ವಾಷಿಂಗ್ಟನ್(ಅಮೆರಿಕ):ದೇಶಗಮನಾರ್ಹ ಬೆಳವಣಿಗೆ ಹೊಂದಲು ಮತ್ತು ತನ್ನ ಹೊಳಪನ್ನು ಹೆಚ್ಚಿಸಲು ಭಾರತಕ್ಕೆ ಇದುವೇ ಸೂಕ್ತ ಸಮಯ ಎಂದು ಅಪ್ಲೈಡ್ ಮೆಟೀರಿಯಲ್ಸ್‌ ಕಂಪನಿಯ ಅಧ್ಯಕ್ಷ ಮತ್ತು ಸಿಇಒ ಗ್ಯಾರಿ ಇ. ಡಿಕರ್ಸನ್ ಪ್ರಧಾನಿ ಮೋದಿ ಭೇಟಿ ಬಳಿಕ ಹೇಳಿದ್ದಾರೆ. ಇದು ಭಾರತಕ್ಕೆ ಅಭಿವೃದ್ಧಿ ಹೊಂದಲು ಪ್ರಕಾಶಮಾನವಾದ ಸಮಯ ಎಂದು ನಾನು ಆಳವಾಗಿ ನಂಬುತ್ತೇನೆ ಎಂದು ಅವರು ಬಣ್ಣಿಸಿದ್ದಾರೆ.
ನಾವು ಶೀಘ್ರದಲ್ಲೇ ಭಾರತದಲ್ಲಿ ಆವಿಷ್ಕಾರ ಕೇಂದ್ರವನ್ನು ಘೋಷಿಸಲಿದ್ದೇವೆ. ಈ ಆವಿಷ್ಕಾರ ಕೇಂದ್ರ ಉಪಕರಣಗಳಲ್ಲಿ ನಾವೀನ್ಯತೆಗಳ ಮೇಲೆ ಗಮನಹರಿಸಲಿದೆ. ಭಾರತದೊಂದಿಗೆ ಒಟ್ಟಾಗಿ ಕೆಲಸ ಮಾಡುವುದರಿಂದ ನಾವು ಅದ್ಭುತ ಯಶಸ್ಸನ್ನು ಸಾಧಿಸಬಹುದು ಎಂಬ ವಿಶ್ವಾಸವಿದೆ ಎಂದು ಹೇಳಿದ್ದಾರೆ.
ಪಾಲುದಾರಿಕೆ ವಿಚಾರದಲ್ಲಿ ಭಾರತ ವಿಶ್ವಾಸಾರ್ಹ ದೇಶ ಎಂದ ಡಿಕರ್ಸನ್, ಭಾರತವು ಅಸಾಧಾರಣ ಪ್ರತಿಭೆ ಹೊಂದಿದ್ದು, ಈ ದೇಶ ವಿಶ್ವದಾದ್ಯಂತ ಅನೇಕ ದೇಶಗಳಿಂದ ಮೆಚ್ಚುಗೆ ಪಡೆದಿದೆ ಎಂದಿದ್ದಾರೆ. ಜೊತೆಗೆ, ಭಾರತಕ್ಕೆ ಇದು ಬೆಳವಣಿಗೆ ಹೊಂದಲು ಉತ್ತಮವಾದ ಸಮಯ, ಅಲ್ಲದೇ ಜೊತೆ ಜೊತೆಗೆ ಯಶಸ್ಸು ಸಾಧಿಸಲು ಪ್ರಧಾನಿ ಮೋದಿ ಮತ್ತು ಭಾರತದ ಪ್ರತಿಯೊಬ್ಬರೊಂದಿಗೆ ಒಟ್ಟಾಗಿ ಕೆಲಸ ಮಾಡಲು ಅಪ್ಲೈಡ್ ಕಂಪನಿ ಎದುರು ನೋಡುತ್ತಿದೆ. ನಾನು ಭಾರತದ ಬಗ್ಗೆ ತುಂಬಾ ಪ್ರಭಾವಿತನಾಗಿದ್ದೇನೆ ಮತ್ತು ಸೆಮಿಕಂಡಕ್ಟರ್ ಉದ್ಯಮದಲ್ಲಿ ಭಾರತದ ಬೆಳವಣಿಗೆಗೆ ಈಗ ಅವಕಾಶವಿದೆ ಎಂಬ ವಿಶ್ವಾಸವನ್ನು ವ್ಯಕ್ತಪಡಿಸಿದ್ದಾರೆ.
ಬುಧವಾರ ವಾಷಿಂಗ್ಟನ್ ಡಿಸಿಗೆ ಆಗಮಿಸಿದ ಪ್ರಧಾನಿ ಮೋದಿ, ಮೈಕ್ರಾನ್ ಟೆಕ್ನಾಲಜಿಯ ಅಧ್ಯಕ್ಷ-ಸಿಇಒ ಸಂಜಯ್ ಮೆಹ್ರೋತ್ರಾ ಅವರನ್ನು ಭೇಟಿ ಮಾಡಿದರು. ಇತ್ತೀಚಿಗೆ, ಭಾರತ ಮತ್ತು ಅಮೆರಿಕ ಭಾರತ - USA 5 ನೇ ವಾಣಿಜ್ಯ ಸಂವಾದ 2023 ರ ವೇಳೇ ಸೆಮಿಕಂಡಕ್ಟರ್ ಪೂರೈಕೆ ಸರಪಳಿಯನ್ನು ಸ್ಥಾಪಿಸುವ ಕುರಿತು ತಿಳಿವಳಿಕೆ ಒಪ್ಪಂದಕ್ಕೆ (MoU) ಸಹಿ ಮಾಡಿದೆ. ಇದು ಎಲೆಕ್ಟ್ರಾನಿಕ್ ಸರಕುಗಳ ಕೇಂದ್ರವಾಗಬೇಕು ಎಂಬ ತನ್ನ ದೀರ್ಘಾವಧಿಯ ಕನಸನ್ನು ನನಸಾಗಿಸಲು ಸಹಾಯ ಮಾಡಲಿದೆ.