀಯ ಸಮಸ್ಯೆಯು ಬಡತನ, ನಿರ್ಗತಿಕತೆ ಮತ್ತು ಪರಿಸರ ಮಾಲಿನ್ಯದ ಅಪಾಯಕ್ಕೆ ಸಂಬಂಧವನ್ನು ಹೊಂದಿದೆ. ಪ್ರಪಂಚದಾದ್ಯಂತದ ಮಹಿಳೆಯರು ಮತ್ತು ಯುವತಿಯರು ತಮ್ಮ ಋತುಚಕ್ರದ ಸಮಯದಲ್ಲಿ ಅನೇಕ ಸಮಸ್ಯೆಗಳನ್ನು ಎದುರಿಸುತ್ತಿದ್ದಾರೆ. ಪ್ರಪಂಚದಲ್ಲಿ 500 ಮಿಲಿಯನ್ ಅದರೆ 50 ಕೋಟಿ ಮಹಿಳೆಯರು ಮತ್ತು ಯುವತಿಯರು ಮುಟ್ಟಿನ ಸಮಯದಲ್ಲಿ ಅಗತ್ಯವಾಗಿ ಬೇಕಾಗಿರುವ ಸೌಲಭ್ಯಗಳಿಂದ ವಂಚಿತರಾಗಿದ್ದಾರೆ.
ಮುಟ್ಟನ್ನು ಇನ್ನೂ ನಿಷೇಧಿತ ವಿಷಯವಾಗಿ ನೋಡಲಾಗುತ್ತದೆ:ಋತುಚಕ್ರ ಬಡತನವನ್ನು ವಿವರಿಸುವುದಾದರೆ, ನೈರ್ಮಲ್ಯ ಉತ್ಪನ್ನಗಳ ವೆಚ್ಚ ಅಧಿಕ ಮತ್ತು ಶೌಚಾಲಯಗಳ ವ್ಯವಸ್ಥೆ ಇಲ್ಲದಿರುವುದು, ಅವರನ್ನು ತರಗತಿಯಿಂದ ಕ್ರೀಡೆಯವರೆಗಿನ ಚಟುವಟಿಕೆಗಳಿಂದ ಹೊರಗಿಡಲಾಗಿದೆ. ಈ ಸವಾಲುಗಳ ಜೊತೆ. ದಮನಕಾರಿ ಪಿತೃಪ್ರಧಾನ ವ್ಯವಸ್ಥೆಗಳಿಂದ ರೂಪುಗೊಂಡ ಸಮುದಾಯಗಳಲ್ಲಿ, ಮುಟ್ಟನ್ನು ಇನ್ನೂ ನಿಷೇಧಿತ ವಿಷಯವಾಗಿ ನೋಡಲಾಗುತ್ತದೆ ಎಂದು ಸಂಶೋಧನೆ ತಿಳಿಸಿದೆ. ಮತ್ತು ಇದರೊಂದಿಗೆ ಅವಮಾನ ಮತ್ತು ಮುಜುಗರ ಉಂಟುಮಾಡುತ್ತದೆ. ಇದಲ್ಲದೆ, ನೀವು ಚಿಕ್ಕವರಾಗಿರುವಾಗ ಮತ್ತು ಮೊದಲ ಬಾರಿಗೆ ಋತುಚಕ್ರ ಸಂಭವಿಸುವುದನ್ನು, ಆಸ್ಟ್ರೇಲಿಯನ್ ಸಂವಹನ ವಿನ್ಯಾಸ ತಜ್ಞ ಜೇನ್ ಕಾನರಿ ತೋರಿಸಿದಂತೆ, ಲೈಂಗಿಕವಾಗಿ ಅಥವಾ ನಿಮ್ಮ ಮುಟ್ಟನ್ನು ರಹಸ್ಯವಾಗಿಡಲು ಸೂಚಿಸುವ ವಾಣಿಜ್ಯ ಜಾಹೀರಾತು ಹಾನಿಕಾರಕವಾಗಿದೆ.
ಉಚಿತ ಉತ್ಪನ್ನಗಳು ಪರಿಹಾರದ ಒಂದು ಭಾಗವಾಗಿವೆ ಏಕೆ: ಬ್ರಿಟನ್ನಲ್ಲಿ, ಶೇಕಡಾ 49 ರಷ್ಟು ಯುವತಿಯರು ತಮ್ಮ ಋತುಚಕ್ರದಿಂದಾಗಿ ಶಾಲೆಗೆ ಹಾಜರಾಗಿಲ್ಲ ಎಂದು ಅಂದಾಜಿಸಲಾಗಿದೆ. ಇದು ಪ್ರಾಥಮಿಕವಾಗಿ ಋತುಚಕ್ರದ ಉತ್ಪನ್ನಗಳ ವೆಚ್ಚಕ್ಕೆ ಸಂಬಂಧಿಸಿದೆ ಎಂದು ತಿಳಿಬಂದಿದೆ. ಸರಳ ಪರಿಹಾರವೆಂದರೆ, ಇವುಗಳನ್ನು ಉಚಿತಗೊಳಿಸುವುದು. ನಾಲ್ಕು ಯುಕೆ ರಾಷ್ಟ್ರಗಳಲ್ಲಿ, ವಿಶೇಷವಾಗಿ ಸ್ಕಾಟ್ಲೆಂಡ್ ಈ ನಿಟ್ಟಿನಲ್ಲಿ ಕ್ರಮಗಳನ್ನು ತೆಗೆದುಕೊಳ್ಳುತ್ತಿದೆ. ಮೊದಲ ಬಾರಿಗೆ ಅಬರ್ಡೀನ್‌ಶೈರ್‌ನಲ್ಲಿ ಪ್ರಾಯೋಗಿಕ ಯೋಜನೆ ಯಶಸ್ವಿಯಾದ ನಂತರ, 2018 ರಲ್ಲಿ ಸ್ಕಾಟಿಷ್ ಆಡಳಿತವು ದೇಶಾದ್ಯಂತ ಕಡಿಮೆ ಆದಾಯದ ಕುಟುಂಬಗಳ ಜನರಿಗೆ ಋತುಚಕ್ರದ ಉತ್ಪನ್ನಗಳನ್ನು ಉಚಿತವಾಗಿ ನೀಡಲು ಪ್ರಾರಂಭಿಸಿತ್ತು.
ಯುಕೆಯಲ್ಲಿ ಅರ್ಧದಷ್ಟು ಯುವತಿಯರು ತಮ್ಮ ಋತುಚಕ್ರದಿಂದ ಮುಜುಗರಕ್ಕೊಳಗಾಗುತ್ತಾರೆ:ಸಂಶೋಧನೆಯು ಇದರಲ್ಲಿ ಹಣದ ಸಮಸ್ಯೆಯು ಒಂದು ಭಾಗ ಮಾತ್ರ ಎಂದು ಹೇಳಿದೆ. ಅನೇಕ ಮಹಿಳೆಯರು ಮತ್ತು ಯುವತಿಯರು ಸಾಮಾಜಿಕವಾಗಿ ಹಿಂದುಳಿದಿದ್ದಾರೆ, ಋತುಚಕ್ರದ ಬಗ್ಗೆ ಮಾಹಿತಿ ಮತ್ತು ಶಿಕ್ಷಣದ ಕೊರತೆಯಿದೆ. ಈ ಕುರಿತಾದ ವಿಷಯಕ್ಕೆ ಸಂಬಂಧಿಸಿದಂತೆ ಅಗತ್ಯವಿರುವ ಮಾಹಿತಿಯನ್ನು ಹುಡುಕಲು ಅವರು ಹಿಂಜರಿಯುತ್ತಾರೆ. ಇದು ಅವರ ಮೇಲೆ ಹಾನಿಗೂ ಕಾರಣವಾಗುತ್ತದೆ. ಲೈಂಗಿಕ ಶಿಕ್ಷಣದ ಕೊರತೆಯಿಂದಾಗಿ ಅವರು ಮುಜುಗರವನ್ನು ಎದುರಿಸುತ್ತಿದ್ದಾರೆ. ಯುಕೆಯಲ್ಲಿ ಅರ್ಧದಷ್ಟು ಯುವತಿಯರು ತಮ್ಮ ಋತುಚಕ್ರದಿಂದ ಮುಜುಗರಕ್ಕೊಳಗಾಗುತ್ತಾರೆ ಮತ್ತು ಈ ಕುರಿತು ಶಾಲೆಯಲ್ಲಿ ಬೆಂಬಲದ ಕೊರತೆಯಿದೆ ಎಂದು ಸಂಶೋಧನೆ ತಿಳಿಸಿದೆ.
ಸಂಬಂಧಗಳು ಮತ್ತು ಲೈಂಗಿಕ ಶಿಕ್ಷಣದ ಮೇಲೆ ಕೇಂದ್ರೀಕರಿಸಿದ ಸೆಕ್ಸ್ ಎಜುಕೇಶನ್ ಫೋರಂ ಎಂಬ ಚಾರಿಟಿ ಸಂಸ್ಥೆಯ ಪ್ರಕಾರ, ನಾಲ್ಕು ಯುವತಿಯರಲ್ಲಿ ಒಬ್ಬರು ತಮ್ಮ ಪ್ರಥಮ ಋತುಚಕ್ರ ಅನುಭವಿಸುವುದಕ್ಕೂ ಮೊದಲೇ ಅ ಕುರಿತು ಮಾಹಿತಿಯನ್ನು ತಿಳಿದಿಲ್ಲ, ಈ ಸಂಖ್ಯೆ ಇನ್ನೂ ಹೆಚ್ಚುತ್ತಿದೆ. ಸಾಂಕ್ರಾಮಿಕ ಸಂದರ್ಭದಲ್ಲಿನ ಲಾಕ್‌ಡೌನ್‌ಗಳ ಪರಿಣಾಮವಾಗಿ ಶಾಲೆಗಳನ್ನು ಮುಚ್ಚಿರುವುದು ಸಹ ಇದಕ್ಕೆ ಕಾರಣವಾಗಿದೆ.
ದೈಹಿಕ ಶಿಕ್ಷಣದಂತಹ ಕೆಲವು ಚಟುವಟಿಕೆಗಳಲ್ಲಿ ಭಾಗವಹಿಸದಂತೆ ಯುವತಿಯರು ಮತ್ತು ಮಹಿಳೆಯರಿಗೆ ಋತುಚಕ್ರದ ಬಗ್ಗೆ ಸುಳ್ಳು ಮಾಹಿತಿಯನ್ನು ನೀಡಲಾಗುತ್ತಿದೆ, ಏಕೆಂದರೆ ಸಮಾಜದಲ್ಲಿ ಇನ್ನೂ ಬೇರೂರಿರುವ ಹಳೆಯ ಆಚಾರಗಳು. ಇದು ಸಂತಾನೋತ್ಪತ್ತಿ ವ್ಯವಸ್ಥೆ ಮತ್ತು ದೇಹದ ಸ್ವಾಭಾವಿಕ ಕಾರ್ಯಚಟುವಟಿಕೆಗಳ ಧನಾತ್ಮಕ ಸೂಚನೆಗಿಂತ ಹೆಚ್ಚಾಗಿ ವೈದ್ಯಕೀಯ ಸಮಸ್ಯೆಯಾಗಿ ರೂಪುಗೊಂಡಿದೆ ಎಂದು ತೋರುತ್ತದೆ. ಗಂಡು ಮತ್ತು ಹೆಣ್ಣು ಇಬ್ಬರ ನಡುವೆ ಈ ವಿಷಯಗಳ ಕುರಿತು ಸಂವಾದ ಏರ್ಪಡಿಸುವುದು ಮತ್ತು ಶಾಲೆಗಳಲ್ಲಿ ಲೈಂಗಿಕ ಶಿಕ್ಷಣವನ್ನು ನೀಡುವುದು ಅಗತ್ಯವಾಗಿದೆ.