ಇಸ್ಲಾಮಾಬಾದ್:ಜಮ್ಮು-ಕಾಶ್ಮೀರ ಭಾರತದ ಕಿರೀಟಪ್ರಾಯವಾಗಿದ್ದರೂ ವಿವಾದ ಮಾತ್ರ ಬರೆಹರಿದಿಲ್ಲ. ಭಾರತ-ಪಾಕಿಸ್ತಾನ ಮಧ್ಯೆ ಇರುವ ಬಹುಕಾಲದ ಸಮಸ್ಯೆಯನ್ನು ಜರ್ಮನಿ ಇದೀಗ ಕೆಣಕಿದೆ. 'ಕಾಶ್ಮೀರಿಗರ ಮಾನವ ಹಕ್ಕು ಕಾಪಾಡಲು ವಿಶ್ವಸಂಸ್ಥೆ ಮುಂದಾಗಬೇಕು' ಎಂದು ಹೇಳಿಕೆ ನೀಡಿ ಭಾರತದ ಆಂತರಿಕ ವಿಚಾರದಲ್ಲಿ ಅನಪೇಕ್ಷಿತ ಮಧ್ಯಪ್ರವೇಶ ಮಾಡಿದೆ.
ಎರಡು ದಿನಗಳ ಪಾಕಿಸ್ತಾನ ಪ್ರವಾಸ ಕೈಗೊಂಡಿರುವ ಜರ್ಮನಿಯ ವಿದೇಶಾಂಗ ಸಚಿವೆ ಅನ್ನಾಲಿನಾ, ಪಾಕಿಸ್ತಾನದ ವಿದೇಶಾಂಗ ಸಚಿವ ಬಿಲಾವಲ್ ಭುಟ್ಟೋ ಜರ್ದಾರಿಯೊಂದಿಗೆ ನಡೆದ ಮಾತುಕತೆಯಲ್ಲಿ ಕಾಶ್ಮೀರದ ಕುರಿತು ಈ ಪ್ರಸ್ತಾಪ ಮಾಡಿದ್ದಾರೆ.
ಕಾಶ್ಮೀರದಲ್ಲಿ ಮಾನವ ಹಕ್ಕುಗಳ ರಕ್ಷಣೆಗೆ ವಿಶ್ವಸಂಸ್ಥೆ ಮುಂದಾಗಬೇಕು. ಉಭಯ ರಾಷ್ಟ್ರಗಳ ಕಡೆಯಿಂದ ರಚನಾತ್ಮಕ ಮಾತುಕತೆ ನಡೆದರೆ ಭಾರತ -ಪಾಕಿಸ್ತಾನ ಸಂಬಂಧ ಸುಧಾರಿಸುತ್ತದೆ. ನಾವು ಈ ವಿಷಯದಲ್ಲಿ ಕಾಶ್ಮೀರದ ಹಿತ ಬಯಸುತ್ತೇವೆ ಎಂದು ಹೇಳಿದ್ದಾರೆ.
ಸಭೆ ಬಳಿಕ ಕೊರೊನಾ ದೃಢ:ಈಸಭೆಯ ಬಳಿಕ ಜರ್ಮನಿ ವಿದೇಶಾಂಗ ಸಚಿವೆ ಅನ್ನಾಲಿನಾ ಬೈರ್‌ಬಾಚ್ ಅವರಿಗೆ ಕೋವಿಡ್ ದೃಢಪಟ್ಟಿದೆ. ಹೀಗಾಗಿ ತಕ್ಷಣವೇ ಮುಂದಿನ ಪ್ರವಾಸಗಳನ್ನು ರದ್ದು ಮಾಡಿ ಜರ್ಮನಿಗೆ ವಾಪಸ್ ಆಗಿದ್ದಾರೆ.
ಇದನ್ನೂ ಓದಿ:'ಇದು ನಾಚಿಕೆಗೇಡು' ಬೆಂಗಳೂರಿನ ರಸ್ತೆ ದುರವಸ್ಥೆ ಬಗ್ಗೆ ಕಿರಣ್ ಮಂಜುಂದಾರ್ ಷಾ ಕಿಡಿ