2016 ರ ಫ್ರಾನ್ಸ್​ ಭಯೋತ್ಪಾದಕ ದಾಳಿ: ಇಟಲಿಯಲ್ಲಿ ಶಂಕಿತ ದಾಳಿಕೋರ ಬಂಧನ

ಜುಲೈ 2016, 14 ರ ಗುರುವಾರ ಸಂಜೆ, ಫ್ರ್ಯಾಂಕೋ - ಟುನೇಷಿಯದ ಮೊಹಮದ್ ಲಹೌಆಯೇಜ್ ಬಾಹ್ಲೇಲ್, ಉದ್ದೇಶಪೂರ್ವಕವಾಗಿ ಒಂದು ಸರಕು ಟ್ರಕ್​ನ್ನು ಫ್ರಾನ್ಸ್ ವಾಯುವಿಹಾರ ಮಾರ್ಗವಾದ ಡೆಸ್ ಆಂಗ್ಲಯೀಸ್ ನ ಜನಸಂದಣಿಯ ಒಳಗೆ ಓಡಿಸಿದ್ದ.

ರೋಮ್: ಫ್ರಾನ್ಸ್‌ನ ನೀಸ್​​​‌ನಲ್ಲಿ 2016 ರಲ್ಲಿ ನಡೆದ ಭಯೋತ್ಪಾದಕ ದಾಳಿಯಲ್ಲಿ ಭಾಗಿಯಾಗಿದ್ದಾನೆ ಎನ್ನಲಾದ 28 ವರ್ಷದ ವ್ಯಕ್ತಿಯನ್ನು ಇಟಲಿ ಪೊಲೀಸರು ಬಂಧಿಸಿದ್ದಾರೆ ಎಂದು ತಿಳಿದುಬಂದಿದೆ.

ಜುಲೈ 2016, 14 ರ ಗುರುವಾರ ಸಂಜೆ, ಫ್ರ್ಯಾಂಕೋ - ಟುನೇಷಿಯದ ಮೊಹಮದ್ ಲಹೌಆಯೇಜ್ ಬಾಹ್ಲೇಲ್, ಉದ್ದೇಶಪೂರ್ವಕವಾಗಿ ಒಂದು ಸರಕು ಟ್ರಕ್​ನ್ನು ಫ್ರಾನ್ಸ್ ವಾಯುವಿಹಾರ ಮಾರ್ಗವಾದ ಡೆಸ್ ಆಂಗ್ಲಯೀಸ್​ನಲ್ಲಿ ಬ್ಯಾಸ್ಟಿಲ್ ಡೇ ಆಚರಿಸುತ್ತಿರುವ ಜನಸಂದಣಿಯ ಮೇಲೆ ಹರಿಸಿದ್ದ. ಈ ವೇಳೆ ಬರೋಬ್ಬರಿ 86 ಜನರು ಸಾವಿಗೀಡಾಗಿದ್ದರು. ಆ ಕ್ಷಣದಲ್ಲೇ ಲಾಹೌಯೆಜ್ ಬೌಹ್ಲೆಲ್​ನನ್ನು ಇಬ್ಬರು ಪೊಲೀಸ್ ಅಧಿಕಾರಿಗಳು ಗುಂಡಿಕ್ಕಿ ಕೊಂದಿದ್ದರು. ಈ ಸಂಬಂಧ ಈಗ ಬಂಧನವಾಗಿರುವ 28 ವರ್ಷದ ಅಲ್ಬೇನಿಯನ್ ವ್ಯಕ್ತಿ ದಾಳಿಕೋರನಿಗೆ ಶಸ್ತ್ರಾಸ್ತ್ರಗಳನ್ನು ಮಾರಾಟ ಮಾಡಿದ್ದಾನೆ ಎಂದು ಇಟಾಲಿಯನ್ ಮಾಧ್ಯಮಗಳು ವರದಿ ಮಾಡಿವೆ.

ನೀಸ್​ ದಾಳಿಯನ್ನು ತಾವೇ ನಡೆಸಿರುವುದಾಗಿ ಇಸ್ಲಾಮಿಕ್ ಸ್ಟೇಟ್ ಹೇಳಿಕೊಂಡಿತ್ತು. ಆದರೆ, ತನಿಖಾಧಿಕಾರಿಗಳು ಇದರ ಬಗ್ಗೆ ಶಂಸಯ ವ್ಯಕ್ತಪಡಿಸಿ ಅಭಿಪ್ರಾಯಗಳನ್ನು ಸಂಗ್ರಹಿಸಿದರು. ಆ ವೇಳೆ ಸಿಕ್ಕ ಮಾಹಿತಿ ಎಂದರೆ, ಆತ ಭಯೋತ್ಪಾದಕ ಗುಂಪಿನೊಂದಿಗೆ ಯಾವುದೇ ಸಂಬಂಧವನ್ನು ಹೊಂದಿರಲಿಲ್ಲ ಎಂಬ ಅಂಶ ಈಗ ಬಯಲಾಗಿದೆ.