ಪ್ಯಾರಿಸ್: ಯುರೋಪ್-ಜಪಾನ್ ಜೊತೆಯಾಗಿ ಅಭಿವೃದ್ಧಿಪಡಿಸಿರುವ ಬೆಪಿಕೊಲೊಂಬೊ ಬಾಹ್ಯಾಕಾಶ ನೌಕೆ ಸೂರ್ಯನ ಸಮೀಪವಿರುವ ಬುಧ ಗ್ರಹದ ಮೊದಲ ಚಿತ್ರಗಳನ್ನು ಭೂಮಿಗೆ ಕಳುಹಿಸಿದೆ ಎಂದು ಯುರೋಪಿಯನ್ ಬಾಹ್ಯಾಕಾಶ ಸಂಸ್ಥೆ ಶನಿವಾರ ತಿಳಿಸಿದೆ.
ಇದು ಸೂರ್ಯನ ಸಮೀಪದ ಬುಧ ಗ್ರಹ: ಉಡ್ಡಯನದ 3 ವರ್ಷಗಳ ಬಳಿಕ ಬಾಹ್ಯಾಕಾಶ ನೌಕೆ ಕಳುಹಿಸಿದ ಚಿತ್ರ
ಯುರೋಪ್-ಜಪಾನ್ ಜಂಟಿಯಾಗಿ ಅಭಿವೃದ್ಧಿಪಡಿಸಿ ಅಂತರಿಕ್ಷಕ್ಕೆ ಕಳುಹಿಸಿಕೊಟ್ಟಿದ್ದ ಬಾಹ್ಯಾಕಾಶ ನೌಕೆಯು ಸೂರ್ಯನ ಸಮೀಪಕ್ಕೆ ಇರುವ ಬುಧ ಗ್ರಹದ ಕುರಿತ ಮೊದಲ ಚಿತ್ರಗಳನ್ನು ಭೂಮಿಗೆ ಕಳುಹಿಸಿದೆ.
Mercury
ಏರಿಯನ್‌-5 ರಾಕೆಟ್‌ ಮೂಲಕ ಮಾನವರಹಿತ ಉಪಗ್ರಹವನ್ನು ಉಡಾಯಿಸಿದ ಸುಮಾರು ಮೂರು ವರ್ಷಗಳ ನಂತರ ಈ ಚಿತ್ರಗಳನ್ನು ಪಡೆಯಲಾಗಿದೆ. ಬಾಹ್ಯಾಕಾಶ ನೌಕೆಗೆ ಜೋಡಿಸಲಾದ ಕ್ಯಾಮೆರಾಗಳು ಕಪ್ಪು-ಬಿಳುಪು ಬಣ್ಣದ ಚಿತ್ರಗಳನ್ನು ಒದಗಿಸಿದೆ ಎಂದು ಸಂಸ್ಥೆ ತಿಳಿಸಿದೆ.
'ನಾವು ಮೊದಲ ಚಿತ್ರಗಳನ್ನು ತರುವಲ್ಲಿ ಸ್ವಲ್ಪ ತಡವಾಗಿರಬಹುದು, ಆದರೆ ಬುಧ ಗ್ರಹದ ಬಗ್ಗೆ ಮತ್ತಷ್ಟು ಮಾಹಿತಿ ಕಲೆ ಹಾಕುತ್ತಿದ್ದೇವೆ' ಎಂದು ಬೆಪಿಕೊಲೊಂಬೊ ಟ್ವೀಟ್ ಮೂಲಕ ತಿಳಿಸಿದೆ.