ಇಂಗ್ಲೆಂಡ್​ನಲ್ಲಿ 'ಬಜಾಜ್ ಆಟೋ' ರಿಕ್ಷಾಗಳ ಕಾರುಬಾರು... ಮೊದಲ ಪ್ರಯಾಣ ಉಚಿತವಾಗಿ ನೀಡಿದ ಓಲಾ

ಸಿಲಿಕಾನ್ ಸಿಟಿ ಮೂಲದ ಓಲಾ ಟ್ಯಾಕ್ಸಿ ಸೇವೆಯು ಇಂಗ್ಲೆಂಡಿನ ಲಿವರ್‌ಪೂಲ್ ಸಿಟಿಯಲ್ಲಿ ತನ್ನ ಸೇವೆಯನ್ನು ಆರಂಭಿಸಿದೆ. ಭಾರತದಲ್ಲಿರುವಂತೆ ಓಲಾ ಆಟೋ ಸೇವೆ ಲಿವರ್‌ಪೂಲ್ ಸಿಟಿಗೂ ಲಭ್ಯವಾಗಿದೆ. ಭಾರತದ ಮಧ್ಯಮ ವರ್ಗದ ಜನಸಂಖ್ಯೆಯ ಬಹುದೊಡ್ಡ ಖಾಸಗಿ ಪಯಾಣದ ಅನುಭವವನ್ನು ಆಂಗ್ಲರಿಗೂ ಲಭ್ಯವಾಗಲಿದೆ.

ಲಂಡನ್​:ಭಾರತದ ನಗರ, ಅರೆ ನಗರದ ಆಂತರಿಕ ಹಾಗೂ ಗ್ರಾಮೀಣ ಪ್ರದೇಶದಲ್ಲಿ ವ್ಯಾಪಿಸಿಕೊಂಡ ಆಟೋ ರಿಕ್ಷಾ ಸೇವೆ ಇಲ್ಲಿನ ಜನಸಾಮಾನ್ಯರ ನಿತ್ಯ ಪಯಾಣದ ಜೀವನಾಡಿಯಾಗಿದ್ದು, ಇಂತಹದೆ ಸೇವೆ ನೀಡಲು ಬಜಾಜ್ ಆಟೋಗಳು ಇಂಗ್ಲಿಂಡ್​ನ ರಸ್ತೆಗೆ ಇಳಿದಿವೆ.

ಈಗಾಗಲೇ ಲಿವರ್‌ಪೂಲ್ ಸಿಟಿಯ ನಾಗರಿಕರು ಓಲಾ ಆಟೋ ಸೇವೆಯನ್ನು ಸ್ವಾಗತಿಸಿ, ಬಜಾಜ್ ಆಟೋ ರಿಕ್ಷಾ ಪ್ರಯಾಣಕ್ಕೆ ಸಂತಸ ವ್ಯಕ್ತಪಡಿಸಿದ್ದಾರೆ. ಸುಲಭ ಪ್ರಯಾಣ ಹಾಗೂ ಕಡಿಮೆ ದರ ಲಿವರ್‌ಪೂಲ್ ನಾಗರಿಕರ ಸಾರಿಗೆ ವ್ಯವಸ್ಥೆಗೆ ಮತ್ತಷ್ಟು ಸುಲಭವಾಗಿಸಿದೆ.

ಪ್ರಯಾಣಿಕರನ್ನು ಸೆಳೆಯಲು ಮೊದಲ ದಿನ ಸಂಪೂರ್ಣ ಉಚಿತ ಸೇವೆ ನೀಡಲಾಗಿತ್ತು. ಪ್ರಥಮ ಬಾರಿಗೆ ಓಲಾ ಆ್ಯಪ್ ಡೌನ್​ಲೋಡ್ ಮಾಡಿದ ಗ್ರಾಹಕರಿಗೆ ಶೇ 50ರಷ್ಟು ನೀಡಿದೆ. 2018ರಲ್ಲೇ ಇಂಗ್ಲೆಂಡ್‌ನ ಕಾರ್ಡಿಫ್, ಬ್ರಿಸ್ಟೋಲ್ ಸೇರಿದಂತೆ ಪ್ರಮುಖ ನಾಲ್ಕು ನಗರಗಳಲ್ಲಿ ಓಲಾ ಆಟೋ ಸೇವೆ ಆರಂಭಿಸಿದೆ. ಮುಂದಿನ ದಿನಗಳಲ್ಲಿ ಇಂಗ್ಲೆಂಡ್​ನ ಉತ್ತರ ಭಾಗಕ್ಕೂ ತನ್ನ ಸೇವೆ ವಿಸ್ತರಿಸುವ ಗುರಿ ಇರಿಸಿಕೊಂಡಿದೆ.

ಇಂಗ್ಲೆಂಡ್​ನ ಓಲಾ ವ್ಯವಸ್ಥಾಪಕ ನಿರ್ದೇಶಕ ಬೆನ್ ಲಿಗ್​ ಮಾತನಾಡಿ, ನಗರದ ನಿವಾಸಿಗಳೊಂದಿಗೆ ಪಯಾಣದ ಸಮಸ್ಯೆಗಳನ್ನು ಅರಿತು ಈ ಆಟೋ ರಿಕ್ಷಾ ಸೇವೆಗೆ ಚಾಲನೆ ನೀಡಿದ್ದೇವೆ. ನಮ್ಮ ಹೊಸ ತಂತ್ರಜ್ಞಾನದ ನೆರವಿನೊಂದಿಗೆ ಸ್ಥಳೀಯರ ಪಯಾಣದ ಸವಾಲುಗಳನ್ನು ನಿವಾರಿಸಲಿದ್ದೇವೆ ಎಂದರು.