ಲಂಡನ್(ಯುಕೆ): ಬ್ರಿಟನ್ ನೂತನ ಪ್ರಧಾನಿಯಾಗಿ ಕನ್ಸರ್ವೇಟಿವ್ ಪಕ್ಷದ ನಾಯಕಿ ಲಿಜ್ ಟ್ರಸ್ ನೇಮಕಗೊಂಡಿದ್ದಾರೆ. ಭಾರತೀಯ ಮೂಲದ ಬ್ಯಾರಿಸ್ಟರ್ ಸುಯೆಲ್ಲಾ ಬ್ರಾವರ್ಮನ್ ಅವರನ್ನು ಯುಕೆಯ ಹೊಸ ಗೃಹ ಕಾರ್ಯದರ್ಶಿಯಾಗಿ ನೇಮಕ ಮಾಡಲಾಗಿದೆ.
ಈ ಹಿಂದೆ ಬೋರಿಸ್ ಜಾನ್ಸನ್ ನೇತೃತ್ವದ ಸರ್ಕಾರದಲ್ಲಿ ಅಟಾರ್ನಿ ಜನರಲ್ ಆಗಿ ಸೇವೆ ಸಲ್ಲಿಸಿರುವ 42 ವರ್ಷದ ಸುಯೆಲ್ಲಾ ಬ್ರಾವರ್ಮನ್ ಗೃಹ ಕಾರ್ಯದರ್ಶಿಯಾಗಿ ನೇಮಕಗೊಂಡಿದ್ದಾರೆ. ಇದಕ್ಕೆ ಸಂಬಂಧಿಸಿದಂತೆ ಪ್ರಧಾನಿ ಲಿಜ್ ಟ್ರಸ್ ಪ್ರಕಟಣೆ ಹೊರಡಿಸಿದ್ದಾರೆ. ಈ ಮೂಲಕ ಲಿಜ್ ಮುಂದಿನ ಪ್ರಧಾನಿ ಹುದ್ದೆಯ ಅಭ್ಯರ್ಥಿಯೂ ಸಹ ಆಗಿದ್ದಾರೆ.
ಇಬ್ಬರು ಮಕ್ಕಳ ತಾಯಿಯಾಗಿರುವ ಇವರ ತಾಯಿ ಉಮಾ ತಮಿಳುನಾಡು ಹಾಗೂ ತಂದೆ ಕ್ರಿಸ್ಟ್ ಫರ್ನಾಂಡಿಸ್ ಗೋವಾ ಮೂಲದವರು. ಈ ಹಿಂದೆ ಅವರ ತಾಯಿ ಮಾರಿಷಸ್ನಿಂದ ಹಾಗೂ ತಂದೆ ಕಿನ್ಯಾದಿಂದ ಯುಕೆಗೆ ವಲಸೆ ಬಂದಿದ್ದರು.
ಇದನ್ನೂ ಓದಿ:ಹೊಸ ಪ್ರಧಾನಿ ಲಿಜ್ ಟ್ರಸ್ಗೆ ಬ್ರಿಟನ್ ರಾಣಿಯಿಂದ ಅಧಿಕಾರ ಹಸ್ತಾಂತರ
ಕೇಂಬ್ರಿಡ್ಜ್ ವಿಶ್ವವಿದ್ಯಾನಿಲಯದ ಕಾನೂನು ಪದವಿ ಪಡೆದುಕೊಂಡಿರುವ ಸುಯೆಲ್ಲಾ 2018 ರಲ್ಲಿ ರೇಲ್ ಬ್ರಾವರ್ಮನ್ ಅವರೊಂದಿಗೆ ಸಪ್ತಪದಿ ತುಳಿದಿದ್ದಾರೆ. ಕಳೆದ ವರ್ಷ ಎರಡನೇ ಮಗುವಿಗೆ ಜನ್ಮ ನೀಡಲು ಕ್ಯಾಬಿನೆಟ್ನಿಂದ ದೂರು ಉಳಿದಿದ್ದ ವೇಳೆ ಇಂಗ್ಲೆಂಡ್ ಸರ್ಕಾರ ಕೆಲವೊಂದು ಕಾನೂನು ಬದಲಾವಣೆ ಮಾಡಿತ್ತು. ಬ್ರಾವರ್ಮನ್ ಬೌದ್ಧ ಧರ್ಮದ ಅನುಯಾಯಿ ಆಗಿದ್ದಾರೆ. ಲಂಡನ್ನಲ್ಲಿ ಇರುವ ಬೌದ್ಧ ಕೇಂದ್ರಕ್ಕೆ ನಿಯಮಿತವಾಗಿ ಹಾಜರಾಗುತ್ತಿರುತ್ತಾರೆ.
ಯುಕೆ ವಿದೇಶಾಂಗ ಕಾರ್ಯದರ್ಶಿ ಲಿಜ್ ಟ್ರಸ್ ಹಾಗೂ ಮಾಜಿ ಚಾನ್ಸೆಲರ್, ಹಣಕಾಸು ಸಚಿವ ರಿಷಿ ಸುನಕ್ ನಡುವೆ ಪ್ರಧಾನಿ ಹುದ್ದೆಗೆ ತೀವ್ರ ಪೈಪೋಟಿ ಏರ್ಪಟ್ಟಿತ್ತು. ಈ ರೇಸ್ನಲ್ಲಿ ಲಿಜ್ ಟ್ರಸ್ 81,326 ಮತ ಹಾಗೂ ರಿಷಿ ಸುನಕ್ 60,399 ಮತ ಪಡೆದುಕೊಂಡಿದ್ದರು.
