ಮಾಜಿ ರಾಷ್ಟ್ರಪತಿ ನಿಧನ: ನೇಪಾಳ,ಶ್ರೀಲಂಕಾ,ಭೂತಾನ್, ಅಮೆರಿಕದಿಂದಲೂ ಸಂತಾಪ

ಮಾಜಿ ರಾಷ್ಟ್ರಪತಿ ಪ್ರಣಬ್​ ಮುಖರ್ಜಿ ನಿಧನರಾಗಿದ್ದು, ಅಮೆರಿಕ, ಶ್ರೀಲಂಕಾ ಸೇರಿ ವಿವಿಧ ರಾಷ್ಟ್ರದ ನಾಯಕರು ಸಂತಾಪ ಸೂಚಿಸಿದ್ದಾರೆ.

ನವದೆಹಲಿ:ಕಳೆದ ದಿನಗಳಿಂದ ದೀರ್ಘ ಕೋಮಾ ಸ್ಥಿತಿಯಲ್ಲಿದ್ದ ಮಾಜಿ ರಾಷ್ಟ್ರಪತಿ ಪ್ರಣಬ್​ ಮುಖರ್ಜಿ ನಿಧನವಾಗಿದ್ದು, ಇಡೀ ದೇಶವೇ ಸಂತಾಪ ಸೂಚಿಸಿದೆ. 84 ವರ್ಷದ ಭಾರತದ ರಾಜಕೀಯ ಮುತ್ಸದ್ದಿ, ಹಿರಿಯ ರಾಜಕಾರಣಿ ನಿಧನಕ್ಕೆ ವಿವಿಧ ದೇಶಗಳ ಮುಖಂಡರು ಟ್ವೀಟ್​ ಮೂಲಕ ಸಂತಾಪ ಸೂಚಿಸಿದ್ದಾರೆ.

ನೇಪಾಳ ಪ್ರಧಾನಿ ಕೆಪಿ ಶರ್ಮಾ ​ಒಲಿ ಟ್ವೀಟ್​ ಮಾಡಿದ್ದು, ಭಾರತದ ಮಾಜಿ ರಾಷ್ಟ್ರಪತಿ ಪ್ರಣಬ್ ಮುಖರ್ಜಿ ನಿಧನದಿಂದ​​ ನಾನು ತುಂಬಾ ದುಃಖಿತನಾಗಿದ್ದೇನೆ. ಅಲ್ಲಿನ ಸರ್ಕಾರ, ಭಾರತದ ಜನರಿಗೆ ಹಾಗೂ ದುಃಖಿತ ಕುಟುಂಬದ ಸದಸ್ಯರಿಗೆ ಹೃತ್ಪೂರ್ವಕ ಸಂತಾಪ ಎಂದಿದ್ದಾರೆ.

ಭೂತಾನ್ ಪ್ರಧಾನಿ ಲೋಟೇ ತ್ಸೆರಿಂಗ್​​​​​​​​​​ ಸಂತಾಪ ಸೂಚಿಸಿದ್ದು, ಭೂತಾನ್​ ಜನರ ಪರವಾಗಿ, ಭಾರತ ರತ್ನ ಶ್ರೀ ಪ್ರಣಬ್​​ ಮುಖರ್ಜಿ ಅವರ ನಿಧನಕ್ಕೆ ಆಳವಾದ ಸಂತಾಪ ಸೂಚಿಸುತ್ತೇನೆ. ಅವರ ಕುಟುಂಬಕ್ಕೆ ದೇವರು ನೋವು ಭರಿಸುವ ಶಕ್ತಿ ನೀಡಲಿ ಎಂದಿದ್ದಾರೆ.

ಶ್ರೀಲಂಕಾ ಅಧ್ಯಕ್ಷ ಮಹೇಂದ್​ ರಾಜಪಕ್ಸೆ ಕೂಡ ಟ್ವೀಟ್​ ಮಾಡಿದ್ದು, ಎಲ್ಲರಿಂದಲೂ ಪ್ರಿತಿಸಲ್ಪಡುವ ಭಾರತ ರತ್ನ, ಶ್ರೀ ಪಣಬ್​​ ಮುಖರ್ಜಿ ಓರ್ವ ಮುತ್ಸದ್ದಿ ಶ್ರೇಷ್ಠ ರಾಜಕಾರಣಿ, ಬರಹಗಾರ ಮತ್ತು ಎಲ್ಲರೂ ಪ್ರೀತಿಸುವ ವ್ಯಕ್ತಿ. ರಾಷ್ಟ್ರಕ್ಕೆ ಅವರ ಸೇವೆ ಅಪಾರ ಎಂದಿದ್ದಾರೆ.

ಯುಎಸ್​ ರಾಯಭಾರಿ ಕಚೇರಿ ಕೂಡ ಪ್ರಣಬ್​ ಮುಖರ್ಜಿ ನಿಧನಕ್ಕೆ ಸಂತಾಪ ಸೂಚಿಸಿದ್ದು, ಪ್ರಣಬ್​ ಮುಖರ್ಜಿ ಅವರ ಸಾವಿನ ಸುದ್ದಿ ಕೇಳಿ ಆಘಾತವಾಗಿದೆ. ಅವರ ಸುದೀರ್ಘವಾದ ಸಾರ್ವಜನಿಕ ಸೇವೆಯಲ್ಲಿ ಯುಎಸ್​​-ಇಂಡಿಯಾ ಸಂಬಂಧಕ್ಕೆ ಹೆಚ್ಚಿನ ಕೊಡುಗೆ ನೀಡಿದ್ದಾರೆ ಎಂದು ಕೆನ್​ ಜಸ್ಟರ್​ ಟ್ವೀಟ್​ ಮಾಡಿದ್ದಾರೆ.