ಜೈಷೆ ಸಂಘಟನೆಯ ಮೇಲೆ ಸರ್ಕಾರದ ಹಿಡಿತವಿಲ್ಲ.. ಪಾಕ್ ಮತ್ತೆ ಕಳ್ಳಾಟ!

ಲಾಹೋರ್​​ನಿಂದ 400ಕಿ.ಮೀ ದೂರದಲ್ಲಿರುವ ಬಹಾವಲ್ಪುರದಲ್ಲಿರುವ ಜೈಷೆ ಮುಖ್ಯಕಚೇರಿಯನ್ನು ಸರ್ಕಾರ ವಶಕ್ಕೆ ಪಡೆದಿದೆ ಎಂಬ ಮಾಹಿತಿಯನ್ನ ಸಚಿವ ಫವಾದ್ ಚೌಧರಿ ಗುರುವಾರ ಹೇಳಿದ್ದರು.

ಲಾಹೋರ್: ಪುಲ್ವಾಮಾ ಉಗ್ರದಾಳಿಯ ಬಳಿಕ ವಿಶ್ವದ ಒತ್ತಡಕ್ಕೆ ಮಣಿದು ಪಾಕ್ ಸರ್ಕಾರ ಜೈಷೆ ಮೊಹಮ್ಮದ್ ಸಂಘಟನೆಯನ್ನು ತನ್ನ ವಶಕ್ಕೆ ಪಡೆದಿದೆ ಎನ್ನುವ ವರದಿಗೆ ಈಗ ಇಮ್ರಾನ್‌ ಖಾನ್ ಸರ್ಕಾರ ಉಲ್ಟಾ ಹೊಡೆದಿದೆ.

ಸದ್ಯ ಈ ಹೇಳಿಕೆಯನ್ನು ಹಿಂಪಡೆದಿರುವ ಪಾಕ್ ಸಚಿವ, ನಮ್ಮ ಸರ್ಕಾರ ಜೈಷೆ ಸಂಘಟನೆಯ ಮೇಲೆ ಹಿಡಿತ ಸಾಧಿಸಿಲ್ಲ ಎಂದಿದ್ದಾರೆ.

ಇಸ್ಲಾಮಿಕ್ ಸೆಮಿನರೀಸ್​ನಲ್ಲಿ ಅಧ್ಯಯನ ನಡೆಸುತ್ತಿರುವ 600 ವಿದ್ಯಾರ್ಥಿಗಳಿಗೆ ಹಾಗೂ 70 ಶಿಕ್ಷಕರಿಗೆ ಸರ್ಕಾರ ಭದ್ರತೆ ನೀಡಿದೆ. ಈ ಸೆಮಿನರೀಸ್ ಹಾಗೂ ಜೈಷೆ ಸಂಘಟನೆಗೆ ಯಾವುದೇ ವಿಧವಾದ ಸಂಬಂಧವಿಲ್ಲ ಎಂದು ಸರ್ಕಾರಿ ಪ್ರಕಟಣೆಯಲ್ಲಿ ತಿಳಿಸಲಾಗಿದೆ.