ಉಕ್ರೇನ್​ನಲ್ಲಿ ಅಮೆರಿಕದ ಪ್ರಶಸ್ತಿ ಪುರಸ್ಕೃತ ಪತ್ರಕರ್ತ ಬ್ರೆಂಟ್‌ ರೆನೌಡ್‌ ಹತ್ಯೆ

ವಿಡಿಯೋ ವರದಿಗಾರರಾಗಿದ್ದ ಬ್ರೆಂಟ್‌ ರೆನೌಡ್‌ ಮಾನವೀಯ ಕಥೆಗಳ ನಿರ್ಮಾಣದ ಮೂಲಕ ಹೆಸರು ಮಾಡಿದ್ದರು. ಪೀಬಾಡಿ ಮತ್ತು ಡುಪಾಂಟ್' ಪ್ರಶಸ್ತಿ ವಿಜೇತರಾಗಿದ್ದರು.

ಕೀವ್ (ಉಕ್ರೇನ್​): ಯುದ್ಧ ಪೀಡಿತ ಉಕ್ರೇನ್​ನಲ್ಲಿ ಅಮೆರಿಕದ ಪ್ರಶಸ್ತಿ ಪುರಸ್ಕೃತ ಪತ್ರಕರ್ತ ಬ್ರೆಂಟ್‌ ರೆನೌಡ್‌ ಕೊಲೆಯಾಗಿದ್ದಾರೆ. ಉಕ್ರೇನ್​ನ ರಾಜಧಾನಿ ಕೀವ್​ ಹೊರವಲಯದ ಇರ್ಪಿನ್​ ಎಂಬಲ್ಲಿ ಅವರನ್ನು ಗುಂಡಿಟ್ಟು ಕೊಲೆ ಮಾಡಲಾಗಿದೆ ಎಂದು ಕೀವ್ ಪೊಲೀಸರು ತಿಳಿಸಿದ್ದಾರೆ.

ವಿಡಿಯೋ ವರದಿಗಾರರಾಗಿದ್ದ ಬ್ರೆಂಟ್‌ ರೆನೌಡ್‌ ಮಾನವೀಯ ಕಥೆಗಳ ನಿರ್ಮಾಣದ ಮೂಲಕ ಹೆಸರು ಮಾಡಿದ್ದರು. ಅವರು ಹತ್ಯೆಗೀಡಾದ ಸ್ಥಳದಲ್ಲಿ 'ದಿ ನ್ಯೂಯಾರ್ಕ್‌ ಟೈಮ್ಸ್‌'ನ ಗುರುತಿನ ಚೀಟಿ ಮತ್ತು ಅಮೆರಿಕದ ಪಾಸ್​ಪೋರ್ಟ್​​ ದೊರೆತಿದೆ. ಆದರೆ, ಪ್ರಸ್ತುತ ಅವರು ದಿ ನ್ಯೂಯಾರ್ಕ್‌ ಟೈಮ್ಸ್‌ ಪತ್ರಿಕೆಯಲ್ಲಿ ಇರಲಿಲ್ಲ ಎಂದು ವರದಿಯಾಗಿದೆ.

ಇದನ್ನೂ ಓದಿ:ಉಕ್ರೇನ್​ನಿಂದ ತಾತ್ಕಾಲಿಕವಾಗಿ ಭಾರತೀಯ ರಾಯಭಾರ ಕಚೇರಿ ಸ್ಥಳಾಂತರ

ಕೊಲೆಯಾದ ಬ್ರೆಂಟ್‌ ರೆನೌಡ್‌ 'ಪೀಬಾಡಿ ಮತ್ತು ಡುಪಾಂಟ್' ಪ್ರಶಸ್ತಿ ವಿಜೇತರಾಗಿದ್ದರು. ಇವರು ಕೊಲೆಯಾದ ಸ್ಥಳದಲ್ಲಿ ಇತರೆ ಪತ್ರಕರ್ತರು ಸಹ ಗಾಯಗೊಂಡಿದ್ದಾರೆ ಎನ್ನಲಾಗಿದೆ. ಕಾರಿನಲ್ಲಿ ಹೋಗುವಾಗ ಈ ಗುಂಡಿನ ದಾಳಿ ಮಾಡಲಾಗಿದೆ ಎಂದು ವರದಿಯಾಗಿದೆ.

ಇದನ್ನೂ ಓದಿ:ಉಕ್ರೇನ್​ನಲ್ಲಿ ರಷ್ಯಾ ದಾಳಿಗೆ 35 ಜನರು ಬಲಿ: ಅಮೆರಿಕದ ಪತ್ರಕರ್ತನಿಗೆ ಗುಂಡಿಟ್ಟು ಕೊಲೆ