ಭಾರತ ಮೂಲದ ಯುಕೆ ವ್ಯವಹಾರ ಕಾರ್ಯದರ್ಶಿಯ ಕೊರೊನಾ ವರದಿ ನೆಗೆಟಿವ್

ಕೊರೊನಾ ಲಕ್ಷಣ ಕಂಡು ಬಂದ ಹಿನ್ನೆಲೆ ಸ್ವಯಂ ಐಸೋಲೇಷನ್​ಗೆ ಒಳಗಾಗಿದ್ದ ಭಾರತ ಮೂಲದ ಯುಕೆ ವ್ಯವಹಾರಗಳ ಕಾರ್ಯದರ್ಶಿ ಅಲೋಕ್ ಶರ್ಮಾ ಅವರ ಕೋವಿಡ್​ ಪರೀಕ್ಷಾ ವರದಿ ನೆಗೆಟಿವ್ ಬಂದಿದೆ.

ಲಂಡನ್ :ಹೌಸ್ ಆಫ್ ಕಾಮನ್ಸ್​ನಲ್ಲಿ ಅನಾರೋಗ್ಯಕ್ಕೆ ಒಳಗಾಗಿದ್ದ ಭಾರತ ಮೂಲದ ಯುಕೆ ವ್ಯವಹಾರಗಳ ಕಾರ್ಯದರ್ಶಿ ಅಲೋಕ್ ಶರ್ಮಾ ಅವರ ಕೋವಿಡ್​ ಪರೀಕ್ಷಾ ವರದಿ ನೆಗೆಟಿವ್ ಬಂದಿದೆ.

ಕಾರ್ಪೊರೇಟ್ ಆಡಳಿತ ಮತ್ತು ದಿವಾಳಿತನ ಮಸೂದೆ ಓದುತ್ತಿರುವಾಗಲೇ ಕೊರೊನಾ ರೋಗಲಕ್ಷಣ ಕಂಡು ಬಂದ ಹಿನ್ನೆಲೆ ಶರ್ಮಾ ಸ್ವಯಂ ಐಸೋಲೇಷನ್​ಗೆ ಒಳಗಾಗಿದ್ದರು ಎಂದು ಮೆಟ್ರೋ ಪತ್ರಿಕೆ ವರದಿ ಮಾಡಿದೆ. ವರದಿ ನಗೆಟಿವ್ ಬಂದ ಹಿನ್ನೆಲೆ ಶರ್ಮಾ ಐಸೋಲೇಷನ್​ನಿಂದ ಹೊರ ಬರಲಿದ್ದಾರೆ ಎಂದು ಅವರ ವಕ್ತಾರರು ತಿಳಿಸಿದ್ದಾರೆ.

ಈ ಬಗ್ಗೆ ಟ್ವೀಟ್​ ಮಾಡಿರುವ ಶರ್ಮಾ, ಕಳೆದ 24 ಗಂಟೆಗಳ ಅವಧಿಯಲ್ಲಿ ನನ್ನ ಬಗ್ಗೆ ಕಾಳಜಿ ವಹಿಸಿ ಸಂದೇಶ ರವಾನಿಸಿದವರು ಬೆಂಬಲ ನೀಡಿದ ಸಂಸದೀಯ ಅಧಿಕಾರಿಗಳು ಮತ್ತು ಸ್ಪೀಕರ್​ಗೆ ಧನ್ಯವಾದಗಳು ಎಂದಿದ್ದಾರೆ.