ಭಾರತೀಯ ಸೇನೆಯ ಆಕ್ರಮಣಕಾರಿ ನಿಲುವಿಗೆ ನಮ್ಮ ಸೇನೆಯಿಂದ ತಕ್ಕ ಉತ್ತರ: ಪಾಕ್​​​

ಭಾರತೀಯ ಸೇನೆಯ ತಪ್ಪು ಹಾಗೂ ಆಕ್ರಮಣಕಾರಿ ನಿಲುವಿಗೆ ಪಾಕ್​ ಸೇನೆ ತಕ್ಕ ಪ್ರತ್ಯುತ್ತರ ನೀಡಲಿದೆ ಎಂದು ಪಾಕಿಸ್ತಾನ ಹೇಳಿದೆ.

ಇಸ್ಲಾಮಾಬಾದ್:ಕಾಶ್ಮೀರದ ಗಡಿ ಭಾಗದಲ್ಲಿ ಪ್ರಸ್ತುತ ಪರಿಸ್ಥಿತಿ ಉದ್ವಿಗ್ನವಾಗಿದ್ದು, ಇಂದು ಪ್ರಧಾನಿ ಮೋದಿ ನೇತೃತ್ವದಲ್ಲಿ ಕೇಂದ್ರ ಸಚಿವ ಸಂಪುಟ ಸಭೆ ನಡೆಯಲಿದೆ. ಅತ್ತ ಭಾನುವಾರ ಸಭೆ ಸೇರಿದ್ದ ಪಾಕ್​​ ಭದ್ರತಾ ಸಮಿತಿ ಸದ್ಯದ ಘಟನಾವಳಿಗಳ ಬಗ್ಗೆ ಅವಲೋಕನ ಮಾಡಿದೆ.

ಪಾಕ್ ಪ್ರಧಾನಿ ಇಮ್ರಾನ್ ಖಾನ್ ನೇತೃತ್ವದಲ್ಲಿ ನಡೆದ ರಾಷ್ಟ್ರೀಯ ಭದ್ರತಾ ಸಮಿತಿ ಸಭೆಯ ಬಳಿಕ, ಭಾರತ ಸೇನೆ ಪಾಕಿಸ್ತಾನ ನಾಗರಿಕರ ಮೇಲೆ ಕ್ಲಸ್ಟರ್ ಬಾಂಬ್​​ಗಳ ಪ್ರಯೋಗ ಮಾಡಿದೆ ಎಂದು ಆರೋಪ ಮಾಡಿದೆ.

ಪಾಕಿಸ್ತಾನದ ರಾಷ್ಟ್ರೀಯ ಭದ್ರತಾ ಸಮಿತಿ ಸಭೆ

ಭಾರತೀಯ ಸೇನೆಯ ತಪ್ಪು ಹಾಗೂ ಆಕ್ರಮಣಕಾರಿ ನಿಲುವಿಗೆ ಪಾಕ್​ ಸೇನೆ ತಕ್ಕ ಪ್ರತ್ಯುತ್ತರ ನೀಡಲಿದೆ ಎಂದು ಪಾಕಿಸ್ತಾನ ಹೇಳಿದೆ.

ಪಾಕಿಸ್ತಾನದ ಆರೋಪವನ್ನು ತಳ್ಳಿ ಹಾಕಿರುವ ಭಾರತ, ಪಾಕ್​​ ಹೇಳಿಕೆ ಸಂಪೂರ್ಣ ಸುಳ್ಳಿನಿಂದ ಕೂಡಿದೆ. ಪಾಕಿಸ್ತಾನದ ನಾಗರಿಕರ ಮೇಲೆ ಸೇನೆ ದಾಳಿ ನಡೆಸಿಲ್ಲ ಎಂದು ಸ್ಪಷ್ಟನೆ ನೀಡಿದೆ.