ಬ್ರಾಟಿಸ್ಲಾವಾ (ಸ್ಲೋವಾಕಿಯಾ): ಸ್ಲೋವಾಕಿಯಾ ಸರ್ಕಾರವು ಉಕ್ರೇನ್ಗೆ ತನ್ನ 13 ಸೋವಿಯತ್ ಯುಗದ ಮಿಗ್ 29 ಫೈಟರ್ ಜೆಟ್‌ಗಳನ್ನು ನೀಡುವ ಯೋಜನೆಗೆ ಅನುಮೋದನೆ ನೀಡಿದೆ. ರಷ್ಯಾದ ಆಕ್ರಮಣದ ವಿರುದ್ಧ ತನ್ನನ್ನು ರಕ್ಷಿಸಿಕೊಳ್ಳಲು ಸಹಾಯ ಕೇಳಿದ ಉಕ್ರೇನ್ಗೆ ಯುದ್ಧ ವಿಮಾನವನ್ನು ಪೂರೈಸಲು ಒಪ್ಪಿದ ಎರಡನೇ ನ್ಯಾಟೋ ಸದಸ್ಯ ರಾಷ್ಟ್ರ ಇದಾಗಿದೆ. ಪ್ರಧಾನಿ ಎಡ್ವರ್ಡ್ ಹೆಗರ್ ಶುಕ್ರವಾರ ತಮ್ಮ ಸರ್ಕಾರದ ಸರ್ವಾನುಮತದ ನಿರ್ಧಾರವನ್ನು ಪ್ರಕಟಿಸಿದರು. ಈ ಬಗ್ಗೆ ಟ್ವೀಟ್ ಮಾಡಿರುವ ಅವರು, @ZelenskyyUa ಹೆಚ್ಚಿನ ಶಸ್ತ್ರಗಳನ್ನು ಕೇಳಿದಾಗ ನಾವು ಭರವಸೆಗಳನ್ನ ಉಳಿಸಿಕೊಳ್ಳುವ ಉದ್ದೇಶದಿಂದ ನಾವು ನಮ್ಮ ಕೈಲಾದಷ್ಟು ಫೈಟರ್ ಜೆಟ್‌ಗಳನ್ನು ನೀಡುತ್ತೇವೆ ಎಂದು ಹೇಳಿದ್ದೇವೆ ಎಂದಿದ್ದಾರೆ.
ಇದನ್ನೂ ಓದಿ :ಉಕ್ರೇನ್ನಲ್ಲಿ ಶಾಂತಿ ಸ್ಥಾಪನೆ, ತಕ್ಷಣ ರಷ್ಯಾ ಸೇನೆ ವಾಪಸ್ ಪಡೆಯುವಂತೆ ನಿರ್ಣಯ: ಮತದಾನದಿಂದ ದೂರ ಉಳಿದ ಭಾರತ
ರಷ್ಯಾದ ವಿರುದ್ಧ ರಕ್ಷಿಸಿಕೊಳ್ಳಲು ಮಿಲಿಟರಿ ನೆರವು ಅಗತ್ಯ:ಉಕ್ರೇನ್ಗೆ ತನ್ನನ್ನು ಮತ್ತು ಇಡೀ ಯುರೋಪ್ ಅನ್ನು ರಷ್ಯಾದ ವಿರುದ್ಧ ರಕ್ಷಿಸಿಕೊಳ್ಳುವುದಕ್ಕೆ ಮಿಲಿಟರಿ ನೆರವು ಅತ್ಯಂತ ಅವಶ್ಯಕವಾಗಿದೆ ಎಂದು ಬರೆದುಕೊಂಡಿದ್ದಾರೆ. ಗುರುವಾರ, ಪೋಲೆಂಡ್ ಅಧ್ಯಕ್ಷರು ತಮ್ಮ ದೇಶವು ಉಕ್ರೇನ್ಗೆ ಸುಮಾರು ಒಂದು ಡಜನ್ ಮಿಗ್ 29 ಫೈಟರ್ ಜೆಟ್‌ಗಳನ್ನು ನೀಡುವುದಾಗಿ ಘೋಷಿಸಿಕೊಂಡಿದ್ದಾರೆ.
ಇದನ್ನೂ ಓದಿ :ಅಮೆರಿಕದ ಜೊತೆಗಿನ ರಷ್ಯಾ ಅಣು ಒಪ್ಪಂದ ಅಮಾನತು: ಉಕ್ರೇನ್ ಮೇಲೆ ಪರಮಾಣು ಸಿಡಿತಲೆ ದಾಳಿ?
ಮುಂಬರುವ ದಿನಗಳಲ್ಲಿ ಪೋಲೆಂಡ್ ನಾಲ್ಕು ಸೋವಿಯತ್ ನಿರ್ಮಿತ ಯುದ್ಧವಿಮಾನಗಳನ್ನು ಉಕ್ರೇನ್ಗೆ ಹಸ್ತಾಂತರಿಸಲಿದೆ ಮತ್ತು ಸೇವೆಯ ಅಗತ್ಯವಿರುವ ಇತರ ವಿಮಾನಗಳನ್ನು ನಂತರ ಸರಬರಾಜು ಮಾಡಲಾಗುವುದು ಎಂದು ಅಧ್ಯಕ್ಷ ಆಂಡ್ರೆಜ್ ದುಡಾ ಗುರುವಾರ ಹೇಳಿದ್ದಾರೆ.
ಇದನ್ನೂ ಓದಿ :ರಷ್ಯಾ-ಉಕ್ರೇನ್ ಬಿಕ್ಕಟ್ಟು: ಕದನ ವಿರಾಮ ಘೋಷಿಸಲು ಜಿ 20 ಶೃಂಗಸಭೆಯಲ್ಲಿ ಮೋದಿ ಕರೆ
ಉಕ್ರೇನ್ಗೆ ಮಿಲಿಟರಿ ಫೈಟರ್ ಜೆಟ್ ನೀಡುವ ಬಗ್ಗೆ ಕಳೆದ ವರ್ಷವೇ ಚರ್ಚೆ: ಪೋಲೆಂಡ್ ಮತ್ತು ಸ್ಲೋವಾಕಿಯಾ ಎರಡೂ ದೇಶಗಳು ಉಕ್ರೇನ್ಗೆ ತಮ್ಮ ವಿಮಾನಗಳನ್ನು ಹಸ್ತಾಂತರಿಸಲು ಸಿದ್ಧವೆಂದು ಸೂಚಿಸಿವೆ. ಇತರ ದೇಶಗಳು ತಮ್ಮ ಮಿಲಿಟರಿ ವಿಮಾನಗಳನ್ನು ನೀಡುತ್ತವೆಯೇ ಎಂಬುದು ಇನ್ನೂ ಸ್ಪಷ್ಟವಾಗಿಲ್ಲ. NATO ಸದಸ್ಯರಾದ ಉಕ್ರೇನ್ಗೆ ಮಿಲಿಟರಿ ಫೈಟರ್ ಜೆಟ್‌ಗಳನ್ನು ಒದಗಿಸಬೇಕೇ? ಎಂಬ ಚರ್ಚೆ ಕಳೆದ ವರ್ಷವೇ ಪ್ರಾರಂಭವಾಗಿದೆ. ಆದರೆ, NATO ಮಿತ್ರರಾಷ್ಟ್ರಗಳು ಯುದ್ಧದಲ್ಲಿ ಮೈತ್ರಿಯ ಪಾತ್ರವನ್ನು ಹೆಚ್ಚಿಸುವ ಬಗ್ಗೆ ಕಳವಳ ವ್ಯಕ್ತಪಡಿಸಿವೆ.
ಉಕ್ರೇನ್ಗೆ ಜೋ ಬೈಡನ್ ದಿಢೀರ್ ಭೇಟಿ : ಮತ್ತೊಂದೆಡೆ ಅಮೆರಿಕದ ಅಧ್ಯಕ್ಷ ಜೋ ಬೈಡನ್ ಅವರು ಭೀಕರ ಯುದ್ಧದ ನಡುವೆಯೇ ಉಕ್ರೇನ್ ರಾಜಧಾನಿ ಕೀವ್ಗೆ (ಫೆ, 20 ಮಾರ್ಚ್-23) ಅನಿರೀಕ್ಷಿತ ಭೇಟಿ ನೀಡಿದ್ದರು. ಉಕ್ರೇನ್ ಮೇಲೆ ರಷ್ಯಾ ಯುದ್ಧ ಸಾರಿ ಒಂದು ವರ್ಷವಾಗುತ್ತಿದೆ. ಈ ಹೊತ್ತಲ್ಲೇ ವಿಶ್ವದ ದೊಡ್ಡಣ್ಣನ ಭೇಟಿ ಮಹತ್ವ ಪಡೆದುಕೊಂಡಿತ್ತು. ಈಗಾಗಲೇ ಉಕ್ರೇನ್ ಅಧ್ಯಕ್ಷ ವೊಲೊಡಿಮಿರ್ ಝೆಲೆನ್ಸ್ಕಿ ಅವರೊಂದಿಗೆ ಬೈಡನ್ ಮಾತುಕತೆ ನಡೆಸಿದ್ದಾರೆ.
"ಒಂದು ವರ್ಷದ ನಂತರ ಕೀವ್ ನಿಂತಿದೆ, ಉಕ್ರೇನ್ ಕೂಡ ನಿಂತಿದೆ" ಎಂದು ಬೈಡನ್ ಬರೆದುಕೊಂಡಿರುವ ಹೇಳಿಕೆಯನ್ನು ಮಾಧ್ಯಮಗಳು ಬಿತ್ತರಿಸಿದ್ದವು. ಅಲ್ಲದೇ, ಯುದ್ಧ ಸಂತ್ರಸ್ತ ಉಕ್ರೇನ್ಗೆ ಪಾಶ್ಚಿಮಾತ್ಯ ರಾಷ್ಟ್ರಗಳ ನೆರವು ಮತ್ತು ಅಮೆರಿಕದಿಂದ ಹೆಚ್ಚುವರಿಯಾಗಿ ಅರ್ಧ ಬಿಲಿಯನ್ ಡಾಲರ್ ಸಹಾಯವನ್ನೂ ಝೆಲೆನ್ಸ್ಕಿ ಭೇಟಿಯ ವೇಳೆ ಅವರು ಘೋಷಿಸಿದ್ದರು.
ಇದನ್ನೂ ಓದಿ :ಉಕ್ರೇನ್ ದಾಳಿಗೆ ಒಂದು ವರುಷ: ವಿಶ್ವಸಂಸ್ಥೆಯಲ್ಲಿ ಮುಖಾಮುಖಿಯಾದ ಉಕ್ರೇನ್ - ರಷ್ಯಾ.. ವಾಗ್ಯುದ್ಧ
