ಬೀಜಿಂಗ್/ಹಾರ್ಬಿನ್ (ಚೀನಾ): ಶಾಲೆಯ ಮೇಲಿನ ಮಹಡಿಯ ಜಿಮ್ನ ಮೇಲ್ಛಾವಣಿ ಕುಸಿದುಬಿದ್ದು 9 ಮಂದಿ ಸಾವನ್ನಪ್ಪಿ, ಹಲವು ಜನರು ಗಾಯಗೊಂಡಿರುವ ಘಟನೆ ಈಶಾನ್ಯ ಚೀನಾದಲ್ಲಿ ನಡೆದಿದೆ. ಇಲ್ಲಿನ ಹೈಲಾಂಗ್ ಜಿಯಾಂಗ್ ಪ್ರಾಂತ್ಯದ ಲಾಂಗ್ ಶಾ ಜಿಲ್ಲೆಯ ಕಿಕಿಹಾರ್ ನಗರದಲ್ಲಿ ದುರ್ಘಟನೆ ಸಂಭವಿಸಿದೆ.
ಈ ಶಾಲೆಯ ಜಿಮ್ನಲ್ಲಿ ಸುಮಾರು 19 ಮಂದಿ ಇದ್ದರು. ಈ ವೇಳೆ ಏಕಾಏಕಿ ಮೇಲ್ಛಾವಣಿ ಕುಸಿದುಬಿದ್ದಿದ್ದು, ಸುಮಾರು 15 ಮಂದಿ ಇದರಲ್ಲಿ ಸಿಲುಕಿದ್ದರು. ನಾಲ್ವರು ಅಪಾಯದಿಂದ ಪಾರಾಗಿದ್ದು, ಗಾಯಾಳುಗಳನ್ನು ಇಲ್ಲಿನ ಆಸ್ಪತ್ರೆಗೆ ದಾಖಲಿಸಲಾಗಿತ್ತು. ಇದರಲ್ಲಿ ಚಿಕಿತ್ಸೆ ಫಲಕಾರಿಯಾಗದೇ 9 ಮಂದಿ ಸಾವನ್ನಪ್ಪಿರುವುದಾಗಿ ತಿಳಿದುಬಂದಿದೆ. ಮೇಲ್ಛಾವಣಿ ಅಡಿಯಲ್ಲಿ ಇಬ್ಬರು ಸಿಲುಕಿದ್ದು, ರಕ್ಷಣಾ ಕಾರ್ಯಾಚರಣೆ ಭರದಿಂದ ಸಾಗಿದೆ.