ಲಂಡನ್ : ವಿದೇಶಾಂಗ ವ್ಯವಹಾರಗಳ ಸಚಿವ ಎಸ್.ಜೈಶಂಕರ್ ಅವರು ಮುಂದಿನ ವಾರ ನಡೆಯಲಿರುವ ಕೊರೊನಾ ಸಾಂಕ್ರಾಮಿಕದ ಬಳಿಕ ಜಗತ್ತಿನ ದೃಷ್ಟಿಕೋನ ಎಂಬ ಇಂಡಿಯಾ ಗ್ಲೋಬಲ್ ವೀಕ್ ಶೃಂಗಸಭೆಯ ನೇತೃತ್ವ ವಹಿಸಲಿದ್ದು, ಇದು ಭಾರತದ ಜಾಗತೀಕರಣದ ಅತಿ ದೊಡ್ಡ ಅಂತಾರಾಷ್ಟ್ರೀಯ ಸಮಾವೇಶಗಳಲ್ಲಿ ಒಂದಾಗಿದೆ.
#BeTheRevival 'ಭಾರತ ಮತ್ತು ಉತ್ತಮ ಹೊಸ ಪ್ರಪಂಚ' ಎಂಬ ಘೋಷವಾಕ್ಯದಡಿ ಜುಲೈ 9 ಮತ್ತು 11 ರ ನಡುವೆ ಮೂರು ದಿನಗಳ ಕಾಲ ಈ ಸಮಾವೇಶ ನಡೆಯಲಿದೆ. ಸಮಾವೇಶದಲ್ಲಿ ಭಾರತವು ಜಗತ್ತಿಗೆ ನೀಡಬೇಕಾದ ವ್ಯಾಪಾರ, ಕಾರ್ಯತಂತ್ರ ಮತ್ತು ಸಾಂಸ್ಕೃತಿಕ ಅವಕಾಶಗಳನ್ನು ಅನ್ವೇಷಿಸಲು ಮತ್ತು ಕೋವಿಡ್ -19 ನಿಂದ ಜಾಗತಿಕವಾಗಿ ಎದುರಾಗಿರುವ ಸವಾಲುಗಳ ಕುರಿತು ಚರ್ಚಿಸಲು ಒಂದು ವೇದಿಕೆಯಾಗಲಿದೆ.
ಯುಕೆ ಮೂಲದ ಮೀಡಿಯಾ ಹೌಸ್ ಇಂಡಿಯಾ ಐಎನ್ಸಿ ಗ್ರೂಪ್ ಈ ವೆಬ್‌ನಾರ್‌ ಆಯೋಜಿಸುತ್ತಿದೆ. ಸಮಾವೇಶದಲ್ಲಿ ಜಿಯೋಪಾಲಿಟಿಕ್ಸ್, ವ್ಯವಹಾರ, ಸಂಸ್ಕೃತಿ ಮತ್ತು ಕಲೆ, ಉದಯೋನ್ಮುಖ ತಂತ್ರಜ್ಞಾನಗಳು, ಬ್ಯಾಂಕಿಂಗ್ ಮತ್ತು ಫೈನಾನ್ಸ್, ಫಾರ್ಮಾ, ರಕ್ಷಣಾ ಮತ್ತು ಭದ್ರತೆ, ಸಾಮಾಜಿಕ ಪರಿಣಾಮ ಮತ್ತು ಭಾರತೀಯ ವಲಸೆಗಾರರ ಪ್ರಭಾವದ ಕುರಿತು ವಿವಿಧ ಚರ್ಚಾಗೋಷ್ಠಿಗಳು ನಡೆಯಲಿವೆ.