ಬಾಗ್ದಾದ್ (ಇರಾಕ್): ಐಸಿಸ್ ಉಗ್ರ ಸಂಘಟನೆಯ ವಿರುದ್ಧ ಕಿರ್ಕುಕ್ನಲ್ಲಿ ಅಮೆರಿಕ ಸೇನೆ ನಡೆಸಿದ ವೈಮಾನಿಕ ದಾಳಿಯಲ್ಲಿ ಇಸ್ಲಾಮಿಕ್ ಸ್ಟೇಟ್ ಆಫ್ ಇರಾಕ್ ಮತ್ತು ಸಿರಿಯಾ ಸಂಘಟನೆಯ (ISIS) ನಾಯಕನನ್ನು ಹೊಡೆದುರುಳಿಸಲಾಗಿದೆ ಎಂದು ದಿ ಹಿಲ್ ಎಂಬ ಸುದ್ದಿ ಸಂಸ್ಥೆ ವರದಿ ಮಾಡಿದೆ.
ಇರಾಕ್ ಹಾಗೂ ಅಮೆರಿಕ ಸೇನೆ ಜಂಟಿಯಾಗಿ ಕೈಗೊಂಡಿದ್ದ ಕಾರ್ಯಾಚರಣೆಯಲ್ಲಿ ಐಸಿಸ್ ನಾಯಕ ಜಬ್ಬರ್ ಸಲ್ಮಾನ್ ಅಲಿ ಫರ್ಹಾನ್ ಅಲ್-ಇಸ್ಸಾವಿ ಅಲಿಯಾಸ್ ಅಬು ಯಾಸರ್ (43) ಹತ್ಯೆ ಮಾಡಲಾಗಿದೆ.
ಈ ತಿಂಗಳಲ್ಲಿ ಬಾಗ್ದಾದ್ನಲ್ಲಿ ನಡೆದಿದ್ದ ಎರಡು ಆತ್ಮಹುತಿ ಬಾಂಬ್ ದಾಳಿಯ ನಂತರ ಉಗ್ರರ ಅಡುಗುದಾಣಗಳ ಮೇಲೆ ವೈಮಾನಿಕ ದಾಳಿ ನಡೆಸಲಾಗಿತ್ತು.
ಕಳೆದ ವಾರ ಬಾಗ್ದಾದ್ನಲ್ಲಿ ಸಂಭವಿಸಿದ ಎರಡು ಆತ್ಮಹುತಿ ಬಾಂಬ್ ದಾಳಿಯ ಹೊಣೆಯನ್ನು ಐಸಿಸ್ ಸಂಘಟನೆ ಹೊತ್ತುಕೊಂಡಿತ್ತು. ಈ ದಾಳಿಯಲ್ಲಿ 32 ಮಂದಿ ಸಾವಿಗೀಡಾಗಿ ಹಲವರು ಗಾಯಗೊಂಡಿದ್ದರು.
ಇರಾಕ್ನಲ್ಲಿ ಅಮೆರಿಕ ಹಾಗೂ ಇರಾಕ್ ಸೇನೆಗಳು ಜಂಟಿ ಕಾರ್ಯಾಚರಣೆ ಮುಂದುವರಿಸಿದ್ದು, ಐಸಿಸ್ನ ಇನ್ನೋರ್ವ ನಾಯಕ ಅಬು ಇಬ್ರಾಹಿಂ ಅಲ್ ಹಶ್ಮಿ ಅಲ್ - ಖುರೇಶಿಯ ಪತ್ತೆಯಲ್ಲಿ ನಿರತರಾಗಿದ್ದು, ಆತನ ಬಗ್ಗೆ ಇನ್ನೂ ಸುಳಿವು ಪತ್ತೆಯಾಗಿಲ್ಲ. 2019ರ ಯುಎಸ್ ದಾಳಿ ವೇಳೆ ಸಾವನಪ್ಪಿದ ಐಸಿಸ್ ನಾಯಕ ಅಬೂಬಕರ್ ಅಲ್- ಬಾಗ್ದಾದಿಯ ನಂತರ ಅಲ್-ಖುರೇಶಿಯನ್ನು ಐಸಿಸ್ನ ಖಲೀಫ್ ಎಂದು ಕರೆಯಲಾಗುತ್ತಿದ್ದು, ಈತನ ಹುಡುಕಾಟ ಮುಂದುವರಿದಿದೆ.
ಇದನ್ನೂ ಓದಿ:ಟೆಸ್ಟ್ ಫ್ಲೈ ನಡೆಸುವಾಗ ಸ್ಫೋಟಗೊಂಡ ಸ್ಪೇಸ್ ಎಕ್ಸ್‌ನ ಸ್ಟಾರ್‌ಶಿಪ್ ಪರಿಶೀಲಿಸುತ್ತಿರುವ ಯುಎಸ್
