ಭಾಗಶಃ ರಷ್ಯಾ ಸೇನೆ ಯುದ್ಧ ಸನ್ನದ್ಧಗೊಳಿಸಲು ಪುಟಿನ್ ಆದೇಶ

ನಮ್ಮ ದೇಶದ ಪ್ರಾದೇಶಿಕ ಸಮಗ್ರತೆಗೆ ಬೆದರಿಕೆ ಎದುರಾದರೆ ನಮ್ಮ ಜನರನ್ನು ರಕ್ಷಿಸಲು ನಾವು ಲಭ್ಯ ಇರುವ ಎಲ್ಲ ವಿಧಾನಗಳನ್ನು ಬಳಸುತ್ತೇವೆ. ಇದು ಟೊಳ್ಳು ಬೆದರಿಕೆಯಲ್ಲ ಎಂದು ಪುಟಿನ್ ರಾಷ್ಟ್ರ ಉದ್ದೇಶಿಸಿ ದೂರದರ್ಶನ ಭಾಷಣದಲ್ಲಿ ಹೇಳಿದರು.

ಲಂಡನ್: ಭಾಗಶಃ ರಷ್ಯಾ ಸೇನೆ ಯುದ್ಧಕ್ಕೆ ಸಜ್ಜುಗೊಳಿಸುವಂತೆ ರಷ್ಯಾ ಅಧ್ಯಕ್ಷ ವ್ಲಾಡಿಮಿರ್ ಪುಟಿನ್ ಆದೇಶಿಸಿದ್ದಾರೆ. ಭಾಗಶಃ ರಷ್ಯಾ ಸೇನೆ ಯುದ್ಧಕ್ಕೆ ಸಜ್ಜಾಗುತ್ತಿರುವುದು ಎರಡನೇ ಮಹಾಯುದ್ಧದ ನಂತರ ಇದೇ ಪ್ರಥಮ ಬಾರಿಯಾಗಿದೆ. ಸೇನೆಯನ್ನು ಸಜ್ಜುಗೊಳಿಸಿ ಉಕ್ರೇನ್​ನ ಬಹುದೊಡ್ಡ ಭೂಭಾಗವನ್ನು ವಶಪಡಿಸಿಕೊಳ್ಳುವ ಯೋಜನೆ ಹಾಕಿರುವ ಪುಟಿನ್, ತಾವು ಪರಮಾಣು ಶಸ್ತ್ರಾಸ್ತ್ರಗಳ ಬಗ್ಗೆ ಮಾತನಾಡಿದಾಗ ಅದು ಕೇವಲ ಟೊಳ್ಳು ಬೆದರಿಕೆಯಲ್ಲ ಎಂಬ ಸಂದೇಶವನ್ನು ಪಾಶ್ಚಿಮಾತ್ಯ ರಾಷ್ಟ್ರಗಳಿಗೆ ರವಾನಿಸಿದ್ದಾರೆ.

ಫೆಬ್ರವರಿ 24 ರಂದು ಉಕ್ರೇನ್ ಮೇಲೆ ರಷ್ಯಾ ಆಕ್ರಮಣ ಆರಂಭಿಸಿದ ನಂತರ ಈಗ ಪುಟಿನ್ ಪರಮಾಣು ಸಂಘರ್ಷದ ಭೀತಿಯನ್ನು ಹೆಚ್ಚಿಸಿದ್ದಾರೆ. ಹಂಗೆರಿ ದೇಶದ ಗಾತ್ರದಷ್ಟು ಉಕ್ರೇನ್​ ಪ್ರದೇಶ ಸ್ವಾಧೀನಪಡಿಸಿಕೊಳ್ಳುವ ಯೋಜನೆಯ ಭಾಗವಾಗಿ ಅವರು 3 ಲಕ್ಷದಷ್ಟು ಕಾಯ್ದಿಟ್ಟ ಸೇನಾಪಡೆಯನ್ನು ಯುದ್ಧಕ್ಕೆ ಕರೆಸಿಕೊಳ್ಳುತ್ತಿದ್ದಾರೆ.

ನಮ್ಮ ದೇಶದ ಪ್ರಾದೇಶಿಕ ಸಮಗ್ರತೆಗೆ ಬೆದರಿಕೆ ಎದುರಾದರೆ ನಮ್ಮ ಜನರನ್ನು ರಕ್ಷಿಸಲು ನಾವು ಲಭ್ಯ ಇರುವ ಎಲ್ಲ ವಿಧಾನಗಳನ್ನು ಬಳಸುತ್ತೇವೆ, ಇದು ಟೊಳ್ಳು ಬೆದರಿಕೆಯಲ್ಲ ಎಂದು ಪುಟಿನ್ ರಾಷ್ಟ್ರವನ್ನು ಉದ್ದೇಶಿಸಿ ದೂರದರ್ಶನ ಭಾಷಣದಲ್ಲಿ ಹೇಳಿದರು.

ಯಾವುದೇ ಪುರಾವೆಗಳನ್ನು ನೀಡದೇ ಮಾಸ್ಕೋ ವಿರುದ್ಧ ಪರಮಾಣು ಶಸ್ತ್ರಾಸ್ತ್ರಗಳ ಸಂಭಾವ್ಯ ಬಳಕೆ ಬಗ್ಗೆ ಚರ್ಚಿಸುವ ಮೂಲಕ ಪರಮಾಣು ಬ್ಲ್ಯಾಕ್‌ಮೇಲ್​​ನಲ್ಲಿ ತೊಡಗಿರುವ ಪಶ್ಚಿಮ ದೇಶಗಳು ರಷ್ಯಾ ನಾಶಮಾಡಲು ಸಂಚು ರೂಪಿಸುತ್ತಿವೆ. ಅಮೆರಿಕ, ಯುರೋಪಿಯನ್ ಯೂನಿಯನ್ ಮತ್ತು ಬ್ರಿಟನ್ ಸೇರಿಕೊಂಡು ಯುಕ್ರೇನ್ ಅನ್ನು ರಷ್ಯಾದೊಳಗೆ ಮಿಲಿಟರಿ ಕಾರ್ಯಾಚರಣೆ ನಡೆಸಲು ಪ್ರೋತ್ಸಾಹಿಸುತ್ತಿವೆ ಎಂದು ಪುಟಿನ್ ಆರೋಪಿಸಿದರು.

ಆಕ್ರಮಣಕಾರಿ ರಷ್ಯಾ ವಿರೋಧಿ ನೀತಿಯಡಿ ಪಶ್ಚಿಮ ದೇಶಗಳು ಪ್ರತಿಯೊಂದು ಗೆರೆಯನ್ನು ದಾಟಿವೆ. ಪರಮಾಣು ಶಸ್ತ್ರಾಸ್ತ್ರಗಳ ಮೂಲಕ ನಮ್ಮನ್ನು ಬ್ಲ್ಯಾಕ್‌ಮೇಲ್ ಮಾಡಲು ಪ್ರಯತ್ನಿಸುವವರು ಗಾಳಿಯ ದಿಕ್ಕು ತಮ್ಮ ಕಡೆಗೂ ತಿರುಗಬಹುದು ಎಂಬುದನ್ನು ತಿಳಿದಿರಬೇಕು ಎಂದು ಪುಟಿನ್ ಹೇಳಿದರು.

ಇದನ್ನೂ ಓದಿ: ಭಾರತಕ್ಕೆ ರಷ್ಯಾ ತೈಲ ಪೂರೈಕೆ ದಾಖಲೆ ಮಟ್ಟದಲ್ಲಿ ಹೆಚ್ಚಳ ಸಾಧ್ಯತೆ