ಸೊಮಾಲಿಯಾದಲ್ಲಿ ಕಾರ್​ ಬಾಂಬ್​ ಸ್ಫೋಟಿಸಿ 8 ಜನರ ಕೊಂದ ಅಲ್​ ಖೈದಾ ಬೆಂಬಲಿತ ಉಗ್ರರು

ಸೊಮೊಲಿಯಾದಲ್ಲಿ ಉಗ್ರರ ದಾಳಿ ನಡೆದಿದೆ. ಹೋಟೆಲೊಂದರ ಬಳಿ ಸ್ಫೋಟಗೊಂಡ ಕಾರ್​ ಬಾಂಬ್​ನಿಂದಾಗಿ 8 ಮಂದಿ ನಾಗರಿಕರು ಮೃತಪಟ್ಟು, 9 ಜನರು ಗಾಯಗೊಂಡಿದ್ದಾರೆ.

ಸೊಮಾಲಿಯಾ:ಸೊಮಾಲಿಯಾದಲ್ಲಿ ಕ್ರೂರ ಕೃತ್ಯವೊಂದು ನಡೆದಿದೆ. ಅಲ್ ಖೈದಾ ಬೆಂಬಲಿತ ಅಲ್ ಶಬಾಬ್ ದಾಳಿಕೋರರು ಮೊಗಾದಿಶುವಿನಲ್ಲಿನ ಹೋಟೆಲ್​ ಮೇಲೆ ಕಾರ್​ ಬಾಂಬ್ ಸ್ಫೋಟಿಸಿ, ಬಳಿಕ ಜನರ ಮೇಲೆ ಗುಂಡಿನ ದಾಳಿ ನಡೆಸಿದ್ದಾರೆ. ಇದರಿಂದ 8 ಮಂದಿ ಹತರಾದರೆ, 9 ಮಂದಿ ಗಂಭೀರವಾಗಿ ಗಾಯಗೊಂಡಿದ್ದಾರೆ. ಹೆಚ್ಚಿನ ಸಾವು ನೋವುಗಳು ಸಂಭವಿಸುವ ಸಾಧ್ಯತೆ ಇದೆ.

ಮೊಗಾದಿಶುವಿನ ಹಯಾತ್​ ಹೋಟೆಲ್​ ಮೇಲೆ ದಾಳಿ ನಡೆಸಿದ ಉಗ್ರರು ಎರಡು ಕಾರುಗಳಲ್ಲಿ ಬಾಂಬ್ ಇರಿಸಿ ಸ್ಫೋಟಿಸಿದ್ದಾರೆ. ಸ್ಫೋಟದ ತೀವ್ರತೆ ಅಧಿಕವಾಗಿತ್ತು ಎಂದು ಹೇಳಲಾಗಿದೆ. ಹೋಟೆಲ್​ನಲ್ಲಿ ಜನರು ಹೆಚ್ಚಿದ್ದ ವೇಳೆ ಈ ದಾಳಿ ನಡೆದಿದೆ. ಘಟನೆಯಲ್ಲಿ 8 ಮಂದಿ ಸ್ಥಳದಲ್ಲೇ ಬಲಿಯಾಗಿದ್ದಾರೆ.

9 ಜನರು ಆಸ್ಪತ್ರೆಗೆ:ಇನ್ನು ಘಟನೆಯಲ್ಲಿ 9 ಗಾಯಾಳುಗಳನ್ನು ಆಸ್ಪತ್ರೆಗೆ ಕರೆದೊಯ್ಯಲಾಗಿದೆ. ಉಗ್ರ ಸಂಘಟನೆಯಾದ ಅಲ್​ ಖೈದಾ ಬೆಂಬಲಿತ ಅಲ್​ ಶಬಾಬ್​ ಸಂಘಟನೆ ಈ ದಾಳಿಯ ಹೊಣೆ ಹೊತ್ತಿದೆ ಎಂದು ಅಲ್ಲಿನ ಭದ್ರತಾ ಪಡೆಗಳು ತಿಳಿಸಿವೆ.

ಓದಿ:ಹೋಮ್​​ವರ್ಕ್​​ ಮಾಡದ ಮಗನ ಮೇಲೆ ಗುಂಡು ಹಾರಿಸಿದ ನಿವೃತ್ತ ಸೇನಾಧಿಕಾರಿ