ಪಾಕಿಸ್ತಾನದಲ್ಲಿ ಕೋವಿಡ್​ ಸೋಂಕಿತರ ಸಂಖ್ಯೆ 1600ಕ್ಕೇರಿಕೆ..

ಪಾಕ್​ ಆಕ್ರಮಿತ ಕಾಶ್ಮೀರದಲ್ಲಿ ಕೋವಿಡ್​ ಆರ್ಭಟ ಅಷ್ಟೊಂದಿಲ್ಲ. ಇಲ್ಲಿ ಕೇವಲ ಆರು ಜನರಿಗೆ ಮಾತ್ರ ಸೋಂಕು ತಗುಲಿದೆ. ಆದರೆ, ಈ ಪ್ರದೇಶದಲ್ಲಿ ಕ್ವಾರಂಟೈನ್​ ಶಿಬಿರಗಳನ್ನು ಸ್ಥಾಪಿಸಲಾಗಿದೆ.

ಇಸ್ಲಾಮಾಬಾದ್ : ಇಂದು ಒಂದೇ ದಿನ 100 ಹೊಸ ಕೋವಿಡ್​-19 ಪಾಸಿಟಿವ್​ ಪ್ರಕರಣಗಳು ಪಾಕಿಸ್ತಾನದಲ್ಲಿ ಪತ್ತೆಯಾಗಿವೆ. ಒಟ್ಟು ಕೋವಿಡ್​ ಸೋಂಕಿತರ ಸಂಖ್ಯೆ 1600ಕ್ಕೇರಿದೆ. ಈವರೆಗೆ ಆ ದೇಶದಲ್ಲಿ ಕೋವಿಡ್​ಗೆ 17 ಜನ ಬಲಿಯಾಗಿದ್ದಾರೆ ಎಂದು ಆರೋಗ್ಯ ಸಚಿವಾಲಯ ತಿಳಿಸಿದೆ.

ಪಾಕ್‌ನ ದಕ್ಷಿಣ ಏಷ್ಯಾದಲ್ಲಿಯೇ ಅತಿ ಹೆಚ್ಚು ಕೋವಿಡ್ ಸೋಂಕಿತರನ್ನು ಹೊಂದಿದ ದೇಶ. ಪಂಜಾಬ್‌ ಪ್ರಾಂತ್ಯದಲ್ಲಿ 593, ಸಿಂಧ್​ನಲ್ಲಿ 502, ಖೈಬರ್ ಪಖ್ತುನಖ್ವಾದಲ್ಲಿ 192, ಬಲೂಚಿಸ್ತಾನದಲ್ಲಿ 141, ಇಸ್ಲಾಮಾಬಾದ್​ನಲ್ಲಿ 43 ಹಾಗೂ ಗಿಲ್ಗಿಟ್​-ಬಾಲ್ಟಿಸ್ತಾನ್​ನಲ್ಲಿ 123 ಜನರಿಗೆ ಕೊರೊನಾ ಸೋಂಕು ತಗುಲಿದೆ.

ಪಾಕ್​ ಆಕ್ರಮಿತ ಕಾಶ್ಮೀರದಲ್ಲಿ ಕೋವಿಡ್​ ಆರ್ಭಟ ಅಷ್ಟೊಂದಿಲ್ಲ. ಇಲ್ಲಿ ಕೇವಲ ಆರು ಜನರಿಗೆ ಮಾತ್ರ ಸೋಂಕು ತಗುಲಿದೆ. ಆದರೆ, ಈ ಪ್ರದೇಶದಲ್ಲಿ ಕ್ವಾರಂಟೈನ್​ ಶಿಬಿರಗಳನ್ನು ಸ್ಥಾಪಿಸಲಾಗಿದೆ. ಪಾಕಿಸ್ತಾನದ ಎಲ್ಲೆಡೆಯಿಂದ ಸೋಂಕಿತರನ್ನು ತಂದು ಇಲ್ಲಿರಿಸಲಾಗುತ್ತಿದೆ ಎಂದು ಪಾಕ್​ ಆಕ್ರಮಿತ ಕಾಶ್ಮೀರ ಜನ ಆಕ್ರೋಶ ವ್ಯಕ್ತಪಡಿಸಿದ್ದಾರೆ.