73 ನೇ ವಿಶ್ವ ಆರೋಗ್ಯ ಸಭೆಯ ಅಧ್ಯಕ್ಷೆಯಾಗಿ ಕೆವಾ ಬೈನ್ ಆಯ್ಕೆ

73 ನೇ ವಿಶ್ವ ಆರೋಗ್ಯ ಸಂಸ್ಥೆಯ ಪ್ರಮುಖ ನಿರ್ಧಾರಗಳನ್ನು ಕೈಗೊಳ್ಳಲಾಗುವ ವಿಶ್ವ ಆರೋಗ್ಯ ಸಭೆಯ ಅಧ್ಯಕ್ಷರಾಗಿ ಬಹಾಮಾಸ್‌ನ ಯುಎನ್​ ಕಾಯಂ ಪ್ರತಿನಿಧಿ ಕೆವಾ ಬೈನ್ ಆಯ್ಕೆಯಾಗಿದ್ದಾರೆ.

ಜಿನೆವಾ:ಬಹಾಮಾಸ್‌ನ ವಿಶ್ವಸಂಸ್ಥೆ ಕಾಯಂ ಪ್ರತಿನಿಧಿ ಕೆವಾ ಬೈನ್ 73 ನೇ ವಿಶ್ವ ಆರೋಗ್ಯ ಸಭೆ (ಡಬ್ಲ್ಯುಹೆಚ್‌ಎ)ಯ ಅಧ್ಯಕ್ಷೆಯಾಗಿ ಆಯ್ಕೆಯಾಗಿದ್ದಾರೆ.

ಈ ಬಗ್ಗೆ ಟ್ವೀಟ್​ ಮಾಡಿದ ಡಬ್ಲ್ಯುಎಚ್‌ಒ, 73 ನೇ ವಿಶ್ವ ಆರೋಗ್ಯ ಸಭೆಯ ಅಧ್ಯಕ್ಷರಾಗಿ ಯುಎನ್‌ಗೆ ಬಹಾಮಾಸ್‌ನ ಕಾಯಂ ಪ್ರತಿನಿಧಿಯಾಗಿರುವ ಕೆವಾ ಬೈನ್ ಅವರನ್ನು ಆಯ್ಕೆ ಮಾಡಲಾಗಿದೆ ಎಂದಿದೆ. ವಿಶ್ವ ಆರೋಗ್ಯ ಸಭೆಯಲ್ಲಿ (ಡಬ್ಲ್ಯುಹೆಚ್‌ಎ) ಡಬ್ಲ್ಯೂ ಹೆಚ್​ಓ ಸಂಬಂಧಿತ ಪ್ರಮುಖ ನಿರ್ಧಾರಗಳನ್ನು ತೆಗೆದುಕೊಳ್ಳಲಾಗುತ್ತದೆ. ಪ್ರಸ್ತುತ ಕೊರೊನಾ ವೈರಸ್​​ ಜಗತ್ತನ್ನು ಆವರಿಸಿರುವ ಹಿನ್ನೆಲೆ ಈ ಸಭೆ ಮಹತ್ವ ಪಡೆದುಕೊಂಡಿದೆ.

ಆಧ್ಯಕ್ಷೆಯಾಗಿ ಆಯ್ಕೆಯಾದ ಬಳಿಕ ಮಾತನಾಡಿದ ಕೆವಾ ಬೈನ್, ಕೊರೊನಾ ವೈರಸ್​ ವಿರುದ್ಧದ ಹೋರಾಟದಲ್ಲಿ ವಿಶ್ವ ಆರೋಗ್ಯ ಸಂಸ್ಥೆಯ ನಿರ್ಧಾರ ಅಚಲವಾಗಿರಬೇಕು. ಜನರ ಜೀವ ಕಾಪಾಡುವ ನಿಟ್ಟಿನಲ್ಲಿ ಅದನ್ನು ಸರಿದೂಗಿಸಿಕೊಂಡು ಹೋಗಬೇಕು ಎಂದಿದ್ದಾರೆ.