ಕಾಬೂಲ್ (ಅಫ್ಘಾನಿಸ್ತಾನ):ನಿನ್ನೆ ಅಫ್ಘಾನಿಸ್ತಾನ ತನ್ನ 102ನೇ ಸ್ವಾತಂತ್ರ್ಯ ದಿನವಾಗಿದ್ದು, ಇದರ ಪ್ರಯುಕ್ತ ತನ್ನ ಕಾರಿನ ಮುಂಭಾಗದ ವಿಂಡ್‌ಸ್ಕ್ರೀನ್‌ನಲ್ಲಿ ಅಫ್ಘನ್ ಧ್ವಜ ಪ್ರದರ್ಶಿಸಿದ ಯುವಕನನ್ನು ತಾಲಿಬಾನ್ ಉಗ್ರರು ಬಂಧಿಸಿದ್ದಾರೆ.
ಸಾಮಾಜಿಕ ಜಾಲತಾಣಗಳಲ್ಲಿ ವೈರಲ್ ಆಗಿರುವ ವಿಡಿಯೋದಲ್ಲಿ, ಧ್ವಜ ಕಾಣುತ್ತಿದ್ದಂತೆಯೇ ಯುವಕನ ಕಾರು ಅಡ್ಡಗಟ್ಟಿದ ಉಗ್ರರು, ಬಾವುಟವನ್ನು ಎಳದು ಬಿಸಾಕಿದ್ದಾರೆ. ಯುವಕನ ಕೈಗಳನ್ನು ಬೆನ್ನಿಗೆ ಕಟ್ಟಿ ಕರೆದೊಯ್ದಿರುವುದನ್ನು ಕಾಣಬಹುದಾಗಿದೆ.
ಇದನ್ನೂ ಓದಿ: ಭಾರತೀಯ ಕಾನ್ಸುಲೇಟ್ ಕಚೇರಿಗಳಿಗೆ ನುಗ್ಗಿ ಕಾರುಗಳನ್ನ ಹೊತ್ತೊಯ್ದ ತಾಲಿಬಾನ್
ಅಫ್ಘಾನಿಸ್ತಾನವನ್ನು ಸಂಪೂರ್ಣವಾಗಿ ತನ್ನ ಹಿಡಿತಕ್ಕೆ ತೆಗೆದುಕೊಂಡ ಬಳಿಕ ತಾಲಿಬಾನ್ ಉಗ್ರರು ಮನೆ - ಮನೆಗೆ ನುಗ್ಗಿ ರಾಷ್ಟ್ರೀಯ ಗುಪ್ತಚರ ಸಂಸ್ಥೆಯಾದ 'ರಾಷ್ಟ್ರೀಯ ಭದ್ರತಾ ನಿರ್ದೇಶನಾಲಯ' ಹಾಗೂ ಯುಎಸ್ ಮತ್ತು ನ್ಯಾಟೋ ಪಡೆಗಳೊಂದಿಗೆ ಕೆಲಸ ಮಾಡುತ್ತಿರುವ ಆಫ್ಘನ್‌ರನ್ನು ಪತ್ತೆ ಹಚ್ಚುತ್ತಿದೆ. ಸ್ವಾತಂತ್ರ್ಯ ದಿನದ ನಿಮಿತ್ತ ಧ್ವಜ ಹಿಡಿದು ಬಂದವರ ಮೇಲೆ ಹಾಗೂ ತಾಲಿಬಾನ್ ವಿರುದ್ಧ ಪ್ರತಿಭಟನೆ ನಡೆಸುತ್ತಿರುವವರ ಮೇಲೆ ಗುಂಡಿನ ದಾಳಿ ನಡೆಸುತ್ತಿದೆ.
