ಇಂದು ಜಪಾನ್‌ನ ಫುಕುಶಿಮಾದಲ್ಲಿ 5.2 ತೀವ್ರತೆಯ ಭೂಕಂಪ

ಫುಕುಶಿಮಾ ಪ್ರಾಂತ್ಯದಲ್ಲಿ 4:13ರ ಸುಮಾರಿಗೆ ಭೂಕಂಪ ಸಂಭವಿಸಿದ್ದು, ಕೇಂದ್ರಬಿಂದುವು 50 ಕಿಲೋಮೀಟರ್ ಆಳದಲ್ಲಿದೆ. ಶನಿವಾರ ರಾತ್ರಿ ಫುಕುಶಿಮಾದಲ್ಲಿ 7.1 ತೀವ್ರತೆಯ ಭೂಕಂಪನ ಸಂಭವಿಸಿದೆ. ಭೂಕಂಪದಿಂದ 140 ಜನರು ಗಾಯಗೊಂಡಿದ್ದಾರೆ.

ಫುಕುಶಿಮಾ:ಜಪಾನ್‌ನ ಫುಕುಶಿಮಾ ಪ್ರಾಂತ್ಯದಲ್ಲಿ ಭಾನುವಾರ 5.2 ತೀವ್ರತೆಯ ಭೂಕಂಪ ಸಂಭವಿಸಿದೆ ಎಂದು ಜಪಾನ್ ಹವಾಮಾನ ಸಂಸ್ಥೆ ತಿಳಿಸಿದೆ.

ಏಜೆನ್ಸಿಯ ಪ್ರಕಾರ, ಸಂಜೆ 4:13ಕ್ಕೆ ಭೂಕಂಪವಾಗಿದೆ. (ಸ್ಥಳೀಯ ಸಮಯ 07:13 GMT) ಕೇಂದ್ರಬಿಂದುವು 50 ಕಿಲೋಮೀಟರ್ ಆಳದಲ್ಲಿದೆ ಎಂದು ತಿಳಿದುಬಂದಿದೆ. ಯಾವುದೇ ಸುನಾಮಿ ಎಚ್ಚರಿಕೆಯನ್ನು ನೀಡಿಲ್ಲ.

ಫುಕುಶಿಮಾ ಮತ್ತು ಮಿಯಾಗಿ ಪ್ರಾಂತ್ಯದಲ್ಲಿ 4 ಪಾಯಿಂಟ್​​ನಷ್ಟು ಕಂಪನವಾಗಿದೆ. ಶನಿವಾರ ರಾತ್ರಿ ಫುಕುಶಿಮಾದಲ್ಲಿ 7.1 ತೀವ್ರತೆಯ ಭೂಕಂಪನ ಸಂಭವಿಸಿದೆ. ಭೂಕಂಪದಿಂದ 140 ಜನರು ಗಾಯಗೊಂಡಿದ್ದಾರೆ. ಟೋಕಿಯೊದಲ್ಲಿಯೂ ಕೂಡ ಕಂಪನ ಉಂಟಾಗಿದೆ.