ರಷ್ಯಾ ಯುದ್ಧ ಟ್ಯಾಂಕ್‌ ವಶಕ್ಕೆ ಪಡೆದು ಸ್ವದೇಶದ ಬಾವುಟ ಹಾರಿಸಿದ ಉಕ್ರೇನ್ ಪ್ರಜೆ​​: ವಿಡಿಯೋ

ರಷ್ಯಾದ ಯುದ್ಧ ಟ್ಯಾಂಕ್ ಕಳ್ಳತನ ಮಾಡಿ ಅದರ ಮೇಲೆ ಹತ್ತಿಕೊಂಡು ಜಾಲಿ ರೈಡ್ ಮಾಡಿರುವ ವಿಡಿಯೋ ತುಣುಕು ಇತ್ತೀಚೆಗೆ ವೈರಲ್​​ ಆಗಿತ್ತು. ಇದರ ಬೆನ್ನಲ್ಲೇ ಇದೀಗ ಮತ್ತೊಂದು ವಿಡಿಯೋ ಸಾಮಾಜಿಕ ಜಾಲತಾಣಗಳಲ್ಲಿ ಹರಿದಾಡ್ತಿದೆ.

ಕೀವ್​​(ಉಕ್ರೇನ್​): ಉಕ್ರೇನ್​ ಮೇಲೆ ದಂಡೆತ್ತಿ ಹೋಗಿರುವ ರಷ್ಯಾ ಸೇನೆ ಬಹುತೇಕ ಎಲ್ಲ ನಗರಗಳ ಮೇಲೆ ದಾಳಿ ನಡೆಸುತ್ತಿದ್ದು, ಪ್ರಮುಖ ಕಟ್ಟಡಗಳನ್ನು ಧ್ವಂಸಗೊಳಿಸಿದೆ. ಇದರ ಮಧ್ಯೆ ರಷ್ಯಾದ ನೂರಾರು ಯುದ್ಧ ಟ್ಯಾಂಕರ್​ಗಳನ್ನು ಉಕ್ರೇನ್‌ ನಾಗರಿಕರು ವಶಕ್ಕೆ ಪಡೆದುಕೊಂಡಿದ್ದಾರೆ ಎನ್ನಲಾಗುತ್ತಿದೆ.

ಉಕ್ರೇನಿಯನ್​ ವ್ಯಕ್ತಿಯೋರ್ವ ರಷ್ಯಾ ಯುದ್ಧ ಟ್ಯಾಂಕ್​​ ವಶಕ್ಕೆ ಪಡೆದುಕೊಂಡು, ಅದರ ಮೇಲೆ ನಿಂತು ತನ್ನ ದೇಶದ ಧ್ವಜ ಹಾರಿಸಿದ್ದಾನೆ. ಈ ವೇಳೆ ಅಲ್ಲಿ ನೆರೆದಿದ್ದ ಜನರು ಹರ್ಷೋದ್ಗಾರ ವ್ಯಕ್ತಪಡಿಸಿದ್ದಾರೆ.

ಫೆಬ್ರವರಿ 24ರಿಂದ ರಷ್ಯಾ-ಉಕ್ರೇನ್​ ಮಧ್ಯೆ ಯುದ್ಧ ಆರಂಭಗೊಂಡಿದ್ದು, ಶಸ್ತ್ರಸಜ್ಜಿತ ರಷ್ಯಾ ಮಿಲಿಟರಿ ಪಡೆ ಉಕ್ರೇನ್​​ ಮೇಲೆ ದಾಳಿ ನಡೆಸುತ್ತಿದೆ. ಪ್ರಮುಖವಾಗಿ ಕೀವ್​, ಖಾರ್ಕಿವ್​, ಸುಮಿ ಮತ್ತು ಮರಿಯುಪೋಲ್​​ ಮೇಲೆ ದಾಳಿ ನಡೆಯುತ್ತಿದೆ.