ಆಸ್ಟ್ರೇಲಿಯಾದಲ್ಲಿ ಹೆಚ್ಚಿದ ಉಷ್ಣಾಂಶ.. ನ್ಯೂಸೌತ್ ವೇಲ್ಸ್​ನಲ್ಲಿ ಕಾಡ್ಗಿಚ್ಚು

ಆಸ್ಟ್ರೇಲಿಯಾದ ನ್ಯೂ ಸೌತ್ ವೇಲ್ಸ್​ನಲ್ಲಿ ಭಾನುವಾರ ಕಾಡ್ಗಿಚ್ಚುಗಳು ಹೊತ್ತಿಕೊಂಡಿವೆ. ರಾಜ್ಯದ ಒಂಬತ್ತು ಪ್ರದೇಶಗಳಲ್ಲಿ ಓಪನ್​ ಏರ್​ ಫೈರ್​ನ್ನು ನಿಷೇಧಿಸಲಾಗಿದೆ..

ನ್ಯೂ ಸೌತ್ ವೇಲ್ಸ್​ :ಆಸ್ಟ್ರೇಲಿಯಾದ ಕೆಲ ಭಾಗಗಳಲ್ಲಿ ಉಲ್ಬಣಿಸುತ್ತಿರುವ ಉಷ್ಣತೆಯು ಕಾಡ್ಗಿಚ್ಚಿನ ಭಯವನ್ನು ಹುಟ್ಟು ಹಾಕಿದೆ. ಆಸ್ಟ್ರೇಲಿಯಾದ ನ್ಯೂ ಸೌತ್ ವೇಲ್ಸ್​ನಲ್ಲಿ ಭಾನುವಾರ ಕಾಡ್ಗಿಚ್ಚುಗಳು ಹೊತ್ತಿಕೊಂಡಿದೆ.

ರಾಜ್ಯದ ಒಂಬತ್ತು ಪ್ರದೇಶಗಳಲ್ಲಿ ಓಪನ್​ ಏರ್​ ಫೈರ್​ನ್ನು ನಿಷೇಧಿಸಲಾಗಿದೆ. ನ್ಯೂ ಸೌತ್ ವೇಲ್ಸ್‌ನ ಅಗ್ನಿಶಾಮಕ ಇಲಾಖೆ 45 ಬುಷ್‌ಫೈರ್‌ಗಳನ್ನು ವರದಿ ಮಾಡಿದೆ.

ರಾಜ್ಯದ ಕೆಲವು ಭಾಗಗಳಲ್ಲಿ ತಾಪಮಾನವು 40 ಡಿಗ್ರಿ ಸೆಲ್ಸಿಯಸ್​ಗೂ ಅಧಿಕವಾಗಿದೆ ಎಂದು ಹೇಳಲಾಗಿದೆ. ಆಸ್ಟ್ರೇಲಿಯಾದ ಹವಾಮಾನ ಇಲಾಖೆ ಭಾನುವಾರ ಮಧ್ಯಾಹ್ನದ ನಂತರ ತಂಪಾದ ಗಾಳಿ ತಾಪಮಾನವನ್ನು ಕಡಿಮೆ ಮಾಡುತ್ತದೆ ಎಂದು ನಿರೀಕ್ಷಿಸಿತ್ತು.

ಆಸ್ಟ್ರೇಲಿಯಾ ಖಂಡದ ಕೆಲವು ಭಾಗಗಳು ಶನಿವಾರದಂದು ದಾಖಲೆಯ ಉಷ್ಣತೆ ಕಂಡು ಬಂದಿರುವುದು ಆತಂಕಕ್ಕೆ ಕಾರಣವಾಗಿದೆ.