ಲಂಡನ್:ರಾಜಕುಮಾರ ಹ್ಯಾರಿ ಮತ್ತು ಅವರ ಪತ್ನಿ ಮೇಘನ್, ಬ್ರಿಟಿಷ್ ತೆರಿಗೆ ಪಾವತಿದಾರರಿಗೆ 2.4 ಮಿಲಿಯನ್ ಪೌಂಡ್ (3.2 ಮಿಲಿಯನ್ ಯುಎಸ್ಡಿ) ಹಣವನ್ನು ಹಿಂದಿರುಗಿಸಿದ್ದಾರೆ. ಈ ಹಣವನ್ನು ಯುಕೆಯಲ್ಲಿರುವ ಮನೆಯನ್ನು ನವೀಕರಿಸಲು ಬಳಸಿಕೊಳ್ಳಲಾಗಿತ್ತು. ಆದರೆ ಜನವರಿಯಲ್ಲಿ ಅವರು ಘೋಷಣೆ ಮಾಡಿದಂತೆ ರಾಯಲ್ ಜೀವನ ತ್ಯಜಿಸಲು ಮುಂದಾಗಿದ್ದು, ಕ್ಯಾಲಿಫೋರ್ನಿಯಾಗೆ ತೆರಳುತ್ತಿದ್ದಾರೆ.
ಲಂಡನ್‌ನ ಪಶ್ಚಿಮಕ್ಕೆ ಇರುವ ವಿಂಡ್‌ಸರ್ ಕ್ಯಾಸಲ್‌ನ ಮೈದಾನದಲ್ಲಿರುವ ಫ್ರಾಗ್ಮೋರ್ ಕಾಟೇಜ್‌ನ ನವೀಕರಣ ದುಬಾರಿ ಎಂದು ಈ ಹಿಂದೆ ಕೆಲ ಬ್ರಿಟಿಷ್ ಮಾಧ್ಯಮಗಳು ಟೀಕಿಸಿದ್ದವು. ಪ್ರಿನ್ಸ್ ಹ್ಯಾರಿ ಮತ್ತು ಅಮೆರಿಕಾದ ಮಾಜಿ ನಟಿ ಮೇಘನ್ ತಮ್ಮಷ್ಟಕ್ಕೇ ಹೊಸ ವೃತ್ತಿ ಜೀವನವನ್ನು ರೂಪಿಸಿಕೊಳ್ಳಲು ಮತ್ತು ಹೆಚ್ಚಿನ ಆರ್ಥಿಕ ಸ್ವಾತಂತ್ರ್ಯವನ್ನು ಪಡೆಯಲು ಪ್ರಯತ್ನಿಸುತ್ತಿದ್ದಾರೆ. ಈ ಹಿನ್ನೆಲೆಯಲ್ಲಿ ಸಾರ್ವಜನಿಕ ಹಣವನ್ನು ಮರುಪಾವತಿ ಮಾಡಿದ್ದಾರೆ. ಇನ್ನು ಸ್ಟ್ರೀಮಿಂಗ್ ಪ್ಲಾಟ್‌ಫಾರ್ಮ್‌ನಲ್ಲಿ ಪಾಲ್ಗೊಳ್ಳಲು ನೆಟ್‌ಫ್ಲಿಕ್ಸ್‌ನೊಂದಿಗೆ ಒಪ್ಪಂದಕ್ಕೆ ಸಹಿ ಹಾಕಿದ್ದೇವೆ ಎಂದು ಅವರು ಕಳೆದ ವಾರ ಘೋಷಿಸಿದ್ದರು.