ಸ್ಪೇನ್​ ಪ್ರಧಾನಿ ಪತ್ನಿಗೂ ತಗುಲಿದ ಕೊರೊನಾ ಸೋಂಕು!

ಜಗತ್ತಿನಾದ್ಯಂತ ಸಾರ್ವಜನಿಕರ ತಲ್ಲಣಕ್ಕೆ ಕಾರಣವಾಗಿರುವ ಮಹಾಮಾರಿ ಕೊರೊನಾ ವೈರಸ್​ ಸುಮಾರು 93 ರಾಷ್ಟ್ರಗಳಲ್ಲಿ ವ್ಯಾಪಿಸಿದ್ದು, 1 ಲಕ್ಷಕ್ಕೂ ಅಧಿಕ ಮಂದಿಯಲ್ಲಿ ಸೋಂಕು ಪತ್ತೆಯಾಗಿದೆ.

ಮ್ಯಾಡ್ರಿಡ್​(ಸ್ಪೇನ್):ಕೊರೊನಾ ವಿರುದ್ಧ ಹೋರಾಡಲು ಇಡೀ ದೇಶವನ್ನೇ ಬಂದ್ ಮಾಡಿದ್ದರೂ ವೈರಸ್​ಗೆ ತುತ್ತಾದವರ ಸಂಖ್ಯೆ ಮಾತ್ರ ಕಡಿಮೆಯಾಗಿಲ್ಲ. ಹಾಗೆ ಸ್ಪ್ಯಾನಿಷ್ ಪ್ರಧಾನಿ ಪೆಡ್ರೊ ಸ್ಯಾಂಚೆಝ್​ ಅವರ ಪತ್ನಿ ಬೆಗೊನಾ ಗೊಮೆಜ್​ ಅವರಿಗೂ ಕೊರೊನಾ ಸೋಂಕು​ ತಗುಲಿದೆ.

ಬೆಗೊನಾ ಗೊಮೆಜ್​ ಅವರ ಸೋಂಕು ಪರೀಕ್ಷಾ ವರದಿ ಪಾಸಿಟಿವ್​ ಬಂದಿದ್ದು, ಅವರನ್ನು ಪ್ರತ್ಯೇಕವಾಗಿರಿಸಿ ಚಿಕಿತ್ಸೆ ನೀಡುತ್ತಿರುವುದಾಗಿ ಪ್ರಧಾನಿ ಕಚೇರಿಯು ಮಾಹಿತಿ ನೀಡಿದೆ.

ಇದುವರೆಗೆ ಸ್ಪೇನ್​ನಲ್ಲಿ 6,391 ಜನರಲ್ಲಿ ಕೊರೊನಾ ಪತ್ತೆಯಾಗಿದೆ. ಈ ಮಹಾಮಾರಿಯಿಂದ 517 ಜನ ಚೇತರಿಸಿಕೊಂಡಿದ್ದರೆ, 196 ಮಂದಿ ಬಲಿಯಾಗಿದ್ದಾರೆ.