ಬ್ರಸೆಲ್ಸ್(ಬೆಲ್ಜಿಯಂ): 28 ಸದಸ್ಯ ರಾಷ್ಟ್ರಗಳನ್ನು ಹೊಂದಿದ್ದ ಐರೊಪ್ಯ ಒಕ್ಕೂಟದಿಂದ ಯುನೈಟೆಡ್ ಕಿಂಗ್ಡಮ್(ಬ್ರಿಟನ್) ನಿರ್ಗಮಿಸಿದೆ. ಬುಧವಾರ ಬ್ರಸೆಲ್ಸ್ನಲ್ಲಿರುವ ಯುರೋಪಿಯನ್ ಒಕ್ಕೂಟದ ಸಂಸತ್ತಿನಲ್ಲಿ ಬ್ರಿಟನ್ ರಾಷ್ಟ್ರವನ್ನು ಒಲ್ಲದ ಮನಸ್ಸಿನಿಂದ ಹೊರ ಕಳುಹಿಸಲಾಯಿತು.
ಬ್ರಸೆಲ್ಸ್ ಸಂಸತ್ತಿನಲ್ಲಿ ಭಾವನಾತ್ಮಕ ಸನ್ನಿವೇಶ 28 ಸದಸ್ಯ ರಾಷ್ಟ್ರಗಳನ್ನು ಹೊಂದಿದ್ದ ಐರೊಪ್ಯ ಒಕ್ಕೂಟದಿಂದ ಬ್ರಿಟನ್ ನಿರ್ಗಮನದೊಂದಿಗೆ ಒಕ್ಕೂಟದ ಸದಸ್ಯರ ಸಂಖ್ಯೆ ಕಡಿಮೆಯಾದಂತಾಗಿದೆ. ಇದು ಮುಂದಿನ ವರ್ಷಗಳಲ್ಲಿ ಕಠಿಣ ವ್ಯಾಪಾರ ಮಾತುಕತೆಗಳಿಗೂ ನಾಂದಿ ಹಾಡಿತು.
ಬ್ರಸೆಲ್ಸ್ ಸಂಸತ್ತಿನಲ್ಲಿ ಭಾವನಾತ್ಮಕ ಸನ್ನಿವೇಶ ಬ್ರಸೆಲ್ಸ್‌ನಲ್ಲಿ ನಡೆದ ಭಾವನಾತ್ಮಕ ಆವೇಶದ ಅಧಿವೇಶನದಲ್ಲಿ, ಎಲ್ಲಾ 28 ಐರೊಪ್ಯ ಒಕ್ಕೂಟ ದೇಶಗಳ ಶಾಸಕರು ತಮ್ಮ ಪ್ರೀತಿ ಮತ್ತು ದುಃಖವನ್ನು ತೋರ್ಪಡಿಸಿದರು. ಸಂಸತ್ತಿನಲ್ಲಿ ವಿದಾಯ ಗೀತೆ ಮೊಳಗಿದ ಸಂದರ್ಭದಲ್ಲಿ ಹಲವರು ಅಳುತ್ತಿದ್ದ ಸನ್ನಿವೇಶವೂ ಸೃಷ್ಟಿಯಾಗಿತ್ತು.
ಬ್ರಸೆಲ್ಸ್ ಸಂಸತ್ತಿನಲ್ಲಿ ಭಾವನಾತ್ಮಕ ಸನ್ನಿವೇಶ 47 ವರ್ಷಗಳ ಸುದೀರ್ಘ ಸದಸ್ಯತ್ವದ ನಂತರ ಬ್ರಿಟನ್ ಐರೊಪ್ಯ ಒಕ್ಕೂಟವನ್ನು ತೊರೆಯುತ್ತಿದೆ. ಇದು ಐರೊಪ್ಯ ಒಕ್ಕೂಟ ತೊರೆದ ಮೊದಲ ದೇಶವಾಗಿದ್ದು, ಈ ಮೂಲಕ ಒಕ್ಕೂಟದ ಸದಸ್ಯ ರಾಷ್ಟ್ರಗಳ ಸಂಖ್ಯೆ 27ಕ್ಕೆ ಇಳಿದಿದೆ.
