ಇರಾಕ್​ನ ಬಾಲಾಡ್ ಮಿಲಿಟರಿ ವಾಯುನೆಲೆಯಲ್ಲಿ ಕತ್ಯುಷಾ ರಾಕೆಟ್‌ಗಳಿಂದ ದಾಳಿ

ಇರಾಕ್‌ನ ಸಲಾಹುದ್ದೀನ್ ಪ್ರಾಂತ್ಯದ ಬಾಲಾಡ್ ಮಿಲಿಟರಿ ವಾಯುನೆಲೆಯಲ್ಲಿ ಶನಿವಾರ ಮೂರು ಕತ್ಯುಷಾ ರಾಕೆಟ್‌ಗಳು ದಾಳಿ ನಡೆಸಿದ್ದು, ಇರಾಕ್​ ನಾಗರಿಕರೊಬ್ಬರು ಗಾಯಗೊಂಡಿದ್ದಾರೆ.

ಬಾಗ್ದಾದ್​: ಇರಾಕ್‌ನ ಅತ್ಯಂತ ದೊಡ್ಡ ವಾಯುನೆಲೆ ಸಲಾಹುದ್ದೀನ್ ಪ್ರಾಂತ್ಯದ ಬಾಲಾಡ್ ಮಿಲಿಟರಿ ವಾಯುನೆಲೆ ಬಳಿ ಶನಿವಾರ ಮೂರು ಕತ್ಯುಷಾ ರಾಕೆಟ್ಗಳ ಮೂಲಕ ದಾಳಿ ನಡೆಸಲಾಗಿದ್ದು, ಇರಾಕ್​ ನಾಗರಿಕರೊಬ್ಬರು ಗಾಯಗೊಂಡಿದ್ದಾರೆ ಎಂದು ಪ್ರಾಂತೀಯ ಭದ್ರತಾ ಮೂಲಗಳು ತಿಳಿಸಿವೆ.

ಇರಾಕ್​​ ರಾಜಧಾನಿ ಬಾಗ್ದಾದ್‌ನಿಂದ ಉತ್ತರಕ್ಕೆ 90 ಕಿಮೀ ದೂರದಲ್ಲಿರುವ ಬಾಲಾಡ್ ವಾಯುನೆಲೆಯಲ್ಲಿ ಕತ್ಯುಷಾ ರಾಕೆಟ್‌ಗಳಿಂದ ಈ ದಾಳಿ ನಡೆದಿದೆ. ದಾಳಿ ವೇಳೆ ಕಟ್ಟಡವೊಂದಕ್ಕೆ ರಾಕೆಟ್ ಬಡಿದಿದ್ದು, ಕಟ್ಟಡಕ್ಕೆ ಹಾನಿಯಾಗಿದೆ ಮತ್ತು ಕಂಪನಿಯಲ್ಲಿ ಕೆಲಸ ಮಾಡುತ್ತಿದ್ದ ಇರಾಕ್​ನ ವ್ಯಕ್ತಿಯೊಬ್ಬ ದಾಳಿಯಲ್ಲಿ ಗಾಯಗೊಂಡಿದ್ದಾನೆ ಎಂದು ಪ್ರಾಂತೀಯ ಪೊಲೀಸ್ ಮೊಹಮ್ಮದ್ ಅಲ್-ಬಾ ತಿಳಿಸಿದ್ದಾರೆ.

ಇತರ ಎರಡು ರಾಕೆಟ್​ಗಳಿಂದ ಯಾವುದೇ ಹಾನಿಯಾಗಿಲ್ಲ. ಈವರೆಗೆ ಯಾವುದೇ ಗುಂಪು ದಾಳಿಯ ಹೊಣೆ ಹೊತ್ತುಕೊಂಡಿಲ್ಲ.