ಪೋರ್ಚುಗಲ್‌:ಹೆಚ್ಚಿನ ಜನರು ಹೂಸು ಬಿಡುವ ಸಮಸ್ಯೆ ಹೊಂದಿರುತ್ತಾರೆ. ಕೆಲವೊಮ್ಮೆ ಅದರಿಂದ ಅವಮಾನವನ್ನೂ ಅನುಭವಿಸಬೇಕಾಗುತ್ತದೆ. ಈ ಸಮಸ್ಯೆ ಪ್ರಾಣಕ್ಕೂ ಮಾರಕವಾಗಬಹುದು. ವಿಹ್ ಟ್ಯೂಬ್ ಎಂಬ ಬ್ರೆಜಿಲಿಯನ್ ಪ್ರಭಾವಿ ಮಹಿಳೆಯೊಬ್ಬಳು ಹೂಸು ಹೊರಬಿಡದೇ ಹಿಡಿದಿಟ್ಟುಕೊಂಡು ಆಸ್ಪತ್ರೆ ಸೇರಿರುವ ಘಟನೆ ಬೆಳಕಿಗೆ ಬಂದಿದೆ.
21 ವರ್ಷದ ವಿಹ್ ಟ್ಯೂಬ್ ಎಂಬವರ ಪೂರ್ಣ ಹೆಸರು ವಿಟ್ಟೋರಿಯಾ ಡಿ ಫೆಲಿಸ್ ಮೊರೇಸ್. ಇವರು ಪೋರ್ಚುಗಲ್‌ನಲ್ಲಿ ನಡೆದ ರಿಯೊ ಲಿಸ್ಬೋವಾ 2022 ಸಂಗೀತ ಉತ್ಸವದ ಸಮಯದಲ್ಲಿ ತೀವ್ರವಾದ ಹೊಟ್ಟೆ ನೋವು ಅನುಭವಿಸಿದ್ದರು. ಇದಕ್ಕೆ ಕಾರಣವನ್ನೂ ಅವರು ತಿಳಿಸಿದ್ದಾರೆ. ವಿಹ್ ಟ್ಯೂಬ್ ತನ್ನ ಗೆಳೆಯ ಎಲಿಯೆಜರ್ ಜೊತೆಗೆ ಕಾರ್ಯಕ್ರಮಕ್ಕೆ ವಿಮಾನದಲ್ಲಿ ತೆರಳಿದ್ದರು. ಈ ಸಂದರ್ಭದಲ್ಲಿ ಹೂಸು ಬಂದಿದೆ. ಆದರೆ ಆತನ ಎದುರು ಹೂಸು ಬಿಡಲು ತುಂಬಾ ನಾಚಿಕೆ ಮತ್ತು ಮುಜುಗರಕ್ಕೊಳಗಾಗಿದ್ದರು. ಹೀಗಾಗಿ ಆಕೆ ಅದನ್ನು ಕಂಟ್ರೋಲ್ ಮಾಡಲು ಯತ್ನಿಸಿದ್ದಾರೆ.