ಕೀವ್(ಉಕ್ರೇನ್):ರಷ್ಯಾ-ಉಕ್ರೇನ್ ನಡುವಿನ ಸಂಘರ್ಷ ತಾರಕ್ಕೇರಿದ್ದು, ಈಗಾಗಲೇ ನೂರಾರು ಅಮಾಯಕರು ತಮ್ಮ ಪ್ರಾಣ ಕಳೆದುಕೊಂಡಿದ್ದಾರೆ. ಇದರ ಮಧ್ಯೆ ಉಕ್ರೇನ್ ರಕ್ಷಣೆಗಾಗಿ ಸ್ವಯಂಪ್ರೇರಿತರಾಗಿ ಸಾವಿರಾರು ಜನರು ಕೈಯಲ್ಲಿ ಗನ್ ಹಿಡಿದು, ರಷ್ಯಾ ಮಿಲಿಟರಿ ದಾಳಿ ಎದುರಿಸುತ್ತಿದ್ದಾರೆ. ಇದೀಗ ಬಾಕ್ಸಿಂಗ್ ಮಾಜಿ ವಿಶ್ವ ಚಾಂಪಿಯನ್ ವಿಟಾಲಿ ಕ್ಲಿಟ್ಸ್ಕೊ ಹಾಗೂ ಆತನ ಸಹೋದರ ಒಲಿಂಪಿಕ್ ಚಿನ್ನದ ಪದಕ ವಿಜೇತ ವ್ಲಾಡಿಮಿರ್ ಕ್ಲಿಟ್ಸ್ಕೊ ಮಿಲಿಟರಿ ಪಡೆ ಸೇರಿದ್ದಾರೆ.
ರಷ್ಯಾ ಮಿಲಿಟರಿ ದಾಳಿಯಿಂದ ತನ್ನ ದೇಶ ರಕ್ಷಣೆ ಮಾಡುವ ಉದ್ದೇಶದಿಂದ ಇಬ್ಬರು ಸಹೋದರರು ಇದೀಗ ಯುದ್ಧಭೂಮಿಗೆ ತೆರಳಿದ್ದು, ದೇಶದ ರಕ್ಷಣೆಗಾಗಿ ಮೆಷಿನ್ ಗನ್ ಲೋಡ್ ಮಾಡುತ್ತಿದ್ದಾರೆ. ಇದರ ಕೆಲವೊಂದು ಫೋಟೋ ಇದೀಗ ವೈರಲ್ ಆಗಿವೆ. ಉಕ್ರೇನ್ ಮಿಲಿಟರಿ ಪಡೆಯೊಂದಿಗೆ ಕೈ ಜೋಡಿಸಿರುವ ಇಬ್ಬರು ತಮ್ಮ ಕೈಲಾದ ಸಹಾಯ ಮಾಡ್ತಿದ್ದಾರೆ.