ಬಾಗ್ದಾದ್​ನಲ್ಲಿ ಇಸ್ಲಾಮಿಕ್ ಸ್ಟೇಟ್ಸ್​ ಉಗ್ರರ ಅಟ್ಟಹಾಸ: ನಾಲ್ವರ ಬಲಿ

ಬಾಗ್ದಾದ್​ನಲ್ಲಿ ಇಸ್ಲಾಮಿಕ್ ಸ್ಟೇಟ್ಸ್​ ಭಯೋತ್ಪಾದಕ ಸಂಘಟನೆ ದಾಳಿ ನಡೆಸಿದ್ದು, ನಾಲ್ವರು ಮೃತಪಟ್ಟು, ಮೂವರು ಗಾಯಗೊಂಡಿದ್ದಾರೆ.

ಬಾಗ್ದಾದ್ (ಇರಾಕ್​):ಇಸ್ಲಾಮಿಕ್ ಸ್ಟೇಟ್ಸ್ ಭಯೋತ್ಪಾದಕ ಸಂಘಟನೆ ಇರಾಕ್​ನ ರಾಜಧಾನಿ ಬಾಗ್ದಾನ್​ನಲ್ಲಿ ದಾಳಿ ನಡೆಸಿ ನಾಲ್ವರನ್ನು ಕೊಂದಿದೆ ಎಂದು ಇರಾಕ್​ನ ಮಿಲಿಟರಿ ಅಧಿಕಾರಿಗಳು ಮಾಹಿತಿ ನೀಡಿದ್ದಾರೆ.

ಭಾನುವಾರ ರಾತ್ರಿ ದಾಳಿ ನಾಲ್ವರು ಇಸ್ಲಾಮಿಕ್ ಸ್ಟೇಟ್ಸ್​ನ ಭಯೋತ್ಪಾದಕರು ದಾಳಿ ನಡೆಸಿದ್ದು, ಅಲ್ - ರಾಡ್ವಾನಿಯಾ ಪ್ರದೇಶದಲ್ಲಿ ಸಹ್ವಾ ಎಂದು ಕರೆಯಲ್ಪಡುವ ಸರ್ಕಾರಿ ಬೆಂಬಲಿತ ಅರೆಸೈನಿಕ ಪಡೆಯನ್ನು ಗುರಿಯಾಗಿಸಿ ದಾಳಿ ನಡೆಸಲಾಗಿದೆ ಎಂದು ಕ್ಸಿನ್ಹುವಾ ಸುದ್ದಿ ಸಂಸ್ಥೆ ಹೇಳಿದೆ.

ಈ ದಾಳಿಯಲ್ಲಿ ಮೂವರು ಗಾಯಗೊಂಡಿದ್ದು, ಅವರನ್ನು ಆಸ್ಪತ್ರೆಗೆ ಸೇರಿಸಿ, ಚಿಕಿತ್ಸೆ ನೀಡಲಾಗುತ್ತಿದೆ ಎಂದು ಮಿಲಿಟರಿ ಅಧಿಕಾರಿಗಳು ಮಾಹಿತಿ ನೀಡಿದ್ದಾರೆ.

2017ರಲ್ಲಿ ಇಸ್ಲಾಮಿಕ್ ಸ್ಟೇಟ್ಸ್​ ಉಗ್ರರನ್ನು ಸಂಪೂರ್ಣವಾಗಿ ಸೋಲಿಸಿದಾಗಿನಿಂದ ಇರಾಕ್​ನಲ್ಲಿ ಭದ್ರತೆ ಸುಧಾರಿಸುತ್ತಿದೆ. ಆದರೂ ಕೂಡಾ ಇಸ್ಲಾಮಿಕ್ ಸ್ಟೇಟ್ಸ್​ ಉಗ್ರರು ಆಗಾಗ ದಾಳಿಗಳನ್ನು ನಡೆಸುತ್ತಿದ್ದು, ಇರಾಕ್ ಸೇನೆ ಕೂಡಾ ಉಗ್ರರನ್ನು ಮಟ್ಟ ಹಾಕಲು ನಿರತವಾಗಿವೆ.