ಸಿಂಗಾಪುರ: ಕೊರೊನಾ ಸೋಂಕು ಜಗತ್ತನ್ನು ಮನೆಯಲ್ಲೇ ಕೂಡಿ ಹಾಕಿದ್ದು, ಟೈಂ ಪಾಸ್ ಮಾಡೋಕೆ ಜನ ಪೋರ್ನ್ ಸೈಟ್ಗಳ ಮೊರೆ ಹೋಗಿದ್ದಾರೆ. ಎಲ್ಲಿಯವರೆಗೆ ಅಂದ್ರೆ ಲಾಕ್ಡೌನ್ ಮುಂಚೆ ಶೇ. 20ರೊಳಗಿದ್ದ ಅಶ್ಲೀಲ ಚಿತ್ರಗಳ ವೀಕ್ಷಣೆ ಇದೀಗ ಶೇ. 95ಕ್ಕೇರಿದೆ.
ಲಾಕ್ಡೌನ್ ಆರಂಭವಾಗುತ್ತಿದ್ದಂತೆ, ದೇಶದಲ್ಲಿ ಕಾಂಡೋಮ್ ಖರೀದಿ ಹೆಚ್ಚಳವಾಗಿತ್ತು. ಆ ಬಳಿಕ ಮನೆಯಲ್ಲೇ ಕುಳಿತು ಸಮಯ ಹರಣ ಮಾಡಲು ಹೆಣಗಾಡುತ್ತಿರುವ ಜನ ಸೆಕ್ಸ್ ವಿಡಿಯೋಗಳ ಮೊರೆ ಹೋಗಿದ್ದಾರೆ. ಇದರ ಪರಿಣಾಮವೇ ಶೇ. 20ರಷ್ಟಿದ್ದ ಪೋರ್ನ್ ವೀಕ್ಷಣೆ, ಇದೀಗ ಶೇ. 95ಕ್ಕೇರಿದೆ.
ವಿಶೇಷವೆಂದರೆ ಲಾಕ್ಡೌನ್ನ ಅಧಿಕೃತ ಆದೇಶದ ಮೊದಲೇ ಭಾರತದಲ್ಲಿ ಈ ಅಶ್ಲೀಲ ಚಿತ್ರಗಳ ವೀಕ್ಷಣೆ 20% ದಷ್ಟು ಹೆಚ್ಚಳವಾಗಿದೆ ಎಂದು ಅಂಕಿ-ಅಂಶಗಳು ತಿಳಿಸಿದೆ. ಅಂದರೆ ಜನರು ಆ ಮುಂಚಿತವಾಗಿಯೇ ಲಾಕ್ಡೌನ್ಗೆ ತಯಾರಾಗಿದ್ದು, ಮನೆಯಲ್ಲೇ ಮನರಂಜನೆಗೆ ಸಿದ್ಧರಾಗಿರುವುದು ಇದರಿಂದ ಸ್ಪಷ್ಟವಾಗುತ್ತದೆ.
ವಿಶ್ವದ ಅತಿ ದೊಡ್ಡ ಪೋರ್ನ್ ಸೈಟ್, ಪೋರ್ನ್ ಹಬ್ ಬಿಡುಗಡೆ ಮಾಡಿರುವ ಮಾಹಿತಿ ಪ್ರಕಾರ, ಲಾಕ್ಡೌನ್ ಸಮಯದಲ್ಲಿ ಭಾರತ, ಫ್ರಾನ್ಸ್, ಜರ್ಮನಿ, ಇಟಲಿ, ರಷ್ಯಾ, ದಕ್ಷಿಣ ಕೊರಿಯಾ, ಸ್ಪೇನ್, ಅಮೆರಿಕಾ ಸೇರಿ ಬಹುತೇಕ ರಾಷ್ಟ್ರಗಳಲ್ಲಿ ಬ್ಲ್ಯೂ ಫಿಲ್ಮ್ ವೀಕ್ಷಣೆ ಹೆಚ್ಚಿದೆ.
ಮಾರ್ಚ್ 17ಕ್ಕೆ ಅಧಿಕೃತ ಲಾಕ್ಡೌನ್ ಆದೇಶ ಹೊರಬಿದ್ದ ಬಳಿಕ ಫ್ರಾನ್ಸ್ನಲ್ಲಿ ಶೇ, 40ರಷ್ಟು ನೀಲಿಚಿತ್ರ ವೀಕ್ಷಣೆ ಹೆಚ್ಚಿದೆ. ಜರ್ಮನಿಯಲ್ಲಿ ಲಾಕ್ಡೌನ್ ವೇಳೆ ಶೇ. 25, ಇಟಲಿಯಲ್ಲಿ 55ಶೇ. ರಷ್ಯಾದಲ್ಲಿ ಶೇ. 56, ಸ್ಪೇನ್ನಲ್ಲಿ ಶೇ. 60ರಷ್ಟು ಅಶ್ಲೀಲ ಚಿತ್ರ ವೀಕ್ಷಣೆ ಹೆಚ್ಚಿದೆ ಎಂದು ಪೋರ್ನ್ ಹಬ್ ಅಂಕಿ-ಅಂಶಗಳು ಹೇಳಿದೆ.
