ಭಾರತೀಯರಿಗೆ 3000 ವೀಸಾ ನೀಡಲು ಬ್ರಿಟನ್​ ಪ್ರಧಾನಿ ರಿಷಿ ಸುನಕ್​ ಹಸಿರು ನಿಶಾನೆ

ಹೊಸ ಯುಕೆ-ಇಂಡಿಯಾ ಯಂಗ್ ಪ್ರೊಫೆಷನಲ್ಸ್ ಯೋಜನೆ ಅಡಿ, ಯುಕೆ ಎರಡು ವರ್ಷಗಳವರೆಗೆ ಬ್ರಿಟನ್​ನಲ್ಲಿ ವಾಸಿಸಲು ಮತ್ತು ಕೆಲಸ ಮಾಡಲು 18-30 ವರ್ಷ ವಯಸ್ಸಿನ ಪದವೀಧರರಿಗೆ 3,000 ವೀಸಾ ನೀಡಲು ಒಪ್ಪಿಕೊಂಡಿದೆ.

ಲಂಡನ್​: ಬ್ರಿಟನ್​ನಲ್ಲಿ ಕೆಲಸ ಮಾಡುವ ವೃತ್ತಿಪರರಿಗೆ ಪ್ರತಿ ವರ್ಷ 3000 ವೀಸಾಗಳನ್ನು ನೀಡಲು ಪ್ರಧಾನಿ ರಿಷಿ ಸುನಕ್​ ಮುಂದಾಗಿದ್ದಾರೆ. ಇಂತಹ ಯೋಜನೆಯಿಂದ ಲಾಭ ಪಡೆಯುತ್ತಿರುವ ದೇಶ ಭಾರತ ಎಂದು ಬ್ರಿಟಿಷ್ ಸರ್ಕಾರ ಹೇಳಿದೆ. ಕಳೆದ ವರ್ಷ ಒಪ್ಪಿಕೊಂಡ ಯುಕೆ-ಭಾರತ ವಲಸೆ ಮತ್ತು ಸವಲತ್ತು ಪಾಲುದಾರಿಕೆಯ ಬಲವನ್ನು ಇದು ಎತ್ತಿ ತೋರಿಸುತ್ತದೆ.

ಯುಕೆ ಇಂಡಿಯಾ ಯಂಗ್ ಪ್ರೊಫೆಷನಲ್ಸ್ ಸ್ಕೀಮ್ ಯೋಜನೆ ಅಡಿ ಇದನ್ನು ದೃಢೀಕರಿಸಲಾಗಿದೆ. ಜಿ 20 ಶೃಂಗಸಭೆಯಲ್ಲಿ ಪ್ರಧಾನಿ ಮೋದಿ ರಿಷಿ ಸುನಿಕ್​ ಭೇಟಿ ಬಳಿಕ ಬ್ರಿಟನ್​ ಕಚೇರಿಯಲ್ಲಿ ಈ ಬೆಳವಣಿಗೆ ನಡೆದಿದೆ. ಹೊಸ ಯುಕೆ - ಇಂಡಿಯಾ ಯಂಗ್ ಪ್ರೊಫೆಷನಲ್ಸ್ ಯೋಜನೆ ಅಡಿ, ಯುಕೆ ಎರಡು ವರ್ಷಗಳವರೆಗೆ ಬ್ರಿಟನ್​ನಲ್ಲಿ ವಾಸಿಸಲು ಮತ್ತು ಕೆಲಸ ಮಾಡಲು 18-30 ವರ್ಷ ವಯಸ್ಸಿನ ಪದವೀಧರರಿಗೆ 3,000 ಸ್ಥಳಗಳನ್ನು ನೀಡುತ್ತದೆ

ಭಾರತದೊಂದಿಗಿನ ನಮ್ಮ ದ್ವಿಪಕ್ಷೀಯ ಸಂಬಂಧ ಮತ್ತು ನಮ್ಮ ಎರಡೂ ಆರ್ಥಿಕತೆಗಳನ್ನು ಬಲಪಡಿಸಲು ಇಂಡೋ-ಪೆಸಿಫಿಕ್ ಪ್ರದೇಶ ಬಲವಾದ ಸಂಪರ್ಕಗಳ ವ್ಯಾಪಕ ಬದ್ಧತೆಗೆ ಈ ಯೋಜನೆಯ ಮಹತ್ವದ್ದಾಗಿದೆ ಎಂದು ಡೌನಿಂಗ್ ಸ್ಟ್ರೀಟ್ ಪ್ರಕಟಣೆಯಲ್ಲಿ ತಿಳಿಸಿದೆ.

ಬ್ರಿಟನ್​ ಇಂಡೋ ಫೆಸಿಫಿಕ್​ ಪ್ರದೇಶದ ಇತರ ರಾಷ್ಟ್ರಗಳಿಗಿಂತ ಭಾರತದೊಂದಿಗೆ ಹೆಚ್ಚು ಸಂಪರ್ಕಿತದಲ್ಲಿದೆ. ಬ್ರಿಟನ್​ನಲ್ಲಿರುವ ಅಂತಾರಾಷ್ಟ್ರೀಯ ವಿದ್ಯಾರ್ಥಿಗಳಲ್ಲಿ ಕಾಲು ಭಾಗದಷ್ಟು ಜನ ಭಾರತೀಯರು. ಬ್ರಿಟನ್​ ಬೆಂಬಲಿತ 95 ಸಾವಿರ ಉದ್ಯೋಗದಲ್ಲಿ ಭಾರತೀಯರ ಬಂಡವಾಳ ಹೆಚ್ಚಿದೆ. ಸದ್ಯ ಭಾರತ ಬ್ರಿಟನ್​ ನೊಂದಿಗೆ ವಾಣಿಜ್ಯ ವ್ಯವಹಾರ ಒಪ್ಪದದ ಮಾತುಕತೆ ನಡೆಸುತ್ತಿದೆ.

ಇದು ಅಂಗೀಕೃತವಾದರೆ ಯುರೋಪಿನ್​ ದೇಶಗಳೊಂದಿಗೆ ಮಾಡುತ್ತಿರುವ ಮೊದಲ ಒಪ್ಪಂದವಾಗಿರಲಿದೆ. ಈ ವಾಣಿಜ್ಯ ಒಪ್ಪಂದ ಭಾರತ ಮತ್ತು ಯುಕೆ ವ್ಯಾಪಾರ ಸಂಬಂಧವನ್ನು ಉತ್ತಮಗೊಳಿಸಲಿದೆ.

ಇದನ್ನೂ ಓದಿ: NATO ಸದಸ್ಯ ರಾಷ್ಟ್ರ ಪೋಲೆಂಡ್​ ಭೂಪ್ರದೇಶಕ್ಕೆ ಅಪ್ಪಳಿಸಿದ ರಷ್ಯಾ ನಿರ್ಮಿತ ಕ್ಷಿಪಣಿಗಳು: ಇಬ್ಬರು ಸಾವು