ಕಠ್ಮಂಡು (ನೇಪಾಳ): ಬೈಕ್, ಕಾರು, ಬಸ್ ಕೆಟ್ಟಾಗ ನಾವು ಅದನ್ನು ತಳ್ಳಿ ಬಳಿಕ ಚಲಾಯಿಸುವುದನ್ನು ನೋಡಿರುತ್ತೇವೆ. ಆದರೆ ಕೆಟ್ಟು ನಿಂತ ವಿಮಾನವನ್ನ ಪ್ರಯಾಣಿಕರು ತಳ್ಳಿರುವ ಅಪರೂಪದಲ್ಲಿ ಅಪರೂಪದ ಘಟನೆ ನೇಪಾಳದಲ್ಲಿ ನಡೆದಿದೆ.
ನೇಪಾಳದ ಬಾಜುರಾ ವಿಮಾನ ನಿಲ್ದಾಣದಲ್ಲಿ ಲ್ಯಾಂಡ್ ಆದ ತಾರಾ ಏರ್‌ಲೈನ್ಸ್‌ಗೆ ಸೇರಿದ ವಿಮಾನದ ಟೈರ್ ಸ್ಫೋಟಗೊಂಡಿದೆ. ಹೀಗಾಗಿ, ವಿಮಾನಕ್ಕೆ ರನ್‌ವೇನಿಂದ ಮುಂದಕ್ಕೆ ಸಾಗಲು ಆಗಲಿಲ್ಲ. ಈ ವೇಳೆ ಪ್ರಯಾಣಿಕರೇ ಕೆಳಗಿಳಿದು ವಿಮಾನವನ್ನು ಮುಂದಕ್ಕೆ ತಳ್ಳಿದ್ದಾರೆ. ಇವರಿಗೆ ಭದ್ರತಾ ಸಿಬ್ಬಂದಿ ಕೂಡ ಸಾಥ್ ನೀಡಿದ್ದಾರೆ.