ಪಾಕ್​ನಿಂದ ಪೂರೈಸಿದ ಫೈಟರ್ ಜೆಟ್‌ಗಳು ಕಾರ್ಯಾಚರಣೆಗೆ ಅನರ್ಹವಾಗಿವೆ ಎಂದು ಮ್ಯಾನ್ಮಾರ್​ ಆರೋಪ: ವರದಿ

ಇಸ್ಲಾಮಾಬಾದ್‌ನಿಂದ ಪೂರೈಸಿದ ಫೈಟರ್ ಜೆಟ್‌ಗಳು ಅನರ್ಹ ಮತ್ತು ರಚನಾತ್ಮಕ ದೋಷಗಳಿಂದ ಕಾರ್ಯಾಚರಣೆಗೆ ಅನರ್ಹವೆಂದು ಘೋಷಿಸಲಾಗಿದೆ. ಈ ಬಗ್ಗೆ ಮ್ಯಾನ್ಮರ್​ ಮಿಲಟರಿ ಪಡೆ ಅಸಮಾಧಾನಗೊಂಡಿದೆ ಎಂದು ವರದಿಯಾಗಿದೆ.

ನೈಪಿಡಾವ್(ಮ್ಯಾನ್ಮಾರ್):ಪಾಕಿಸ್ತಾನದಿಂದ ಮ್ಯಾನ್ಮಾರ್‌ಗೆ ಸರಬರಾಜು ಮಾಡಲಾದ ಬಹುಪಾತ್ರ ಯುದ್ಧ ವಿಮಾನ JF17 ಥಂಡರ್​ಗಳು ಅನರ್ಹವೆಂದು ಘೋಷಿಸಲಾಗಿದೆ. ಅಷ್ಟೇ ಅಲ್ಲ, ಈ ಅವ್ಯವಸ್ಥೆಗೆ ಉತ್ತರಿಸಲು ಮಿಲಿಟರಿ ಆಡಳಿತವು ಇಸ್ಲಾಮಾಬಾದ್‌ಗೆ ಕಠಿಣ ಸಂದೇಶ ರವಾನಿಸಿದೆ ಎಂದು ಮ್ಯಾನ್ಮಾರ್​ನ ಸ್ಥಳೀಯ ಮಾಧ್ಯಮಗಳು ವರದಿ ಮಾಡಿವೆ.

ಪಾಕಿಸ್ತಾನವು 2019 ಮತ್ತು 2021 ರ ನಡುವೆ ಮ್ಯಾನ್ಮಾರ್‌ಗೆ ಅನೇಕ JF17 ಥಂಡರ್ ಯುದ್ಧ ವಿಮಾನಗಳನ್ನು ಪೂರೈಸಿದೆ. ಆದ್ರೆ ಈ ಎಲ್ಲ ವಿಮಾನಗಳು "ಕಾರ್ಯಾಚರಣೆಗೆ ಅನರ್ಹ" ಎಂದು ಘೋಷಿಸಲಾಗಿದೆ. ವಿತರಿಸಲಾದ ವಿಮಾನಗಳು ಪಾಕಿಸ್ತಾನದ ಏರೋನಾಟಿಕಲ್ ಕಾಂಪ್ಲೆಕ್ಸ್ ಮತ್ತು ಚೀನಾದ ಚೆಂಗ್ಡು ಏರ್‌ಕ್ರಾಫ್ಟ್ ಇಂಡಸ್ಟ್ರೀಸ್ ಕಾರ್ಪೊರೇಷನ್ ಜಂಟಿಯಾಗಿ ಉತ್ಪಾದಿಸಲ್ಪಟ್ಟಿವೆ. JF-17 ವಿಮಾನಗಳನ್ನು ಖರೀದಿಸಲು 2016 ರಲ್ಲಿ ಬರ್ಮೀಸ್ ಮಿಲಿಟರಿ ಸಹಿ ಮಾಡಿದ ಒಪ್ಪಂದದ ಭಾಗವಾಗಿದೆ. ಆದರೆ ವಿಮಾನದ ವಿತರಣೆಯ ನಂತರ ಅಸಮರ್ಪಕ ಕಾರ್ಯಗಳು ಮತ್ತು ರಚನಾತ್ಮಕ ದೋಷಗಳು ಪತ್ತೆಯಾದ ಕಾರಣ ಬರ್ಮಾದ ವಾಯುಪಡೆಯು ವಿಮಾನಗಳನ್ನು ಉಪಯೋಗಿಸದಂತೆ ನಿರ್ಧಾರ ಕೈಗೊಂಡಿದೆ.

JF-17 ನ ವೈಫಲ್ಯವು ಇಸ್ಲಾಮಾಬಾದ್ ಮತ್ತು ನೈಪಿಡಾವ್ ನಡುವಿನ ಉದ್ವಿಗ್ನತೆ ಹೆಚ್ಚಾಗುವಂತೆ ತೋರುತ್ತಿದೆ ಮತ್ತು ಹೇಗಾದರೂ ಚೀನಾವನ್ನು ಮಧ್ಯಪ್ರವೇಶಿಸುವಂತೆ ಒತ್ತಾಯಿಸುತ್ತಿದೆ. ನೈಪಿಡಾವ್​ಗೆ ಮ್ಯಾನ್ಮಾರ್‌ನ ಚೀನಿ ರಾಯಭಾರಿ ಇತ್ತೀಚೆಗೆ ಭೇಟಿ ನೀಡಿದ್ದು, ಮಾಧ್ಯಮಗಳ ಪ್ರಕಾರ CCP ಯ ಉನ್ನತ ನಾಯಕತ್ವದಿಂದ ಜನರಲ್ ಮಿನ್ ಆಂಗ್ ಹ್ಲೈಂಗ್‌ಗೆ ಸಂದೇಶವನ್ನು ರವಾನಿಸಲಾಗಿದೆ ಎಂದು ಹೇಳಲಾಗುತ್ತದೆ.

ಮೂಲಗಳ ಪ್ರಕಾರ, ಪಾಕಿಸ್ತಾನವು JF-17 ಗಳ ಹೊಸ ರೂಪಾಂತರಗಳೊಂದಿಗೆ ಒಪ್ಪಂದವನ್ನು ಮರುಸಂಧಾನ ಮಾಡಲು ಪ್ರಯತ್ನಿಸುತ್ತಿದೆ. ಈ ಹೊಸ ರೂಪಾಂತರಗಳನ್ನು ಪಾಕಿಸ್ತಾನದ ಏರೋನಾಟಿಕಲ್ ಕಾಂಪ್ಲೆಕ್ಸ್ ಮತ್ತು ಚೀನಾದ ಚೆಂಗ್ಡು ಏರ್‌ಕ್ರಾಫ್ಟ್ ಇಂಡಸ್ಟ್ರೀಸ್ ಕಾರ್ಪೊರೇಶನ್‌ನ ಅದೇ ಸಂಯೋಜನೆಯಿಂದ ಅಭಿವೃದ್ಧಿಪಡಿಸಲಾಗುವುದು. ಮರು ಮಾತುಕತೆಯ ಒಪ್ಪಂದವನ್ನು ಮಿಲಿಟರಿ ಜುಂಟಾ ನಾಯಕತ್ವವು ಒಪ್ಪಿಕೊಂಡಿದೆಯೇ ಎಂಬ ಬಗ್ಗೆ ಇದುವರೆಗೆ ಯಾವುದೇ ಮಾಹಿತಿ ಇಲ್ಲ.

ಪೀಪಲ್ಸ್ ಡಿಫೆನ್ಸ್ ಫೋರ್ಸ್ ಬ್ಯಾನರ್ ಅಡಿಯಲ್ಲಿ ಹೋರಾಡುತ್ತಿರುವ NUG (National Unity Government) ನ ಸಶಸ್ತ್ರ ವಿಭಾಗ ಮ್ಯಾನ್ಮಾರ್‌ನ ಪ್ರತಿರೋಧ ಗುಂಪುಗಳ ಮೇಲೆ ಉದ್ದೇಶಿತ ಸ್ಟ್ರೈಕ್‌ಗಳನ್ನು ನಡೆಸಲು ತನ್ನ ವಾಯುಶಕ್ತಿಯನ್ನು ಹೆಚ್ಚಿಸುವ ಯೋಜನೆ ಹೊಂದಿತ್ತು. ಆದ್ರೆ ಈ ಯೋಜನೆಗೆ ವಿಮಾನದ ಬಳಕೆಯಾಗದಿರುವುದು ಮಿಲಿಟರಿ ಜುಂಟಾ ತುಂಬಾ ಅಸಮಾಧಾನಗೊಂಡಿದೆ ಎಂದು ಬಲ್ಲ ಮೂಲಗಳು ತಿಳಿಸಿವೆ.

JF-17 ಗಳ ಅಸಮರ್ಪಕ ಕಾರ್ಯದಿಂದ ಉದ್ಭವಿಸಿದ ಬಿಕ್ಕಟ್ಟಿನ ಮಾಹಿತಿ ನಂತರ ಇತರ ದೇಶಗಳಿಗೆ ಅದರಲ್ಲಿ ವಿಶೇಷವಾಗಿ ಲ್ಯಾಟಿನ್ ಅಮೆರಿಕನ್ ದೇಶಗಳಿಗೆ ಇದೇ ರೀತಿಯ ವಿಮಾನಗಳನ್ನು ಮಾರಾಟ ಮಾಡುವ ಪಾಕಿಸ್ತಾನದ ಪ್ರಯತ್ನಗಳಿಗೆ ತಾತ್ಕಾಲಿಕ ಅಡೆತಡೆ ಎದುರಾಗಿದೆ ಎಂದು ಮಾಧ್ಯಮಗಳು ವರದಿ ಮಾಡಿವೆ. ಇದರ ನಂತರ, ಮಿಲಿಟರಿ ಆಡಳಿತವು ಪಾಕಿಸ್ತಾನದಿಂದ ವಿಮಾನಗಳನ್ನು ಖರೀದಿಸುವ ಬಗ್ಗೆ ಯಾವುದೇ ಹೊಸ ಮಾತುಕತೆಗೆ ಬರಲು ನಿರಾಕರಿಸಿದೆ ಎಂಬ ಮಾಹಿತಿ ಲಭ್ಯವಾಗಿದೆ.

ಓದಿ:ಪಾಕಿಸ್ತಾನ ವಾಯುಪಡೆ ಯುದ್ಧದ ಆಟಗಳ ಮೇಲೆ ಭಾರತದ ಹದ್ದಿನ ಕಣ್ಣು..