ಕೀವ್(ಉಕ್ರೇನ್):ರಷ್ಯಾ ಮಿಲಿಟರಿ ದಾಳಿಗೆ ಪುಟ್ಟ ದೇಶ ಉಕ್ರೇನ್ ಇನ್ನಿಲ್ಲದ ಸಂಕಷ್ಟಕ್ಕೊಳಗಾಗಿದೆ. ಇದರ ಮಧ್ಯೆ ಕೂಡ ದಿಟ್ಟ ಹೋರಾಟ ಮುಂದುವರೆಸಿದೆ. ಉಕ್ರೇನ್ನ ಬಹುತೇಕ ನಗರಗಳ ಮೇಲೆ ರಷ್ಯಾ ಈಗಾಗಲೇ ದಾಳಿ ನಡೆಸಿದ್ದು, ಪರಿಣಾಮ ಈಗಾಗಲೇ ನೂರಾರು ಸೈನಿಕರು, ನಾಗರಿಕರು ಸಾವನ್ನಪ್ಪಿದ್ದಾರೆ. ಇದರ ಮಧ್ಯೆ ಉಕ್ರೇನ್ ಯೋಧನೋರ್ವ ಸೇತುವೆಯೊಂದಿಗೆ ತನ್ನನ್ನು ಸ್ಫೋಟಿಸಿಕೊಳ್ಳುವ ಮೂಲಕ ರಷ್ಯಾ ಯುದ್ಧ ಟ್ಯಾಂಕರ್ ಉಕ್ರೇನ್ನೊಳಗೆ ಬರುವುದನ್ನ ತಡೆದಿದ್ದಾರೆಂದು ವರದಿಯಾಗಿದೆ.
ರಷ್ಯಾದ ಯುದ್ಧ ಟ್ಯಾಂಕರ್ಗಳು ಮುಂದೆ ಸಾಗಿ ಬರದಂತೆ ತಡೆಯುವ ಉದ್ದೇಶದಿಂದ ದಕ್ಷಿಣ ಪ್ರಾಂತ್ಯದ ಖರ್ಸನ್ ಎಂಬಲ್ಲಿ ಯೋಧನೊಬ್ಬ ಸೇತುವೆಯೊಂದಿಗೆ ತನ್ನನ್ನು ಸ್ಫೋಟಿಸಿಕೊಂಡಿದ್ದಾನೆ. ಆತನ ತ್ಯಾಗವನ್ನ ಉಕ್ರೇನ್ ಮಿಲಿಟರಿ ಶ್ಲಾಘಿಸಿದೆ.