ರಷ್ಯಾದಲ್ಲಿ ಆತ್ಮಾಹುತಿ ಬಾಂಬ್ ದಾಳಿ: ಆರು ಅಧಿಕಾರಿಗಳಿಗೆ ಗಾಯ..!

ರಷ್ಯಾದ ಭದ್ರತಾ ಸಂಸ್ಥೆಯ ಸ್ಥಳೀಯ ಕಚೇರಿಯ ಬಳಿ ಆತ್ಮಾಹುತಿ ಬಾಂಬ್ ದಾಳಿ ನಡೆದಿದ್ದು, ಘಟನೆಯಲ್ಲಿ ಆರು ಮಂದಿ ಕಾನೂನು ಜಾರಿ ಅಧಿಕಾರಿಗಳು ಗಾಯಗೊಂಡಿದ್ದಾರೆ.

ರಷ್ಯಾ: ಇಡೀ ಜಗತ್ತು ಕೊರೊನಾ ವಿರುದ್ಧ ಸಮರ ಸಾರಿ ಹೋರಾಡುತ್ತಿದೆ. ಆದ್ರೆ ಭಯೋತ್ಪಾದಕರು ತಮ್ಮ ಕೃತ್ಯಗಳನ್ನು ಎಗ್ಗಿಲ್ಲದೇ ನಡೆಸುತ್ತಿದ್ದು, ಇದಕ್ಕೆ ಸಾಕ್ಷಿ ಎಂಬಂತೆ ರಷ್ಯಾದ ಭದ್ರತಾ ಸಂಸ್ಥೆಯ ಸ್ಥಳೀಯ ಕಚೇರಿಯ ಬಳಿ ಆತ್ಮಾಹುತಿ ಬಾಂಬ್ ದಾಳಿ ನಡೆದಿದೆ.

ಆತ್ಮಾಹುತಿ ಬಾಂಬರ್​​ ಒಬ್ಬ ತನ್ನನ್ನು ತಾನು ಸ್ಫೋಟಿಸಿಕೊಂಡಿದ್ದು, ಆರು ಮಂದಿ ರಷ್ಯಾದ ಕಾನೂನು ಜಾರಿ ಅಧಿಕಾರಿಗಳು ಗಾಯಗೊಂಡಿದ್ದಾರೆ.

ಭಯೋತ್ಪಾದಕರನ್ನು ಬಂಧಿಸಲು ಪ್ರಯತ್ನಿಸಿದ ನಂತರ, ಆತ ತಾನೇ ಬಾಂಬ್​ ಸ್ಫೋಟಿಸಿಕೊಂಡಿದ್ದಾನೆ ಎಂದು ರಾಷ್ಟ್ರೀಯ ಭಯೋತ್ಪಾದನಾ ವಿರೋಧಿ ಸಮಿತಿಯ ವಕ್ತಾರ ನಿಕೊಲಾಯ್ ಮ್ಯಾಕ್ಸಿಮೊವ್ ತಿಳಿಸಿದ್ದಾರೆ.

ರಷ್ಯಾದ ಉಚ್ಕೆಕೆನ್​​​ನಲ್ಲಿರುವ ಫೆಡರಲ್ ಸೆಕ್ಯುರಿಟಿ ಸರ್ವಿಸ್ ಕಟ್ಟಡದ ಹೊರಗೆ ಈ ಸ್ಫೋಟ ಸಂಭವಿಸಿದೆ ಎಂದು ರಷ್ಯಾದ ಭಯೋತ್ಪಾದನಾ ವಿರೋಧಿ ಸಮಿತಿ ಪ್ರಕಟಣೆಯಲ್ಲಿ ತಿಳಿಸಿದೆ.