'ಅಭಿನಂದನ್​ ಬಿಟ್ಟುಕೊಟ್ಟು ರಾಜತಾಂತ್ರಿಕತೆ ಮೆರೆದ ಇಮ್ರಾನ್'

ಪಾಕಿಸ್ತಾನದ ಪಿಟಿಐ ಪಕ್ಷದ ನಾಯಕ ಶಾ ಮಹಮೂದ್​ ಖುರೇಷಿ ಭಾರತ ನಡೆಸಿದ್ದ ಬಾಲಾಕೋಟ್​ ದಾಳಿಯನ್ನು ಸಂಸತ್ತಿನಲ್ಲಿ ಪ್ರಸ್ತಾಪಿಸಿ, ಇಮ್ರಾನ್​ ಖಾನ್​ ಸರ್ಕಾರ ಅಂದು ಭಾರತಕ್ಕೆ ತಕ್ಕ ಪ್ರತ್ಯುತ್ತರ ನೀಡಿತ್ತು ಎಂದು ಕೊಚ್ಚಿಕೊಂಡಿದ್ದಾರೆ.

ಇಸ್ಲಾಮಾಬಾದ್:ಪಾಕ್ ಪ್ರಮುಖ ಪಕ್ಷವಾದ ಪಾಕಿಸ್ತಾನ್ ತೆಹ್ರೀಕ್-ಎ-ಇನ್ಸಾಫ್ ಪಕ್ಷದ ನಾಯಕ ಶಾ ಮಹಮೂದ್ ಖುರೇಷಿ 2019ರಲ್ಲಿ ಭಾರತ ನಡೆಸಿದ್ದ ಬಾಲಾಕೋಟ್​ ದಾಳಿಯನ್ನು ಅಲ್ಲಿನ ಸಂಸತ್ತಿನಲ್ಲಿ ಪ್ರಸ್ತಾಪಿಸಿದ್ದಾರೆ. ಪುಲ್ವಾಮಾ ಆತ್ಮಾಹುತಿ ದಾಳಿಯ ನಂತರ ಭಾರತ ಬಾಲಾಕೋಟ್​ ದಾಳಿ ಮಾಡಿತು. ಈ ವೇಳೆ ಪ್ರಧಾನಿಯಾಗಿದ್ದ ಇಮ್ರಾನ್​ ಖಾನ್​ ಅವರು ಭಾರತಕ್ಕೆ ತಕ್ಕ ಉತ್ತರ ನೀಡಿದರು ಎಂದರು.

ದಾಳಿಯ ಪಾಕ್​ ಸೇನೆಗೆ ಸಿಕ್ಕಿಬಿದ್ದಿದ್ದ ವಿಂಗ್​ ಕಮಾಂಡರ್​ ಅಭಿನಂದನ್​ ವರ್ಧಮಾನ್​ರನ್ನು ಬಂಧಿಸಿತ್ತು. ಈ ವೇಳೆ ಅವರನ್ನು ಭಾರತಕ್ಕೆ ಮರಳಿ ಕಳುಹಿಸಿ ರಾಜತಾಂತ್ರಿಕತೆಯನ್ನು ಮೆರೆದರು. ಇದು ಇಡೀ ದೇಶವೇ ಮೆಚ್ಚಬೇಕಾದ ಸಂಗತಿ ಎಂದು ಇಮ್ರಾನ್​ ಖಾನ್​ ಕಾರ್ಯವನ್ನು ಹೊಗಳಿಸಿದರು.

ಜಮ್ಮು -ಕಾಶ್ಮೀರದ ಪುಲ್ವಾಮಾದಲ್ಲಿ ಕಾನ್ವಾಯ್ ಹೊರಟಿದ್ದ ಸಿಆರ್​ಪಿಎಫ್​ ಯೋಧರ ಮೇಲೆ ಆತ್ಮಾಹುತಿ ದಾಳಿ ನಡೆಸಿದ ಉಗ್ರರು ಹಲವಾರು ಯೋಧರ ಬಲಿ ತೆಗೆದುಕೊಂಡಿದ್ದರು. ಇದಕ್ಕೆ ಪ್ರತ್ಯುತ್ತರವಾಗಿ ಭಾರತ ಉಗ್ರರ ಅಡಗುದಾಣಗಳ ಮೇಲೆ ರಾತ್ರೋರಾತ್ರಿ ಸರ್ಜಿಕಲ್ ಸ್ಟ್ರೈಕ್‌ ನಡೆಸಿ ಸೇಡು ತೀರಿಸಿಕೊಂಡಿತ್ತು.

ಇದನ್ನೂ ಓದಿ:'ಭಾರತದೊಂದಿಗೆ ಉತ್ತಮ ಸಂಬಂಧ ಬೆಳೆಸಲು ಕಾಶ್ಮೀರ ವಿವಾದ ಇತ್ಯರ್ಥವಾಗ್ಬೇಕು': ಪಾಕ್​ ನಿಯೋಜಿತ ಪ್ರಧಾನಿ