ಪಾಕಿಸ್ತಾನ: ಟಿಎಲ್‌ಪಿ ಬೆಂಬಲಿಗರಿಂದ ಸರ್ಕಾರದ ವಿರೋಧಿ ಪ್ರತಿಭಟನೆ, ಆಂತರಿಕ ಸಚಿವರ ಮನೆಗೆ ಘೆರಾವ್!

ಸಚಿವ ಶೇಖ್ ರಶೀದ್ ಅಹ್ಮದ್ ನಿವಾಸದ ಹೊರಗೆ ನಿಷೇಧಿತ ತೆಹ್ರೀಕ್-ಇ-ಲ್ಯಾಬ್‌ಬೈಕ್ ಪಾಕಿಸ್ತಾನದ (ಟಿಎಲ್‌ಪಿ) ಬೆಂಬಲಿಗರು ಪ್ರತಿಭಟನೆ ನಡೆಸಿದರು.

ರಾವಲ್ಪಿಂಡಿ (ಪಾಕಿಸ್ತಾನ):ಫೆಡರಲ್ ಆಂತರಿಕ ಸಚಿವ ಶೇಖ್ ರಶೀದ್ ಅಹ್ಮದ್ ಅವರ ಲಾಲ್ ಹವೇಲಿ ಅವರ ನಿವಾಸದ ಹೊರಗೆ ರಾವಲ್ಪಿಂಡಿ ನಗರದಲ್ಲಿ ಸೋಮವಾರ ನಿಷೇಧಿತ ತೆಹ್ರೀಕ್-ಇ-ಲ್ಯಾಬ್‌ಬೈಕ್ ಪಾಕಿಸ್ತಾನದ (ಟಿಎಲ್‌ಪಿ) ಬೆಂಬಲಿಗರು ಪ್ರತಿಭಟನೆ ನಡೆಸಿದರು ಮತ್ತು ಅವರ ವಿರುದ್ಧ ಘೋಷಣೆಗಳನ್ನು ಕೂಗಿದ್ದಾರೆ.

ಭಾನುವಾರ, ಲಾಹೋರ್‌ನಲ್ಲಿ ಪೊಲೀಸರು ಟಿಎಲ್‌ಪಿ ವಿರುದ್ಧ ದೌರ್ಜನ್ಯ ನಡೆಸಿದ್ದು, ಇದರಲ್ಲಿ 3 ಜನರು ಸಾವನ್ನಪ್ಪಿದ್ದಾರೆ ಮತ್ತು ಅನೇಕರು ಗಾಯಗೊಂಡಿದ್ದಾರೆ.

ಏಪ್ರಿಲ್ 12ರಂದು ಲಾಹೋರ್‌ನಲ್ಲಿ ತಮ್ಮ ಮುಖ್ಯಸ್ಥ ಸಾದ್ ಹುಸೇನ್ ರಿಜ್ವಿ ಅವರನ್ನು ಬಂಧಿಸಿದ ಹಿನ್ನೆಲೆಯಲ್ಲಿ ಹಿಂಸಾತ್ಮಕ ಪ್ರತಿಭಟನೆಯ ನಂತರ ಟಿಎಲ್‌ಪಿಯನ್ನು ಪಾಕಿಸ್ತಾನ ಸರ್ಕಾರ ಇತ್ತೀಚೆಗೆ ನಿಷೇಧಿಸಿದೆ.

ತೆಹ್ರೀಕ್-ಇ-ಲ್ಯಾಬ್‌ಬೈಕ್ ಪಾಕಿಸ್ತಾನವು ಕಠಿಣ ಧಾರ್ಮಿಕ ಗುಂಪಾಗಿದ್ದು, ಪಾಕಿಸ್ತಾನದಾದ್ಯಂತ ಭಾರಿ ಅನುಸರಣೆ ಹೊಂದಿದೆ.